حسبي الله على ريلها

السلام عليكم ورحمه الله وبركاته ....
الغاليات كنت من كم يوم في الطواري اتريى دوري عشان ادخل بنتي..
وتعرفن حجره صغيره لو وحده تتنفس تسمعها اللي جنبها...
والا المسكينه تتوجع من راسها ومن يدها ومن رجولها ,,, اخت من جنسيه عربيه .. الله يستر عليها وعلى بنات المسلمين تتوجع كنها طالعه من حادث؟؟؟
وتقوم المسكينه وتحط ماي على راس بنتي وانا مذهوله رغم الالم اللي فيها بعد ما طاوعها قلبها تشوف بنتي تتالم وهي يالسه...
سالتها شوه فيج قالت ريلي ضاربني .. يعله الكسر يارب.. قلتلها ليش اكيد مسويه شي ؟؟؟
قالت والله يااختي ما سويت شي لكن من خذني وهو يعاملني كذا ,,
انزين ووين اهلج ليش ما تروحيلهم ؟؟؟
قالت ما راضي اني اسافر وانا ما قدرت اخبرهم عشان ما ازيد همهم؟؟؟
وخالتها معها قالت من كم سنه مع هالريال اول مره اعرف انه يضربها بهالشكللا والمصيبه انه مره على حسب كلام خالتها ضربها الين سقطت وقالها لو رحتي وخبرتي انتي بتنسجني ,,وهالمره تقول من شده الضرب ما قدرت استحمل خبرت خالتي وقبل لا اطلع قالي لا تشتكي وبعطيك 1000 ريال!!!!!!!!!!!!!
ليش خواتي هالظلم حتى لو كانت غلطانه وحتى لو مسويه مصيبه من عطاك الحق انك تضربها هالضرب والله لو عارف انه لها سند ما كان تطاول عليها بنظره...
الله يرحمن برحمته , تذكرت قول الحبيب . استوصوا بالنساء خيرا.. وايظا خيركم خيركم لااهله..
اسمحلي خواتي على الاسلوب بس والله اني انقهرت هذا اسلوب يتعامل فيه الريال مع شريكه حياته وام عياله .. والسلام عليكم ورحمه الله