حسبي الله على الي مايخاف الله

السلام عليكم ببدا بالمووضوع مباشره لاني بفضفض من القهر وانااشوف زوجي يتلون وجهه اشكال والوان حسبي الله على الي مايخاف الله حسبي الله على الي مايذكر الله حسبي الله على من يتمنى ازالة النعمه عن اخيه المسلم الناس فيها حسد وفيها غيره وفيها بلاوي لايعلمها الاالله حسبي الله عليهم ياخواتي انا زوجي انسان طيب كريم لما اتزوجنا قبل 10 سنوات والله كان راتبه 2500 ريال وانا ماعندي شهاده تاهلني للعمل المهم المهم كافح الحياه منا ومنا وقدرنا بفظل الله وبقوته ان نعمر بيت ملك لان الاجار هدنا واشار عليه ان نسكن مع اهله لما الله يسرها وافقت وسكنت مدة 4 سنوات هي مدت بناء المنزل والحمدالله سكنا الان 4سنوات بيت مستقل وهذي المده غارق بالاقساط في شهر 2 الماظي انتهت الاقساط عنه واخذ قسط جديد واشترى سياره ماهي جديده لاكن حلوه لانه من زواجنا ماركب السياره الزينه واشتراها ب 80000 الف ريال سياره كبيره واسعه وحلوه وكان فرحان فيها وانا واطفالي مستانسين وتسلطو عليه الناس كيف شريتها ومن اين لك الفلوس هذا انت يالفقير لاوالله مانت فقير حنا الفقراء سياره زينه وبيت ملك من قدك وقبل شهر جاه واحد قاله بعني السياره قال ياخي ماهي للبيع قال الا ان شا الله للبيع والله لدعي عليك تبيعها تشليح ان شاالله عدمانه وكان عنده حظور رجال وتكلموى عليه وقالوى الذكر الله وتق الله حرام تتبلى الرجل في حلاله يقول كل ماواجه هذا الرجل يقول بعني السياره انا ابي نفس الون والمديل والان ياخواتي السياره كل يوم شايلها بسطحه حتى الورش مالقوى علتها ودخلها وكاله ب 7000الاف ريال ومايدري هي تضبط اولا والان حالته حاله من اين يجيب 7000 الاف وعنده اختبارات انتساب بثاني ثنوي ونفسيته تعبت وانا اشجعه لاتترك الاختبارات حاول تختبر يقول كيف اختبر والنفسيه الله اعلم فيها والمدرسه تبعد عنا تقريبا 40 كيلو وانا حامل بالشهر الثامن وعمليتي باخر 7 وتعرفون مراجعات المستشفى الله يكون بالعون والله لايوفق من تبلانا الله يبلاه بعمره وينتقم منه تكفن ياخواتي الريد منكن الدعاء لزوجي بتيسير امره وتفريج همه دعوت المسلم لاخيه بظهر الغيب الله يسر امر كن ويجلى همومكن دعواتكم لي والزوجي يارب ياكريم