حسبي الله عليها ظلمتني ..قهرتني ,,,اهانتني قدام الله وخلقة,,,ذلتني يانااااس
هذي كلمات دايم تكون على لسان وحده مظلومة وذاقت القهر والزعل من الي ظلمتها,,,..
اول شي ابي منك اختي ان تبحثي بالذاكرة بالماضي عن شخص ربما يكون هذا الشخص رجل او
امرأة .. هذا الشخص اخطأ عليك في يوم ظلمك ,قهرك ,ربما هذا الشخص اخذ منك مالك ربما
هذا الشخص اعتدى عليك بعرضك ...ربما اهانك ..وذوقك الظلم والظلايم ,,
من هو ذاك الشخص؟؟
تذكرتيه؟؟
منهو ذاك الشخص الي لو جاء طاريه تشعرين وكأنك مخنوقه من وقع الظلم الذي جاء عليك..
ابي منك ان تتخيلي شكله وكأنك تشوفينه هالحيييين قدام عيونك..
..اشعري بوجوده ببالك في هذي اللحضه...
وانتي تتاملي هذا الشخص وتتأملي ظلمة لك راح تجيك رغبه بنطق كلمات محد راح يلومك اذا قلتيها ...يعني لو قلتي
ابي حقي وابي عزتي ابي كرامتي في احد بيلومك؟؟ محد راح يلومك
لكن لاحضي اختي هناك مخلوق يجري في دمك ..الشيطان
الشيطان يحاول ان يخفي عنك خــــــــمس اشيااء..
فهو يقتحمك في لحضات وانتي تبغين تاخذي حقك ويأتي الا هذي الخمـــس اشياء ويجعلها نقطه صغيرة تشوفينها وكأنها نمله
تدوسينها وانت لا تشعررين...
اول شي ...هو شي انا اقول هو اغللللللللى شي عليك على الاطلاق ..
تقومي بكل بساطه وتهدي هذا الشي لهذا الذي ظلمك...
هذا الشي الي راح اذكرة هو اغلى من اهلك واقاربك واموالك وممتلاكاتك...
ودك تعرفينه؟؟
راح يجي يوم وتنحطي بحفرة بداخلها حفرة ويكب عليك التراب وفي تلك اللحضات راح يجي معك ثلاث اشياء
اهلك ..ومالك وعملك...ويرجع مالك واهلك وما يبقى غير عملك
في شي اغلى منه؟
في حاجه اغلى من هذا العمــــل؟
حسناتك ..وصلاتك,,ياما توضيتي بالبرد وياما قمتي للصلاة الليل وياما بريتي في امك ياما بريتي
في ابوك..تدرين ان اذا وضع عليك الخطأ يجيك الشيطان ويخليك توزعي هذه الاعمال الصالحه على الي ظلمك
لييييييييييييش؟؟ ؟؟؟؟؟
لان الناس فقدوا مفهوم الحسنه ويعتقد الشخص مننا انه اذا صلى وكبر واخر شي سلم ..يتوقع انه خلاص انتهى لكن
ما يدري انه لازم (يحااااااااااافظ على هالصلاة)الا انا يلقى الله سبحانه لان ممكن الشيطان يخطفها منك وانتي ماتدرين..
طيب وش رايكم بشخص (ظلــــــــــــــم ) وهو يتحدث عن الي ظلمة يبدأ يسب اهله واقاربه وربما دولته وبلده..
وش خسر هالشخص ...؟ انا متاكده انه مظلوم لكنه اهدى اعماله للي ظلمه
واذا استقرت الشحناء في قلبك هنا تكون الكارثه ..تأملي معي اختي هذا الحديث للنبي عليه الصلاة والسلام..(ثلاثه لا ترتفع
صلاتهم فوق رؤوسهم قدر شبر)وذكر منهم واخوان متصارمان,,,
يعني تخيلي انك قررتي الشحناء بقلبك على هالشخص ورحتي مشالله عليك تصلي ..ما ترتفع صلاتك اعوذ بالله ..
عشان هالشخص الي في بالك تخسرين صلاتك.....
اعضم من ذالك لو كان هالموضوع بين اخوان ..يعني ظلم وعداوة بين اخوااااااان..هذي كارثه لاننا دخلنا بموضوع اخر
تعرفي وش معنى هالشي ...مو بس شحناء تدمر الاعمال بل اعظم من ذالك ..
هي (قطيعة رحم)
الشيطان اعوذ بالله منه دخل حتى بين الاخوان وخلى قلوبهم قاااسيه على بعض ....والاخوان هذولا الي تخاصموا في عندهم
خبر سيء ...شوفي وش يصير بأعمالهم...
تاملي معي هالحذيث الثاني للنبي عليه الصلاة والسلام(ان اعمال ابن آدم تعرض كل يوم خميس ليلة جمعه فلا يقبل عمل قاطع رحم
تخيلي
طيب ليش نصلي ؟ وليش نتوضا اصلا قبل الصلاة ,,؟تقولي عشان ربي يتقبلها مني صح ولا لا؟ فلا يقبل عمل قاطع رحم
لا ياخواتي خلي قلبك يصرخ ...
يعني اذا خاصمتي شخص انتبهي انك تخسري عمل واحد
وعندك شياطين انس وشياطين جن..يجيك شيطان انسي ويقول لك تعرفي الشخص الي سبك قدام الناس اعرف ابوه فيه كذا
وكذا وامه فيها كذا وكذا ...قولي له لو سمحت انا فعلا في بيني وبين هالشخص مظلمة لكن هذا لا يعني
ان اعمالي ترخص عنده وهو اصلا ما يستحق وما يستاهل اني اهديه عمل واحد من اعمالي...
والشيء الثاني الي يبي يصغرة الشيطان لك اثناء وجودك امام خصمك هو قلبك...كيييف؟؟
يقول لك الشيطان وقتها انك ماراح تقدري تاخذي حقك الا اذا حقدتي على هالشخص...لازم انك تخلي قلبك اسود عليه
عشان تعرفي تاخذي حقك منه...الشيطان يبي قلبك يتحطم ويتدمر ويبي قلبك تحت رجولك مايبيه فوووووق
وياما ناس تسترخص قلوبها ..خلااااص يصير قلبه ماله قيمة ويحققققد ويححححسد ويكرررررة من قلللب..<<انتي
اذا سويتي كذا ف معناته انك خليتي قلبك تحت رجولك ,,,
وش اقصد انا يوم اقول لكم ان قلبي غالي علي وقلبي له قيمه ؟؟
تخيلي انك رايحه لمناسبه وبطريقك شفتي بقعه سودا بالارض ياترى راح ترفعي فستانك ولا تخلينه يخم هالبقعه ؟؟
اكيييد انك راح ترفعينه ...
طيب تخيلي معي ان قدامك مكانيكي سيارات ..وش راح يكون لون ثوبه ..متسخ صح؟
يعني لو بقعة زيت سقطت عليه ..ياترى راح يهتم لها.؟ اكييد لا ..لانه اصلا ثوبه متسخ فليش يهتم وثوبه كلللله متسخ..
وياترى قلبك ذالك الثوب الناصع الي تخافي عليه من اي شي يسوده ويخربه عليك ولا قلبك نفس الثوب المتسخ..
هل قلبك فوق ماشي بمحله موجود ام قلبك تحت رجولك ينداس بمجرد احد يدوس لك على طرف
ياترى ودك يوم تقابلي ربك وانتي بقلب طاهر من الحقد والحسد؟
طيب كيف اجعل قلبي طاهر ؟؟
اول شي ان تعرفي وينك هالحين؟ حنا وين ياخوات...؟ حنا بالدنيا ..
ليش الله خلقك انت؟ وهاسؤال عرفتي اجابته وانتي بالابتدائي.(خلقني الله لعبادته)
طيب انتي خلقتي لعبادة الله تعالي ..والدنيا خلقت ليش؟؟؟
خلقها الله لكي يبتلي فيها يعني هي دار اختبار وامتحان وبما انك في اختبار ف تأكدي ان الله يبي يعرف قلبك ومافي داخل نفسك
ف الناس الي موجودين بالدنيا بيكونون واحد من ثنين اما يكون الشخص الي ياتي الاحسان بالاحسان او هو
الثاني الي في بالك(الظالم)...عشان الله سبحانه يبي يعرف وش راح تصنعي بقلبك وكيف تتصرفي
يعني من البديهي انك تحمي قلبك مدامنك عارفه ان في اشخاص ممكن يكونو سبب بأسوداد قلبك وقسوته..
نضرب مثال ..ليش اذا بغيتي تخرجي برا البيت تلبسي جزمه الله يكرمكم؟؟ عشانك متاكده ان في بالشارع اشياء ممكن تضر رجلك
مو شي غريب ..بالعكس الكل عارف ان الشارع ممكن يكون به زجاج او حصاة تؤذيك
عشان كذ اقول ان الدنيا مليانه بالناس ولا تتعجبي ان بيجي احد ويخطي عليك
بنات ترا حنا بالدنيا ولازم يكون عندكم حس الحمايه ,,,تحمي قلبك ,,,
تقدر الوحدة مننا انو اذا احد اخطأ عليها انها تاخذ حقها من عين الي ظلمتها لكن مشكلتك مو معها كشخص مشكلتك مع خطأها
انتي تسوي كذا ليش؟ مو عشان هالشخص بل حماية لك انتي زي يوم تلبسي الجزمة الله يكرمك عشان ماتوسي على حصاة او ما
تدوسي على مسمار(اجل خذي قرارك وقولي بنفسك لايوجد بقلبي على مسلم شي وان كان لي حق عند احد بروح واخذا وما راح
يقنعني الشيطان ان اخسر حسنه واحده او اني احط قلبي تحت رجولي ..بالعكس راح احط قلبي فوق محله)
ترى لازم نسوي كذا ..تخيلي اي احد يغلط عليك راح تحطينه بقبلك طوااال السنين ولايام الي راحت والي جايه اي احد
يغلط عليك تحطينه بقلبك بالنهايه راح يبقى لك قلب؟؟ ماراح يبقى لك قلب صدقيني
الله راح يعز صاحب القلب السليم وماراح يخزيه يوم القيامه يقول الله تعالى(( ولا تخزة يوم يبعثون يوم لا ينفع مال ولا بنون الا
من اتى الله بقلب سليم))
الشي الثالث ...هو الجنون الممزوج مع الغباء
منهو هذا الي مجنون بشوية غباء؟؟ هالشخص هو الي يبي يرد كرامته وياخذ حقه وبالطريق يخسر صحته ...
ليش مجنون وليش غبي؟؟ لان في حل اخر بأمكانك انك تحافضي على صحتك وتاخذي حقك
خذي حقك بيدك لا تاخذينه بكلاك بشرايينك برئتينك لا تخسرينهم ..
اثبتت الدراسات ان الشحناء والتفكير بالانتقام السبب الرئيسي بالامراض...
قالون..حموضه مستمرة ..صداع نصفي ..قرحه ..سكر بدون وراثه ...الام رقبه ..الام ظهر ...
تجاعيد بالوجه ولله سببه الاول الشحنااااء والزعل الي ينكتم بالقلب
طيب نبي نفهم وش دخل الشحناء بالامراض النفسيه والجسديه؟؟
خذي هالدراسه الخطيرة التي تبهر كل من سمعها...(اخذو احد الـلاعبين وهو كان يقوم بعملية الجري ..هالحين هم
يحاولون انهم يحطون عليه اجهزة عشان يشوفون وش يصير له اثناء الجري ..طبعا طبيعي انه اذا كان يجري راح ترتفع نبضات
قلبه وراح ينزل منه عرق كثير .. راح يزيد تنفسه ..وقاسوا هذا بالتحديد وسجلوة بدقه وبعدين عملو معه شي غريب وعجيب
وانتبهي معي, اخذو هالشخص وخلوه يجلس جلسة هاديه ومريحه وطلبو منه انه يتخيل انه بالمسابقه وانه يجري وبعدين بدأ يتخيل
فعلا انه يجري بالسباق .. وش تتوقعن صار له ..تصدقون انه نفس الشي الي حصل له اثناء الجري حصل له وهو يتخيل
ونفس القياسات الي كانت اثناء الجري صارت فعلا وهو يتخيل مجرد خيااال)واثبتو حقيقه واااقعه ان العقل ما يقدر يفرق ان كان
الي يحصل لك هالحين خيال او واقع ..ما يفرررق...واثبتت الدراسه ان ما يحصل بعقلك راح يتجسد بجسمك
فلو رجعت بالذاكرة الا هذا الشخص الي ظلمك بذالك الموقف الي صارقبل سنين راح يتجدد الالم وراح تتعب اكثر وكانك للحين
بالموقف وبنفس الازمه ..راح تتدمر مع الوقت
الله سبحانه يغفر الخطايا لكن الجهاز العصبي ماراح يغفرك لك ولا خطيه فانتيهي انتبهي انتبهي انك تاخذين حقك على حساب صحتك
مايستاهل ..خذي حقك وانتي بأتم صحتك...
الشي الرابع ...
هي اللحضات الجمليه بحياتك وانتي اذا حصل لك خطأ راح تخسري اجمل لحضاتك ...
تخيلي انك طالعه تمشيه وفله وبر ووناسه وحميع اهلك وخواتك جايين وتجيك اختي تقول لك تعالي انبسطي واستانسي
وانسي الموقف خلااااص صار له شهور ,خلاص انسي,,تعالي معنا وخلينا نفرح سوا...تلقينها متضايقه عشان الي ظلمها
وضايقن صدرها وخسرت لحضات جميله وتجمع اجمل,,,,
في ثلاث كلمات خلونا نعرفها ونبعد عنها..وهالثلاث كلمات تحرق لك حياتك وتحرق زمنك وكل هالكلمات الثلاث تبدأ بحرف الــلام
اول كلمة (لو) وهالكلمة حذرنا منها النبي عليه الصلاة والسلام....لو اني ماسويت كذا كان ماصار كذا
وش راح يصير فيك وقتها ..راح تتنكدي وراح تنقهري زياده
الكلمه الثانيه هي كلمة (ليش) ليش صار لي كذا ..وليش ..وليش ...وليش,,,ليش سويت كذا..
والكلمة الثالثه هي(اللوم) ويبدا يدور بين لو وليش ويلوم ..لو ولييش ويلوم...وينكد على نفسه ونضيع لحضات السعاده
...ابعدي عن هالكلمات وابحثي عن كلمة ثانيه وهي(وش اقدر اسوي ان هالحين في حل الموضوع)وان كان مافي بيدك
شي تسويه هالحين ف وكلي امرك لله وادخلي على اهلك بوجه بشوش وبأمتسامه رايقه
الشي الخامس ....
ابيك تتخلي معي ان شخص مظلووم ومقهور لكن هالظلم هو الطريق لنار والعياذ بالله...كيف صار كذا
لان الناس الي تقع عليها الخطأ مو مثل بعض ...في منهم الشخص المنتقم الي اذا دست له على طرف على طووول ينتقم
وياخذ الصاع صاعين وش تتوقعين هالشخص؟ انقلب من مظلوم الا ظالم يالله العفو والعافيه
وفي منهم من يود ان يأخذ حقه ولكنه ما يقدر لكن بداخله شر...ويبدأ يتكلم بعرض الي ظلمه ويسبه ويسب اهله ويغتاب فيه
هو مسكين لانه يتوقع انه بهلطريقه قدر ياخذ حقه لكنه مايدري انه حرق اعماله وحرق عصابه وخسر كلللل شي بسبب لسانه
وفي منهم الي امتدحه الله بالقرأن الكريم...هو الشخص الي ياخذ حقه بالكاامل لكنه حقه فقط.بدون ما يظلم او ينتقم من خصمه
وفي منهم الي يعفى عن الناس ...<<ياليتنا من هالناس...
وش رايك نكون منهم ...تخيلي الي ظلمك اماامك هاليحين وتأملي ظلمة وابيك ان تعفي عنه ..قولي له خلاص انا سامحتك
انت طليق ..انا عفوت عنك...ياترى هالشي ثقيل عليك ؟
يشعرك الشيطان انك ماتقدري,,,ويشعرك انك اذا عفوتي راح تكوني ضعيفه ...
يجي دور الشيطان ويقول كيف تقدرين تسامحينه وهو الي ظلمك ظلم عظم..وهو الي هزأئك واستخف فيك..
كيف تقدرين تسامحينه وهو سبب تعااااااستك...يحسسك الشيطان انك نملة وانه خصمك جبل كبير ...يحسسك انك
ضعيفه ان سامحتيه....
تأملي معي الشخص الي ظلمك تخيلي انه قدامك ..وتخيلي كل شي سواه فيك..وتبدأ شفايفك تقوله انا سامحتك..
تحسينها صعبه شوي صح؟ مازالت صعبه اذا تأملت الظلم الي جاك منه...
طيب تخيلي انك وهو جنب بعض ..لا تتخيلي انه قدام ..تخيليه وهو جنبك..وقد انتهت هذي الدينا واصبحتتم انتم هالحين
بحضرة االله جل في علاة ..يوم الحساب ...خلااااص
بالله عليكم منهو العزيز ومنهو الذليل بهالموقف ..مهو القوي ومنهو الضعيف...بتلك اللحضات..
جاوبيني من قلبك هل تتمني انك انتي ذاك الشخص المنتقم ؟ ودك بذاك الوقت تكوني الظالمه
ام تتمني ان تكوني انتي ذالك الشخص الذي يسمع النداء يوم القيامه ويدخل الجنه ..منهو العزيز بهالموقف؟
بيوم القيامه مافيه ظلم ,,بالعكس هو وقت الحساب ...
والظالم وصفة النبي بالمفلس يوم القامه ...لانه يفلس من الحسنات ..لانه ظلم هذا واخذ مال هذا وسفك دم هذا ..
ترا هذا الشخص الي في بالك ..هو نفسه الظالم ...
تأملي معي الذله الي بيكون فيها بيوم القيامه...
تأملي وهو واقف وحسناته تؤخذ منه وتعطى لك انت..تؤخذ حسناته ولك ..تؤخذ حسناته ولك...ولك..ولك..ولك..
عزة ولا ذله ياخواتي ؟
لان اغلى شي مثل ماقلنا هو العمل ..اي صلاة صلاها وزكاة زكاها راح تؤخذ منه وتعطى لك انت..
ليييييييييين ما تخلص حسناته ...انتهى الموضوع؟
لا منتهى الموضوع ..بل تؤخذ من سيئاتك انت وتوضع على سيئاته...اي ذنب يؤخذ منك وعليه..وعليه..الا ان يلقى
في النار..
اعوذ بالله...
ماراح يظلمك الله سبحانه ..الله عادل ... الله عادل<<خلي قلبك يخفق بهالكلمه,,,
الشي الخامس الي راح يصغرة الشيطان ..هي الفرص والهدايا تضيع عليك..اذا ماعفيتي ..
الله سبحانه يقول في ايه كريمه(واعفو عنهم واصفح ان الله يحب المحسنين)..يلا خواتي خذي قرارك واعفوا عن هالشخص
عشان محبة الله ...فرصه راح تضيعينه عشان هالي ظلمك
لا تضيعي محبة الله ....
تدرين يااختي ان بسبب هالشحناء وبسبب هالقطيعه انك ضيعتي فرصة للمغفرة عظيمه جدا
كل يوم اثنين وخميس تفتح ابواب الجنه ويغفر الله لكل من لا يشرك به شي الا رجل كانت بينه وبين اخوة شحناء فيقول انظروا هذين
حتى يصطلحا..وتمر السنسن ورا السنسن والشحناء مازالت بقلبك
خذي القرار واعفي عن هالشخص ولا تكوني بقلبك شحناء وابشري بأستجابة دعائك........
فرصه اخرى..وهي ان الله راح يكون معك ..
روى لنا النبي عليه الصلاة والسلام من احذاث الغيب ..كان هناك ابو بكر رضى الله عنه وكان هناك شخص كان يسب
ابو بكر..تأملي معي ابو بكر يسب ومحمد صلى الله علية وسلم ساكت ولكن حصل شي عجيب ..كان النبي يتعجب ويبتسم
سبحان الله صديقة ابو بكر يوسب والرسول عليه الصلاة والسلام يزداد تعجبا وابتاساما..
ثم قام ابو بكر بحركه فرد عليه بعض قوله مو كل الكلام بل بعععععض قوله ..فخرج النبي عليه الصلاة والسلام
غاضبا..طبعا ابو بكر قلبه النبي فترك الموقف كله ولحق بالنبي على الصلاة والسلام..قال ابو بكر عندما كنت ساكتا
كنت تتعجب وتبتسم وعندما رددت عليه بعض قوله خرجت..قال النبي ليه الصلاة والسلام كان هناك ملك يدافع عنك وعندما نطقت
على هذا الشخص جاء الشيطان....
وهذي الخمس الاشياء الي يبي يصغرها لك الشيطان ...ذكرتها واتمنى من الله انها خرجت من قلبي ودخلت قلوبكم,,,
اخر شي لو بغيتي تعفين عن الي ظلمك لازم تعرفي انك بالدنيا والدنيا مليانه كلاب..يقول المثل
القافله تسير والكلاب تنبح...تبين توقفي عند كل كلب وتقولين ليش ينبح؟
لا لا ..هذي هي الحياة ..
ولازم تشوفين ان الي ظالمك بعين الشفقه والرحمة لانه مسكين وشوفي نفسك بعين المنه ..كيف ان الله ماجعلك هو.احمدي ربك.
لان الله اخذ منه بعض الاخلاق ومنحك اياها
.صدقيني راح يهون عليك الموضوع
ولازم انك تتخيلي الجنه بكل مافيها من انهار ومن اشجار وقصور..يقول النبي صلى الله عليه وسلم(لايحل لمسلم يصارم مسلم
فوق ثلاث فان هما ماتا على صيراميهما لم يدخلا الجنة جميعا)
وتخيل النار تراها سودا ياخواتي ..تخيليها ولها سبعين الف زمام ومع كل زمام يجرها سبعين الف ملك يجرونها..
اسمعي لحديث محمد عليه الصلاة والسلام(لا يحل لمسلم ان يهجر اخاه فوق ثلاث فأن هجرة فوق ثلاث فمات دخل النار)
حطي هالشي في بالك وقدام عيونك,,,
(هذي محاضرة اخذتها واختصرتها وكتبتها بالعاميه عشان الكل يفهمني ..واسأل اني اكون وفقت بطرح موضوعي ..
تحياتي للكل....
واتمنى يعجبكم موضوعي.....:26:
مشرفاتنا الحبيبات لا تنقلون موضوعي بليييييييييييييييييييز
كللي حنيه @klly_hnyh
محررة ماسية
حسبي الله عليها..ظلمتني..قهرتني..فضحتني قدام الناس...الله يورني فيها يوم يااااااااارب
24
12K
يلزم عليك تسجيل الدخول أولًا لكتابة تعليق.
موضوعك رهيييييييب ربي لايحرمنا روعة مواضيعك والحمدلله اسامح من ظلمني وجزاه على الله
مو شرط نسامح الظالم مستحيل اسامح وحده ظلمتني بس مااقول الا حسبي الله عليها ونعم الوكيل وربي ماراح يضيع حقنا بالاخره
جزاك الله عنا خيرا والله حنا مقصيرين كثير ............ لكن بحول الله نبدأ ف يالتحسن
الصفحة الأخيرة
موضوع مميز وفي الصميم جعله الله في موازين حسناتك
اللهم انا نعوذ بك من أن نظلم أو نظلم
أو نجهل أو يجهل علينا
اللهم طهر قلوبنا وحسن أخلاقنا
ياكثر المظلومين في هالدنيا
لكن الله يكون بعون كل مظلوم وياخذ حقه ممن ظلمه
مشكورة