حسبي الله على اخت زوجي

السلام عليكم يابنات
انا عندي 4بنات وساكنه مع اهل زوجي :09:
واكبر وحده عمرها7سنوات يعني ما امداني اريح وحملت فيها بعد زواجي بسنه
والسبب اللي ما يخليني اريح هو زوجي يبغا ولد والحين انا بالنفاس ببنت والله انا الحمد لله
راضيه بكتبه الله بس الناس الهمج وش تقولين لهم امي من تبشر احد بولادتي بدل ما يقول مبروك يقول يحوووول بنت:(

وامي تقولي ما عليك من احد الله الرازق بس تخيلو زوجي زارني بالمستشفى ويقول ما عليك الخيره فيما اختاره الله
ووووووومن هالكلام اللي يبرد على القلب :)
وانا ارتحت كثيرررر يوم قال الكلام لاني كنت خايفه يتركني <<متاءثره بالفلام:42:
بس بعد ما طلعت من المستشفى هو رجعني وطول الطريق مبسوط وسوالف ويلعب مع بناته ويقول اللي ما تزعج ماما ابوديها للملاهي وكانت معنا اخته بالسياره كانت بمركز تجاري بجب المستشفى ومرينا اخذناها مع العلم انها متزوجه وعندها اولاد وبنات ماشاءالله وهي طول الطريق تسالني يوم تسوين سونار ما قالو لك انها بنت
ولاجاحده عن اخوي تقولها مزح برزح :angry2::angry2:
وانا ما استوعبت وش قاعده تقول وقعدنا بحااااله هدؤ مو طبعي وزوجي مو كنه اللي تو يلعب مع بناته
بعدين قالت فيه طريقه اذا سويتوها تجيبون ولد!!!!!!!!!!!!!!!!!!!!!!!!!!!!!!!!!
رديت عليها من قال اننا نبي ولد
وجت الطامه رد زوجي الا انتي اللي من قال لك اني ما ابي ولد
انا قمت ابكي بيني وبين نفسي خايفه على مشاعر بناتي وضلينا كذا لحد ما وصلت بيت اهلي
دخلت وانفجرت عند امي واختي:angry2::angry2:
وهو الحين له 4ايام ما دق ولاجاء
يدق عالبيت ويطلب بنته الكبيره ويسالها عن حالها وخواتها وبس
طيب انا وش ذنبي
وش سويت
ارسلت له رسايل شوق مارد
دقيت مقفل
واللي مريحني انه يدق على بناته ولاكان قلت صاير له شئ
مع العلم انه حطنا قبل اخته
معقوله يوم راحو لعبت براسه
مع العلم اني دايم بمشاكل معها
بسبب اولادها يتحرشون ببناتي تحرش غريب ومعذوره لوخفت على بناتي منهم
اختها تخاف على بناتها بعد لانه دايم يصير موقف
وسبق ان صار موقف مع وحده من بناتي وخفت عليهم صرت اذا جو اصك عليهم واشغلهم فيديو ولااي شئ يلهيهم
وذا سالو عنهم قلت نايمين علشان ما اجرح مشاعرهم ولا اذا دريت انها بتجي اقول ايه بس انا مواعده اهلي اليوم وانا اكذب وكل مره عذر ومحد يدري باللي صاير الى انا وهي مراعاه لمشاعرها


ساعدوني الله يخليكم