كوبونات الراقية تسجيل الدخول

**دلع بنات**

حسبي الله على القدرات والي حطها ولله انهم ماعندهم احساس بيدمرونا على هلحال

الملتقى العام •

يالبى هلعيون الي تناظر موضوعي






اعتبريني بتك ولا اختك و لا اي شي بالحياة بس اسمعيلي:44:




:angry:تكفون ادعولي انقبل بجامعة سعود عليشه اول مااقدم عليها تدرون يوم اختباري القدرات كان اختباري فيها والله اني صحت اول مارجعة من الاختبار لاني ماعرفت اجاوب عليه زين اخااااف مايقبلوني لاني ماعرفت اجاوب طيب وش اسوي ولله ان الاختبار صعب ومو مفهوم والله ان اسالتهم بالكمي تعجيزيه

هذي اخر سنه لي بالثانويه وكل طموحي واحلامي هي والله ماابي اي شي غيرها بهدنيا بس ابي انقبل فيها ماابي اجلس بلبيت انا ماهد حيلي جد وحطمي الا يوم شفتها صدق تعرفون لاشفتوشي وتشفقتو عليه :icon33::icon33:وتبنون كل طموحاتكم عليه وتحسون انو ماتبون غير هشي تخيلو وانا اكتبلكم الموضوع وجالسه بالغرفه اسمع ماما بصاله تكلم خالتو بالكام وتقول تخيلي دلع من يوم الخميس وهي تصيح عشان اختبار لقدرات حسبي لله عليهم دمرو نفسيت بناتنا وحتى ماقدرت تذاكر الامتحانين الي عليها الحمدلله انه جت اجازه قسم بالله وهي تتكلم ومو داريه عني حسبالها اني بغرفتي بس انا جيت بغرفت الاكل لانو النت ضعف وانا اسمعها دموعي تنزل بدون صوت واكتب لكم حسيت انو انكسر خاطري زود على انفسي:icon33: تخيلو امس يوم عرفت انو اجازه جبت لابي وفتحت ادور صور الجامعه واشوف البنات الي يتذمرون منها والله اني حقدت عليهم مومقدرين النعمه الي هم فيها لا ويبون اجازه مثل المدارسه والله لو انقبل فيها لااروح لو فيها عواصف وزلازل :icon33::icon33:

ياربي رجيتك وطلبتك لاتردني خايبه اني انقبل فيها لايهمكم توقيعي ماابي احسن الاقسام ابي ازفتها بس يقبلوني :icon33::icon33:تخيلو انا كنت ادرس بروضتها لان ماما كانت تدرس بجامعتها والله اني اذكر وانا عند باب الروضه واناظر بوابت الجامعه واقول فنفسي اذاكبرت بشتري تنوره ونظارات شمسيه وبدرس فيها زي ماما رحمتني على الامال ياحياتي كان علبالي التنوره والنظارات الشمسيه هي العوق بس
18
1K

يلزم عليك تسجيل الدخول أولًا لكتابة تعليق.

تسجيل دخول

um faisel
um faisel •
الله ييسر لك دخول الجامعه وهم حاطين القياس للغرقله وتدفعون فلوس لدخول الجامعه..انا بنتي تدرس في جامعة الملك عبدالعزيز انتساب مدفوع ودايم ارفع يدي وادعي على من اخترع الانتساب المدفوع يعني الدوله تصرف مليارات على التعليم واكبر ميزانيه تصرف للتعليم وهم يحطون شروط وعراقيل وياكلون فلوس انا نفسي اعرف الفلوس اللي ندفعها تروح لمين والدوله متكفله بكل شي لكن حسبي الله ونعم الوكيل
قطوف ~
قطوف ~ •
يا قلبي .. الله يوفقك وتنقبيلن بالجامعه

أما بالنسبة للقدرات أحس اللي كاتبين الأسئلة محششين ، أجل مسألة رياضيه جوابها ما همو من ضمن الخيارات


الله يستر إذا الديوان يسويها ولا يقبل تقديمنا الا بالقدرات <-- يخوفون
حلوه و دلوعة
حلوه و دلوعة •
وه ياحبيبتي
لاتبكين ولا شي ترا والله الدنيا ماتسوى
ومنت ضايعه الله معك
وان شاء الله تنقبلين :)
الكل يشكي من هالقدرات حسبي الله وعنم الوكيل اجل وش فايدة اللي طول عمره يدرس 12 سنه واخرتها قدرات واسأله مدري وش تبي "
هونيها وتهون وان مانقبلتي أدرسي دبلوم حاسب الي والله هو اللي ينفع الحين والبنوك تدورك دواره وأدرسي معاها انجليزي ست شهور "
اعرف ناس مادرسوا جامعه ودرسوا دبلوم حاسب والحين موظفين بالبنوك والجامعيات قاعدات بالبيوت "
أنثى متمردة
أنثى متمردة •
الله ييسر دخولك يالغلا
لبيك حتى الجنة
لبيك حتى الجنة •
حبيبتي

هذا ساهر لحصد الدرجات وتحطيم المعنويات ...