السلام عليكم ورحمة الله
بدخل بالموضوع على طول
امي عملت عملية مراره في مستشفى الزهراء في الامارات الشارقه شالوها وكان فيها ورم سرطاني وقالوا لنا انه حصوه مو ورم و خلوها بدون علاج لمدة 6 شهور وهي مسكينه كل ماتتعب وتروح لدكتور يقول لها عادي الام العمليه المهم شرنا عليها تروح لدكتور ثاني خبرها انه المراره كان فيها ورم والحين انتقل للكبد يعني امي الحين تعاني من ورم سرطاني من الدرجه الرابعه في الكبد كل هذا بسبب هل المستشفى الخايسه حسبي الله عليهم ونعم الوكيل
فيا جماعة الخير محتاجين دعواتكم لامي بالشفاء والله قلوبنا متقطعه عليها ودموعنا :icon33:على خدودنا المسكينه كانت تعاني 6 شهور وحنا مو دارين والله انا احنا بحاله مايعلم بها الا الله. الله يصبر ابوي عليها يقطع القلب منظره الله يخليهم لنا يارب.
اذا سامعين في أحد صايره عنده نفس هل الحاله ياريت يقول لنا وين تعالج و كيف؟
قدر الله ما شاء فعل
استغفر الله واتوب اليه
لا تنسونا بدعواتكم لامي بالشفاء و لجميع مرضى المسلمين والله يبعد عنكم شر هل المرض.
مهندسة99 @mhnds99
عضوة جديدة
يلزم عليك تسجيل الدخول أولًا لكتابة تعليق.
الغلا غلاها
•
الله يشفي امك وشفي جميع مرضى المسلمين
الصفحة الأخيرة