حسبي الله على قريبات زوجي

بنات انا متزوجة من 4 سنين وزوجي
اول ماتزوجت ماكنت اغار بس زوجي كان صريح معاي ويقول انه في بنات من جماعته يزعجوه احيانا على الجوال
وحرمة اخوه وكذا وصارحني هو غلط مليون مره حركته بس عرفت( انه يقصد انه يخاف هالبنات يفتروا عليه عندي واصدقهم ويخربوا بيتي)
انا حسبته ف البداية يحسبني باردة ومن سوالفه هذي قلت يمكن يبيني اغار شافني باردة
وبلا شعور صرت اغار مو اغار منه اغار من البناااااااااااااااااات وابي اعرف مين من قريباته بالضبط ؟ لانه مو شي ماضي لانه مره جاه رقم غريب زوجي راح الحمام وحطيته بالنمبر بوك بس ابعرف مين طلع اسم خالتي ومدري وش
وزوجي عرف بعدها شكله راح للتطبيقات الاخيرة وزعل مني يقول انتي مو واثقة فيني انا يابنات واثقة فيه بس محترة ابعرف هالوقحة اللي تتصل مين


حتى في عزا ابوه كنت شاكة في بنات ونظراتي عليهم لانه قال هي تزوجت بس يوم جات عند اهلي تسال عنك تبغى تشوفك وانا يوم العزا قلت اكيد حضرت العزا واوسوس مين هذي اللي كانت تبغاه وتبغى تشوفني احسهم كارهيني عشان يبون زوجي بس ماني متأكدة هم ولا لا بس هو فيه بس مدري مين بالضبط
وحذرني من اخت زوج بنت خالتي هي تصير بنت خالته لانها تقوله ليه ماتسأل عن اختي بعد ماتزوجت اخته مترضعه مع اخوانه يقول كذابه انا من زمان مااسأل
المهم انا اخذت حذري بس ماتوقعت اختها الصغيره مثلها يابنات انا على نياتي واذا رحنا جدة نروح لهم وننام عندهم مع اني ماابغى اروح لهم لان الزوج صديق زوجي والزوجة صديقتي بس اخواته ساكنين عندهم وهالرجال ينشب لزوجي غصب نروح لهم
المهم الصغيرة هذي اكتشفت انها تغار مني وانا ماكنت مركزة معها وطيوبة معهم ومتواضعة والحين اتذكر تصرفاتها معاي حسيت كأنها غيرانه وكلامها معاي مقارنة بيني وبينها حتى مره جو عندي البيت وقعدت تقول انا كنت اسمن من كذا وكانت بشرتي زيك وافتح وبنت خالتي شكلها فهمت قصدها وقعدت تطقطق عليها وتقول ياشيخه وتكفين وكذا لين شكلها زعلت وحتى ماعاد كملت عشاها. انا على نيتي احسبها وربي تسولف عن نفسها وكنت معها بالسالفة بس كنت اضحك من تحطيم بنت خالتي لها ماجا على بالي انه قصدها يعني ترا كنت احسن منك وكذا وكذا حسبي الله عليها
الله لايبلانا هي فيها نقص في جسمها الحمد لله الذي عافانا مما ابتلاها وفضلنا على كثير ممن خلق تفضيلا مااشمت والله مااشمت بس عشان اللي بيقولو لي يمكن تحس بنقص وتبي تكبر بنفسها


طيب انا ماانتقصتها ولا احتقرتها هي باين انها غايره مني بس اخاف انها تكون غايره عشان زوجي لي


ف زواج اخته يابنات زوجي دخل يزف اخته وع الكوشه البنات يرقصون جماعته وربي اني انقهرت يابنات واخته الصغيره اغمى عليها وجت وحده تشيلها واعطت زوجي جوالها يعني يعني اني ميته على اختك بشيلها ومشغوله يعني مالقيت ع الكوشة غير زوجي قلة ادب ورب الكعبة وشي يرفع الضغط


انا زوجي قد قال بيدخل وبعدين قال مابيدخل فرحت انا ويوم جات الزفة ودخل مفاجأة لاخته


غير انه كان ع علاقه بس ماقال لي عليها بس عرفت من اخواته بس انتهت ومالي ف الماضي بس احيانا احتر من البنت رغم انها مو احسن مني بس تعرفون شعوري بس والله مو دايم واحترم هالبنت ماعلينا من سالفتها


المهم انا كيف اتعامل مع هالسخيفة بنت خالته وتجريحها بالكلام ودايم تحاول ان تطلع النقص فيني تقول كم لفة تغسلين ملابس بنتك ومره شافت ورقة في بنطلون بنتي وقاعدة تسحب فيها قدامي يعني شوفي ماقطعتيها قلت لكم سخيفة لابعد حد المشكلة اني ماافهم تصرفها الا متأخر وماجا ببالي غيرتها الا قريب وكيف اتقي شرها ولسانها ابي كلام يثلج صدري يابنات
طبعا بدون ماادخل بمشاكل معها ابي اسلوب يخليها تبطل سخافة معاي
ريحوني الله يريحكم كيف اتعامل معها




يابنات انا مره زوجي سحب جوالي مزح يفتش وانا سحبت جواله وقفلت علي الباب وقعدت اشوف المضافين في السناب


لقيت وحده اسمها زي اسم بنت خالتي وهي فنفس الوقت بنت خاله تحب اخوه هالبنت وبيخطبها اخوه


المهم قلت له ماشاء الله مين هذي كلمني مستغرب كنه بريء وانا حسيته كذلك قمت ارسلت لها مين وحطيت لها حظر


المهم بنت خالتي هذي اضافتني ومره واحنا مسافرين الشبكة راحت من عندي وطلعت اليوزرات بالانجلش انصدمت انه اليوزر حق بنت خالتي اللي تبي اخوه يتهيأ لي انه نفس اللي ف جوال زوجي وتنكدت يابنات ذاك اليوم مصدومة معقول هي وفنفس الوقت ماابي اقول لزوجي وهو حس بضيقتي يحسبني ماابغى اسافر لاهله
وانا مهمومه من اليوزر ابي اتاكد هي ولا لا بتهبل
ومسكتها بصدري وكذبت نفسي قلت لا مو هي لا


المهم خلصت الاجازة رجعنا مادري كيف دخلنا بموضوع المهم اني ماقدرت امسك نفسي وقت له انا شفت اليوزر كنه هو وابغى اتاكد قال لا مو هي سلامات هذي ترا تبغى اخوي قلت له عشان كذا انا ماابغى اظلم البنت اعطيني ابغى شي
المهم مسكت الجوال وهو يطالع لي ورحت للاعدادات وبعدها المحظور الا القى اسمين محضورها اسم بالعربي واللي بالانجليزي ماقدرت اقراه لانه قام وسحب الجوال غصب ومسح الاسمين 😭 تخاصمت قلت حسبي الله عليكبس كنت بقرا الاسم عشان ارتاح انها مو هي عرضها في ذمتك انا مايهموني بنات ابليس بس كنت ابغى اتاكد هو اليوزر اللي عندي ولا لا ماابي اظلمها وتخاصمنا وزعل وكان بيسافر وراضيته وانا بقلبي حسرة ماماتت للحين وماتقفل الموضوع لكن بأحسن الظن وبقول مو هي بس قهرني لما مسحها وماامداني اقرا الاسم
ولقيت وحده ثانيه مضافه عنده ولاهي من المشاهير ولا شي بس هو قال ولد خالي قاعد يسوي فينا مقالب انا والعيال كانه بنت يبي يخرفنهم


اه يابنات تعبانه انا ليتني مافتشت بس غلطة كانت بسبته يوم مزح سحب جوالي يقلب فيه انا ماحسبت مع اني ثقة واثقة بعد الله فيه والكل يشهد انه موراعي هالسوالف وهو يقول ليه تسوين كذا وانتي عارفة انك ملكتي قلبي ويموت قهر انه نظيف وانا مو وااثقة فيه . بس انا انقهر من البنات واحس مليون بالميه انهم اقاربه لان محد يضيف الا اللي عندهم رقمه .




من ناحية التحصين انا اتحصن الحمدلله
بس كيف اريح على قلبي احس اذا اتواجدت معهم بياكلوني يبون زوجي حاسديني ليه ياخذني مو كلهم والله بس احس انو في احد منهم
مع انه مو من اقاربي بس كانت المواصفات اللي يبيها عندي وارتاح لي وحبني وانا نفس الشي


يارب فرج همي وابعد عني وساوس الشيطان
مو قادرة اتغلب على وساوسي لان كل شي فيه دليل


يابنات اللي عندها رد يثلج الصدر ترد واللي ردها بيزيد الطين بله انا في غنى عنه والله مو ناقصه
واللي ماعندها خبرة تدعي لي ربي يشيل حبه من قلوبهم ويكفينا شرهم يارب