حسبي الله عليها وعلى ذريتها ومن بعدهم إلى يووم الدين؟؟

بقولكم على قصتي



من زمان وناااويه اسردها بس كل يوم اقول بكره او الشهر الجاااي صااار هالكلااام من مدة سنهـ أو اكثر وعمري ما بحت لأحد قريب أو بعيد عن مشااااعري فعلشان كذا خلاااااااص تعبت بقولكم مرااارتي اللي قاااعده أتجرعها لوحدي,,


لكن اقسم لكم بالله وتالله إني انا بطلت هذه القصه ووالله ليست من نسج الخيال وبذمتي هالقصه إلى يوم الدين اللي تبي تحاججني فيها الموعد عند ربي وقسماً بالله كل حرف خطته اناملي هو الصحيح ،،


ومـــــــــــــــــالــــــــــــــكم بالطويله,,


من مدة تقريبا 19 سنه او يمكن أكثر ,,,لا يرووح بالكم بعيد


والله إن عمري 25 سنه <<الله يبارك بعميري


طيب نرجع لمحور حديثنا لا تستغربون من اسلوبي شوي انكت


بس يعلم الله إني كاابته في دااخلي مرارة ايااااااااااااام


وبتعرفون السبب بعدين ...


المهم كان عمري 4 سنوات تقريبا


وصار عندنا ضيف اللي هو عمي


هنا انا ما ادري ابوي او عمي الله يرحمهم ويبيحهم اللي بدأ بالموضوع


اللي هو خطبهـ


يانااااس ليش كذاا تربطونا


وحناا صغاااار ليش؟؟


يارب رحمتك


المهم ومرت الاياام على كذا


فلمى صرت بسنه خااامس ابتدائي جات عندنا عمتي


وأيضا هي ما تدري عن الخطبه الاولى


فقالت لأبوي اب منك بناتكـ الثنتين


الكبيره للكبير تقصد "ولدها"اللي هي انا


واللي اصغر منها بسنتين تقريبا "لولدها الثاني


كذلك يصغر اخوه بخمس سنوات أوشي كذا"



ولعلمكم الصغير اكبر مني انا يالكبيره


بس سبحان مقسم الارااق


فقال ابوي على هالخشم


أما الصغيره فهي لكم والكبيره ولد عمها


يبيها قالت عمتي خلااص على قولتك


الصغيره بتبقى للصغير والكبير بدور له ثانيهـ



إلى هذا الحد أنا ما اعرف وش السااالفه ولى اختي..


أمي قالت لي بعدين لمى صرت كبيره اول ثااانوي<<<مصدقه كبرت


راحت الاياام وجات إلا صرت بثااني متوسط


وفجأه ما سمعنا إلا خبر وفاة عمي اللي هو ابو المحروس <عريس الغفله>


أكتئبنا على وفاة عمي


وكذلك دارت و مضت الاياام لمى دخلت اول ثااانوي


وكنا نفطر ذااك اليوم


إلا السااعه الظاهر ع التسعه الصبااح


وتلفون البيت يدق


ما ادري منو اللي رد لكن طلب ابوي


قعد ابوي يتكلم


ولى حتى فكرت اعرف شو الموضوع


هنا بعد ما سكر الخط


رااح عند امي بالمقلط


إلا وأسمعه يقول صغيره ومن هالكلاام خلها تكبر


شووي أصغيت ذيك اللحظه وحسيت الكلاام عني


بس ما درت اي اهتمام


وبعد مضت الاياام<<إذا ما غيرتيها بتتصفقين يابنت


ولمى صرت بثاني ثانوي وقبل إمتحانات


الترم الثااني بأسبوع


توفى ابوي الله يرحمه ويرحم اموات المسلمين.


صااار العزاء


وحتى ما كان لي نفس اروح اختبارات بس وش اسوي المدرسات دقوا وقالوا لازم تكملين ومن هالكلااام


وعبرنا الإمتحانات وطالت عندنا مدة العزاء


بصدورنا ولبسنا والبيت من بعد ابوووي صااار كئيب لدرجه ما تقدرين تتنفسين تحسين انك بقبو


وبعد نحس إن من بعد ابووي صاار عددنا قليل مرره حتى صرناا ننام بمكان واحد من الخوف مع ان عندنا اخوي وهو اكبر مني بسنه بس الخوووف مره مسيطر علينا


كانت وفاته في شهر 3 وتمينا على


حالنا الحزن <<طبعا بتقولون حراااااام وما ادري وش بس والله غصب عننا يعني مررره الله لا يختبركم ويخلي لكم ابآآآئكم يارب ..,,


بقينا إلى شهر 12


وذبحنا ضحيت ابوي


حتى ما احد سااعدنا ابد ولى احد جاء قطع اللحم معانا ما غير


عمي الثالث سااعد اخوي بالتقطيع براا


وخلاااص كان معزوم عند عديله"اللي هو زوج اخت زوجته"


وقعدنا نوزع في اللحم وطبعا


اهو بعير كبير مرره فكان بالمره صعب ووو....


.اشياء خلها مخفيه احسن لانها تقطع القلب.


ولعلمكم كل هذا احسه مو بشي عند القنبله


اللي بتتفجر تحت كملوا للنهايه


لمى صرت انا في ثالث ثانوي


ذيك الاياام والترم الاول دقت مرة عمي الاول


اللي توفى وقالت لأمي الصاااعقه


انا ما ابي بنتكم الكبيره ابي الصغيرره


هنا امي قالت ماعندنا بنات للزواج


في هاللحظه خلاااااااااص الدنياء دااارت ولفت فينا إلى ما


خلااااااص بغيت انا وامي نموت من البكاء ليش يسوون كذاا


لا تقولون عن الجمال وما ادري ايش لعلمكم بس من ناحية الزين الكل يمدح<<والله مومدح في نفسي بس هذي الحقيقه ويكفي اني بنت عمه


ولعلمك إنه مو موظفه بعد يعني طراااارين ويتشرطون ليش بعد ماراااح ابووي هذي الحرمه تسووي فينا كذا ؟؟؟


تتمرجل علينا وإلا وش قضيتها ؟؟؟؟


ودعائي اللي ما رااح اتنازل عنه إلى يوم الدين "حسبي الله على هالمره وحسبي على عيالها وبناتها وذريتهم ومن بعدهم إلى يووم الدين"


لا تقولون لا تدعين ومن هالكلااااااااااام ربي حسيبي وحسيبهم اللي بعد ما الدنيا كلها عرفت في الخطبه وإني لفلان وفلان لفلانه بكل وقااااحه يرووح بدون سبب ..لا وربي ببقى ادعي عليها من حرقة قلبي ليل ونهارر



إلى هنا خلااص قااطعناهم وخلااااص كل من يسألني تعرفون طبع الحريم وشلون عمامكم وشلون مرة عمكم ومن هالكلاام كنت اقووول لأخواتي مالي أحد عمي ومااااااااااااات خلاااص لا أحد يسألني ولى يجيب طاااريهم اكرهم كره العمــــــــــــــــى


طبعا عمتي لمى درت بفعلتهم على طوول جات وقالت يالله بنزوج ولدنا يعني بعد هالكلاام بمدة شهر او شهر نص و قالت امي بفكر وارد لك خبر ’’


امي هنا جات تقولي ها فلانه ترى عمتك دقت وتقول بجي املك "ملكه" لولدي فلان هنا انا بكيت لاشعوريا وقمت اصااارخ وانا مالي اي اعتباار النااس وش بتقول عااافوها عمامها



والله احس تمنيت الموت ذيك اللحظه


شوي إلا امي قالت تبين الثنتين يتفشلون و إلا وحده


هنا كأن طرااق صحااني


قلت لا يمااه خلااص كلميهم علشان يجون صح ضربه وحده بالراس توجع


ثنتين لا وقالت لي امي ساااعتها اللي بتقولينه إنتي بيمشي


ياروحي وياعمري ويا قلبي عليها امي خااايفه علي قلت لا يماه عاادي بس زوجوا اختي مو مشكله كأني انا والصحيح قلبي مولع نااار وعقلي منشل وكل ابو شي فيني ضاايق .


تم زواج اختي والله يابنات اختي لمى كانت تجهز


امي ترفض يروحون إلا لمى انا اروح ويااهم


وكل ما شرت قطعه قسم يحز بخاااطري الف سكين


اتمنى لو اني انا عااروس وياها كل ما تشتري شي اموت بالثااانيه الف موته


ابكي بوساادتي ولى احد يدري عني


اشووف الموت قداامي ولى قااادره اتكلم


اخااف اخرب فرحت اختي


تدرون وش احس فيه بجد


؟؟؟؟


كنت احس الموت يوصل مواصيله عندي


طوول الليل ابكي لوحدي


اقوم احيان اصلي اتعوذ من ابليس بس


مــــــــــــــــــــــــا


باااقي في خااطري


تجرعت مراااره ما ضنيت احد تجرعه بيومه،،


موت ابوي وحركة مرة عمي القذره وزواج اختي يعني بترووح من عندنا


وقسم يابنات لمى صبغت اختي شعرها


بكيت بكيت إلى خلاااص قلت بموت من شدة الالم


خلاص ما راح احد يدري عني


والمشكله ماقدر اتكلم او ابوح لاحد في اللي بخااطري


صعبه اقوول لامي الموضوع اوحتى اختي اخااف تروح مكسور خااطرها


تمت اختي زواجها يابنات يعلم الله بكيت دم مش دموع في زواجها بعد ما رااحت مع زوجها صرت امشي وابكي


وبنفس الوقت ادعي ان ما احد يشوف


ما اكلت شي


خلااص تعبت ونمت


ولى دريت عن احد


تمالكت نفسي


وقمت اقول يالخبله ما يصير تسوين في نفسك اهو ما يستاهل ألعب على روحي وفعلا اهو ما يستاهل


بس ليش يخلوني معلقه بالخطبه


وفي وقتها لعلمكم مو بس ولد عمتي اللي


خطبني خطبني واحد ثاني و


واحد ثالث والكل يقول ولد عمها ولد عمها..


المهم مرت الاياام وكنت في الكليه ذيك الاياام


وعشت مع البنات عاادي مع ان الكل


يقولي انتي ليش


حزينه


واقولهم هذا طبعي لان الكليه تعرفون من كل المدارس الثانويه يعني موبس صديقاتي ايام الثاانوي..


مضت الاياام وتخرجت من الكليه "طبعا نظامها سنتين الكليه"


واختي جابت بنوته مثل القمر ربي يخليها لها يارب


ومضت الاياام واختي بعد من بعد الثانويه


كملت عند زوجها كليه "بس اهي اربع سنوات"


وزي ما قلت لكم جابت بنوته ثم جابت احلى معرس


بعد عمري وروحي وقليبي عيالها احسهم قطعه من قلبي وروحي فديتهم يارب .



بتقولون خلصت بقولكم لا طبعا بها الفتره اهو امه دورت له على عروس ولقت بنت عم لأبوي اكبر منه يمكن ب3 او 5 سنوات وخطبتها تخيلوا الفرق بينه وبين زوجته ولعلمكم كان عمرها فوووق 30 سنه لمى تزوجوا



طبعا اهل زوجته اهم في نفس حارتنا ويجونا ونجيهم


ولى قااطعنااهم ابد لإنهم يقربون أصلا لنا بس من بعيد


المهم لمى صاار زواجه


والله ما رحت ولى خليت اخووي اللي اكبر مني يروح


بس اخوي اللي اصغر خليناه يروح


علشان ما يقولون ما يبون يدفعون "قطيه" اللي هي مسااعده للمعرس


حسبي الله وخلينا اخوي يوصلها ويحضر الزواج


كانت عائلتنا كلها ذاك اليوم مجتمعين على عرس ذا المخنز


حسبي ربي عليهم


بعدها بفتره قدر ربي انها تحمل ذا العروس


وجابت لهم ولد ولدت عند اهلها


عااد امي قالت لازم نقهويها دامها ولدت رحت انا وامي وقهوينا


وعآآآآآآآدي الوضع


واخواتها يقولون شوفي ولدكم بمان ابوه ولد عمي يصير ولدنا


وانا ذيك اللحظه


قلبي نار لا وبعد يبوني ابوسه قسم اني نزلت راسي بسته


وكل عرق فيني يضخ دم مثل الناافوره ولو ما الحياء كان قلت خله يولي اهو وابوه



بس استحيت امه وش دخلها ..


مضت الايام ونسينا الموضوع <<كذابه تدعي كل ما تذكرت


بس قصدي ماهمونا اهم بمنطقه واحنا بمنطقه وخلااص ...


بعد ثلاث سنوات من زواجه


خلااص صار عآآدي عندي لو اشوفهم


ما رااح اقول بوجيهم شي لإني وصلت مرحله اني اكتفي بالدعااء بس...


تزوجت بنتهم الرابعه وكان زواجها عندنا في منطقتنا


زوجها وقعدت تجي تزورنا بالاعياااد


وانا خلااص طابت نفسي منهم بس عمررري ما حسستها


اني اكرهم ابد ولى عمري دعيت عليهم قدامها


وإذا جات اتكلم معاها واسأل عن اخواتها البنات واسأل عن اخبااارهم ولى كأنهم سوو شي ابد أبد,,,


بعد قرابة كم سنه


اللي هو العام اخوي تزوج طبعا بما أننا حسسناهم اننا عآآآآدي فصااروا ودهم يجون وانا واهلي تركنا الموضوع الاول


ولمى جات رحبنا فيها بس لمى دخلت عليها اسلم عيونها مبققتها بالمرره اقصد امهم اللي سوت الحركة القذره وانا في ذيك اللحظات ما همني غير سعاادة اخووي وزواجه..


اهي جات الليله اللي قبل الزواااج على اساس جايبه هديه لأخوي المعرس ...


جاء من بكره يوم الزفه وتعرفون زواج اخوي افخم مكيااج وافخم فستاان لونه فوشي ولكم تتخيلون اللون هذا على وحده بيضاء كيف بيطلع الكل يشهد انه حلوو بالمره <<اقول ضفي وجهتس بس


المهم في نهاية الزوااج جات عندي كنت انا وامي وااقفين واخت زوجتهم كانت واقفه ويانا فقالت الكلمه اللي حسستني انها سخيفه ولو بتطير وتنزل ما بيصير شي من بالها ابد


قالت "ليتنا بقينا على ما كنا عليه ولى غيرنا راينا ليت الاياام ترجع" انا ولى كأني اسمعها لإن اخت زوجتهم معااااي لكم الموقف وش بتقول ؟؟؟...



إلى هنا أترك لكم التعليقات بس عندي سؤال هل ياترى إذا كان له نفس فيني يعني بيمنعني من الزواج لإن إلى يومكم ما انخطبت بس سمعت إن فيه عائله كان ودهم يناسبونا وميتينا في نسبنا بس ما قدر الله وتزوج الحين ولدهم؟؟


على العموم عمري 25 وربي يكتب ويقدر لي اللي فيه خير يارب


اتمنى انكم تدعون لي بحرارة قلب يوم اللي عرفتوا بموضوعي سبحان الله تصاادف دعوت وحده فيكم لاحرمني الله وإيااكم الفردوس الأعلى الجنهـ ..


سبحانك اللهم وبحمدك اشهد ان لا إله إلا أنت استغفرك واتوب إليك