حسبي الله عليكم يامستشفى قوى الامن لعبتم بأعصابي..

السلام عليكم كيفكم بنات واخباركم؟؟

هذا موضوعي السابق يوم قالولي وزن الجنين كبييير وانا بالسابع

http://forum.hawaaworld.com/showthread.php?t=3216881

السالفه اني رحت لمستشفى قوى الامن بالرياض اسوي اشعه عندهم وانا بالسابع حاليا ولاعمري سويت عندهم قلت يالله مره وحده عشان مايقولون ماتجين مواعيدك..
ودخلت موعد الاشعه واسأل الفلبينيه اللي سوت الي الاشعه ورفضت تقولي كيف وضع المشيمه لان قبلهاكان عندي مشكله فيها..
وقالتلي ممنوع اقول اي كلمه اسألي الدكتوره..
موعدي عند الدكتوره بعيد شوي..
فكرت ورحت للطوارئ وقلتلهم ابي نتيجة الاشعه
بعد التأخير جت عندي دكتتوره سعوديه مستجله مررررررررره عندهم حالات طارئه الله واعلم
وسألتهاعن وضع المشيمه قالت الحمدلله كويس
وهي تقرا الاشعه جت دكتوره ثانيه مدري وش قالت لها وراحت من عندي بسرررعه
رجعت لي بعد ربع ساعه طبعا نفوسهم شينه

قلت كم وزن الجنين قالت 2800

قلت لها 2800 ؟؟
قالت ايوا
قلت ان ابالسابع مو كثير عليه؟؟
قالت لا عادي
اي سؤال ثاني وطلعت..
بعدها انقلب حالي فوق تحت شكيت ان فيني سكر والا من ايش هالوزن الكبير مع ان بنتي يوم ولدتها كان وزنها 2500 اقل منه..

ولاخليت دكتوره بمستوصف الا دقيت وسألتها عن الوزن قالت لاء كثير على عمره ..
وانابحاله مايعلم فيها الا الله
وسويت حميه غذائيه من نفسي مع ان السكر مو مرتفع واصل عالطبيعي
وصكت فيني الدنيااااا
واليوم الحمدلله رحت لمستشفى ثاني وطلبت دكتور يسوي لي الاشعه والحمدلله طلع الوزن 1300

واكدلنا هالشي ..
والحمدلله ارتحت نفسياااا
ومااقول الا حسبي الله عليكم يامستشفى قوى الامن لعبتم بأعصابنا لعب
انا مدري البلا بجهاز السونار والا بهالدكاتره اللي حاطينهم لنا ...
والحمدلله عدت على خيير
والله يقومني بالسلامه انا وجنيني يااارب