مسكت جريدة الرياض لليوم الخميس 5/1
ولفت انتباهي عنوان موضوع مكتوب :
لفتت انتباهي عبارة : والنظر إلى المخطوبة عبر الماسنجر جائز ..!
معقولة جائز ؟؟
لها أضرار كثيرة ومفاسد كبيرة ..
أقلها .. لو ماكان فيه نصيب ممكن تنتشر صورة البنت ..
استغربت وفتحت على تفاصيل الموضوع :
ووجدت اللقاء صفحة كاملة ..
ومكتوب بمربع بخط عريض :
من السنة ؟!
:blink:
صاحين هذولا ؟؟
الأمور اللي من السنة .. هي اللي صارت بعهد الرسول صلى الله عليه وسلم
وعملها الرسول صلى الله عليه وسلم
وماأذكر انه فيه بهذاك الوقت ماسنجر .. عشان يصير من السنة !
:confused-
مشيت بسرعة باللقاء المكتوب أبغى أوصل لموضوع الخطبة بالماسنجر ..
وقرأت الإجابة ..
وماأقول غير حسبي الله ونعم الوكيل فيكم ياجريدة الرياض ويامحرر هالخبر بالذات ..
الكلام لايمت للي كتبوه بصلة ..
والجواب بعيد كل البعد عن عناوينهم ..!
لكني قلت .. يمكن وصل الجهل بالكاتب إنه مايعرف يوصل المعلومة ..
أو بالأصح
مايفهم عشان يوصل المعلومة صح ..
شوفوا الجواب :
يعني عكس ماكتبوا تماما ..
الإجابة لايجوز .. وهم يقولون من السنة ..
ماأقول غير حسبي الله ونعم الوكيل فيكم ..
ليه هالتلاعب بكلام العلماء ؟؟
ليه إلى هالدرجة الاستخفاف بعقول القراء ..
حسبي الله ونعم الوكيل على كاتب ومحرر هالمقال ..
بنات بقولكم شي :
أنا أول كنت أقرأ فقط اللي ينكتب بالخطوط العريضة .. ولاأقرأ الكلام ..
وكنت أتوقع انه المكتوب بالعريض هو زبدة الموضوع وخلاصته !
وللأسف ..
مثل ماشفتوا الكلام عكس تماما للإجابة ..
نصييييحة ..
لاتقرؤون العناوين فقط .. اقرؤوا المواضيع كاملة قبل تنشرون الأخبار ..
وللتأكد :
هذا اللقاء بموقع الجريدة نفسها :
http://www.alriyadh.com/2009/01/01/article399111.html
ملاحظة مهمة :
أنا ماجبت طاري الشيخ بالموضوع ..
وأستحلفكم بالله ماتتكلمون فيه ( لحوم العلماء مسمومة )
أنا أردت من مقالي توضيح لعب الصحافة بعقولنا واستغفالهم لنا ..
موفـــقــــــين ..
مشكوووره على الموضوع