الحمدلله رب العالمين والصلاة والسلام على سيدنا محمد وعلى آله وصحبه ومن اهتدى بهديه الي يوم الدين
خواتى والله انى منهاره ومضايقه وما بقولكم اللي فيني الا لاني محتاجه لدعوه صادقه من القلب ما بتخسرون فيها شي الا انكم بتردون عنا اذى
الموضوع بأختصار ان ابوي علاقته بخواته (عماتي) متوتره بسبب ورث وغيره
امي لأنها على نياتها وما تكره احد كل ما تقوله مهما كان انتوا اخوان ولا تقطعهم يسكتها ويقولها لا تدخلين,, ومن فتره (قبل رمضان بشهر) زارتنا عمتي وهي متزوجه وساكنه في دوله مشهوره بالسحر
وامى رحبت فيها وماقصرت معاها لان عمتى هاي كانت في غيبوبه وماقامت منها الا بمعجزه وطول الزياره وهي كلامها وتصرفاتها غريبه وتقول لأمى انا اخباركم كلها عندي واعرف كل صغيره وكبيره عنكم ..يعنى حضرتها تهددنا بشكل غير مباشر ,المهم انها طلبت من ابوي مبلغ تافه وهو عاندها وقبل لا تروح هددته انها بتخرب بيته اللي هو بيتنا طبعا .
والله لا يعيشكم فاللي عشناه طول رمضان ابوي حاله تغير هو اساسا عصبي لكن الحاله اللي صار فيها غير طبيعيه ,يعصب علي اتفه الأسباب ,يمد ايده عالكل من اكبرنا لأصغرنا قسما بالله ان ما كنا نتهنا بالفطور مثل كل اسره كان يسب ويتلفظ بألفاظ انا كنت اشك ان هذا الشخص ابوي اللي اعرفه
وكان يقول انه يحس بضيق واكتئاب كل ما تواجد فالبيت بينما برع البيت ما يحس بهالشعور
قام يقصر في كل شي ماديا ومعنويا طول رمضان ودموعي على خدي وحتى يوم مرض اخوي الصغير وعمره 3 سنوات ما زاره فالمستشفى مع انه يحب وايد
اخوانى تعقدوا وكنا ما نحب نفطر معاه عشان لا نقول اي شي بسيط يستفزه
وبعد معاناه وبفضل الله واهل العلم والدين عرفنا ان عمتى ساحره ابوي وفي قيام الليل كنت ادعي من كل قلبي ان الله يرد كيدها ويحفظ استقرار بيتنا عشان اخوانى الصغار اللي مالهم ذنب وامى المسكينه
وقمنا نشغل صوره البقره وهو ينزعج ويعصب وبعد جهد جهيد انفك السحر بعون الله ورجع ابوي اللي اعرفه وبديت احبه وانسي فظاعته معانا
لكن للأسف في ناس ما ينشغلون بنفسهم رجعت عمتى تتصل فيه وعزمته يتقهوى في بيت عمتى الثانيه ومبين عليها هالمره مستعده لانها اول ما وصلت اتصلت له فورا ,والله يستر والله ان حياتنا على كف عفريت مثل ما يقولون بيروح عندهم وما اعرف شو يشربونه هناك
ولا نقدر نقوله لا تتقهوى عندهم والله حاله راسي بينفجر
الشر والسحر اييب مفعول بسرعه والاعراض تبين لكن العلاج ياخذ وقت استغفر الله العظيم والا كيف وحده كانت في غيبوبه وبين الحياة والموت تفكر في انها تسوي اسحار لاخوها وعياله ؟؟ بدال ما تقول يالله حسن الخاتمه
الله يخليكم ويحقق لكم كل اللي في بالكم بس ادعولي ان الله يرد كيدهم في نحرهم هالسحره ويشغلهم بنفسهم ويحفظ امى منهم اللي كل ما يسوون شي اطيح امى مريضه علينا
اعرف ان الله خير حافظ لكن بدعائكم ممكن توقفون وياي
واسمحولي عالأطاله والله لا يحرمنى من وقفتكم مثل ما وقفتوا معايه في مواقف كثيره قبل .
اختـــــــــــكم
العــــــــــــــــــــــود
العود المنثور @alaaod_almnthor
كبيرة محررات
يلزم عليك تسجيل الدخول أولًا لكتابة تعليق.
قموسة
•
اسال الله العلي العظيم ان يحفظكم من كل شر ويصرف عنكم السوء ويجعل لكم من كل هما فرجا ومن كل ضيقا مخرجا ,وان يحفظكم بحفظه . اختي الغالية تحصنوا باذكار الصباح والمساء وبالاذكار الشرعية وان شاء الله لن يضروكم شيئااسال الله العلي العظيم ان يحفظكم من كل شر ويصرف عنكم السوء ويجعل لكم من كل هما فرجا ومن كل ضيقا...
العريفة
•
الله يشغلها بنفسها ( أذا كانت تبي تسحر الوالد) آآمين
شوفى اختى .... بالنسبة لكم المعوذات احرصي عليهم وحرصي الوالدة واخوانك .... لكن في بعض
الناس تقراء سبحان الله من غير يقين واذا جاه شئ قال كنت أقراء المعوذات وشلون جاني عين او
سحر..... اليقين والتركيز الثناء قراءة المعوذات
سورة البقرة ان قدرتى يوميا ....
اما الوالد ....... كونى صريحة معه اكيد كان يعرف انه كان مسحور من قبل نبهى واطلبي منه انه يحرص على المعوذات يوميا فى الصباح والمساء ولايتركهم مهما كان ...
اما موضوع الشرب أنه يشرب سحر .... اذا كان محصن نفسه ماراح يجيه شئ بأذن الله والحافظ الله
وراح اقولك قصة واقعية ..... الى يقولها ..... متزوج من ملتزمة وهو لايصلي .... حاولت معة بالصلاة
مافى فايدة واخيرا طلبت الطلاق وطلق ... لكن تندم يبغها وهو بعد مصر مايصلي حاول يرجعها رفضت
يقول بعظمة لسانة ..... رحت للساحر وقلت ابيها هى تجى عندى ... قال خلاص ... ويقول جلست اليوم
الأول والثاني والثالث انتظر تجى عندى ماجت
راح للساحر ....................... تدرين ايش قالة
ماااااااااااااااااااااااااااااااااااااااااااقدرو الجن يدخلون البيت
ليش يقول الحرمة مااقدر عليها تقراء المعوذات وكل يوم سورة البقرة
سبحااان الله....
الله يحفظكم من كل سوء
شوفى اختى .... بالنسبة لكم المعوذات احرصي عليهم وحرصي الوالدة واخوانك .... لكن في بعض
الناس تقراء سبحان الله من غير يقين واذا جاه شئ قال كنت أقراء المعوذات وشلون جاني عين او
سحر..... اليقين والتركيز الثناء قراءة المعوذات
سورة البقرة ان قدرتى يوميا ....
اما الوالد ....... كونى صريحة معه اكيد كان يعرف انه كان مسحور من قبل نبهى واطلبي منه انه يحرص على المعوذات يوميا فى الصباح والمساء ولايتركهم مهما كان ...
اما موضوع الشرب أنه يشرب سحر .... اذا كان محصن نفسه ماراح يجيه شئ بأذن الله والحافظ الله
وراح اقولك قصة واقعية ..... الى يقولها ..... متزوج من ملتزمة وهو لايصلي .... حاولت معة بالصلاة
مافى فايدة واخيرا طلبت الطلاق وطلق ... لكن تندم يبغها وهو بعد مصر مايصلي حاول يرجعها رفضت
يقول بعظمة لسانة ..... رحت للساحر وقلت ابيها هى تجى عندى ... قال خلاص ... ويقول جلست اليوم
الأول والثاني والثالث انتظر تجى عندى ماجت
راح للساحر ....................... تدرين ايش قالة
ماااااااااااااااااااااااااااااااااااااااااااقدرو الجن يدخلون البيت
ليش يقول الحرمة مااقدر عليها تقراء المعوذات وكل يوم سورة البقرة
سبحااان الله....
الله يحفظكم من كل سوء
الصفحة الأخيرة
اختي الغالية تحصنوا باذكار الصباح والمساء وبالاذكار الشرعية وان شاء الله لن يضروكم شيئا