حسبي الله على كل خاين وخاينه

السلام عليكم ورحمه الله وبركاته 
صباحكم / مساءكم ورد وجوري
أخواتي حالتي مايعلم فيها إلا الله وحابه أفضفض لكم
ماحصلت أحد يفهمني وكلي ثقه فيكم.. 
انا بنات بكمل سنه على طلاقي واحس بغصه بقلبي ونفسيتي  تعبانه 
كل ليله ابكي لحد مايتعب قلبي وانام ودمعتي على خدي 
مو ابكي على طلاقي لا..
قرار الطلاق برغبتي واختياري 
انا ابكي على حظي ونصيبي ..!
ابكي لأن انحسب علي زواج وانا ماتهنيت..! 
ابكي على اهانته وخيانته لي ..!
ابكي على بنتي اللي تمنيت تعيش مثل كل طفل بين اب وام..!
ماابي تعاني مثلي لاني كنت عايشه بجو اسري مفكك ( آب وام شبه منفصلين ) وكبرت وانا مفتقده الاهتمام والحنان وأحس بنقص عاطفي بشكل كبير 
ورغم كل شي مهيأ لي بس حافظت على نفسي وكان خوفي من الله يمنعني واخلاصي  لزوج المستقبل ف كنت اتمناه مثلي شريف عفيف ماعنده علاقات ولايعرف غيري مؤمنه باأن الخبيثون للخبيثات والطيبون للطيبات
وحلمي من صغري اتزوج واستقر واعوض النقص العاطفي بالحلال وكانت مشاعري عذراء تمنيتها لمن يستحقها بس للأسف 
تزوجت وكان اول رجل بحياتي ماعرفت قبله ولابعده  
وكأنو أكتشف نقطة ضعفي من بدايه الزواج وغرقني بكلام الحب والغرام  لحد ماعلقني فيه وسلمت له قلبي وحبيته حب صادق رغم كل عيوبه 
ولكن من ثالث شهر من زواجنا انصدمت صدمة العمر  بخيانته لي مع بنات وشفت ارقامهن بجهاز جديد  بس انكر وقالي الجهاز لصديقه فلان وتبادلوا الاجهزه ونقل شريحته واختلطت الارقام مع ارقام صديقه ومايعرف بنات وحلف لي وأنه مليون يشهدون على أخلاقه واني مريضه شك وسووسه بس كان حاس قلبي باانه يخونني بس ماعندي دليل غير الارقام وكان مسجل ارقامهن بااسم غير لائق ق ... ماعدا وحده شكلو يحبها من الاسم المسجل لاارقامها مثل فلانه تؤام روحي ووو وكلمات كان يقولها لي وعرفت ان الارقام له مو لصديقه بس قالي الكلمات هذي متدواله وتحصلينها بشريط قناه غنوه ومو شرط يكون انا وكمان من  كلامه عن صديقه لي انه حيوي مش قادر يتكلم مع زوجته بفتره الملكه او يقابلها من شدة الخجل بس مضطر بعد طلب ابو زوجته وهذا يؤكد لي انو صديقه بريئ ماعنده خرابيط وعلاقات  مع بنات..! 
المهم بعد سنه كشفته مره ثانيه بجهاز غير عن الاول وكأن ربي اراد ان ينصر صديقه المظلوم واعرف حقيقته 
اه يالخيانه شعور مؤلم يقتل كل شي فيك 
يمكن اللي جربت الخيانه راح تحس فيني
وطبعا طلبت الطلاق وبعد اصرار مني طلقني بالمحكمه بالثلاث انتقام مني 
ماكان طلبي للطلاق بسبب الخيانه فقط 
فيه اسباب كثيره وسيئاته اكثر بكثير من حسناته بس مع ذلك كنت صابره عشان كلام الناس ف انا بمجتمع مايرحم ولو تطلقت مااحد يفكر يتزوجني إلا المعديين أو كبير بالسن وكمان عشان بنتي اللي مالها ذنب 
وكان عندي امل يتغير بس بعد ماتاكدت من خيانته فضلت الانفصال وماقدرت اتحمل الاهانه والاهمال والحمد لله على قضاءه وقدره 
وليته اعتذر لماواجهته بالعكس اهانني اكثر وجرحني بالكلام 
المصيبه الكبرى من ضمن البنات اللي يخونني معهن وحده متزوجه ولها اطفال وحسيت يحبها من الاسم المسجل لاارقامها مثل ماقلت لكم من قبل وهذا اللي حرق قلبي اكثر 
اما البنات اللي غيرها  عارفه نظرته لهن من خلال الاسم المسجل لاارقامهن فقط مجرد تسليه ونزوه فتره مؤقته ويتركهن ومرده لي 
بس المتزوجه احس بينهم علاقه حب وأوقات ظهورهم بالواتس مع بعض 
ليه تشاركني حلالي؟! عندها زوج مو مكفيها؟! 
لو هي ماتزوجت ممكن اعذرها واقول لعب عليها الشيطان واغراءها بالكلام المعسول وهي محتاجه حب وحنان وتعلقت فيه وماعاشت جو الاسره ولاتعرف معنى الزواج والأرتباط أو تحس بشعور المتزوجه ووو بس هي متزوجه على ذمة رجل وعمرها مو صغير وعندها اطفال ويمكن عايشه افضل مني 
وهي عارفه انه متزوج وعنده بنت وسبق هددتها بااول زواجي ومازالت متمسكه فيه 
المفروض تحمد ربها على نعمه الزوج والاطفال وماتهدم بيوت الناس وتخون ربها واهلها وزوجها 
وهو ليه يكلم بنت متزوجه على ذمة رجل غيره ويهتك اعراض الناس ويخونني معها
ولما واجهته بكل بساطه قالي ابيها من سنتين يعني من قبل زواجنا يعرفها 
معقوله بنات يحبها ويبيها ويفضلها علي او بيقهرني لاني عرفت الرمز السري وفتحت جهازه؟! 
ايش يبي ببنت متزوجه عندها اطفال وخانت زوجها معه وانا محافظه على عرضه وصاينته ومخلصه له  رغم تقصيره لي من جميع النواحي وللأسف يجازيني بالكذب والخيانه والغدر 
مادام قلبه مع وحده متزوجه ليه يتزوج كان عاش حياته بدون زواج افضل مو يظلمني ويخلف ضحيه مالها ذنب الا انو ابوها 
حسبي الله ونعم الوكيل عليهم هدموا بيتي وسرقوا فرحتي وقتلوا حلمي 
الله يحرق قلوبهم مثل ماحرقوا قلبي ويذيقهم من نفس الكأس اللي ذوقوني منه
الله يهدم بيتها ويشتت شملها ويحرمها من زوجها واطفالها مثل ماخربت بيتي وحرمت بنتي من ابوها وشتتها بيننا 
وهو الله يقطع نصيبه من الزواج والذريه بسبب خيانته وظلمه لي 
هذا الدعاء ادعيه يوميا واتمنى ربي يفرحني بنصرني عاجلا غير اجل 
بنات بتم سنه ومازلت مجروحه وجرحي الى الان مابرى وماقدرت انسى او حتى اتناسى 
كلما اتذكر اللي صار احس بسكين في قلبي تنغرز اكثر وأكثرررر 
عارفه بتقولون الدنيا  ماوقفت على رجل بس المرأه ماتقدر تعيش حياتها بدون رجل هو مكمل لها وانا محتاجه عاطفه واحتواء وفرصي بالزواج قليله  مو مثل قبل ماراح يتقدم لي عازب أو مطلق مايبغوا مطلقه وعندها طفله وانا مستحيل أفكر أتزوج واحد متزوج واخرب بيت أسره أو أتزوج شايب أولاده من نفس عمري 
مااقول إلا حسبي الله وكفى على من ظلمني..