حسبي الله في الربيعة وزير الصحة

حسبي الله فيك ياعبدالله الربيعة

احنا خريجي الدبلومات المتعينين من 14 الف المترشحين لازم نوصل صوتنا للملك عبدالله حفظه الله ورعاه
الربيعة رمى بنات الناس في محافظات بعييدة وماوفرلهم سكن خاص حتى
ولما دقيت واستفسرت عن السكن قال السكن للاجنبيات القادمات من برةو مافي سكن للسعوديات
وقال الموظف حق الشوون الصحية انو مداكي انتي والبنات المتعينات معاكي انكم تتجمعو تستأجرو شقة مفروشة تقعدو فيها
ايش رايكم بس؟؟؟
بنات نقعد لحالنا في شقة مفروشة ليش والموظفين عندهم نسخ من مفتاح الشقة ماشاءالله
وزارة الصحة في الرياض كل واحد يتكلم من خشمو ويقولو تبغي الوظيفة باشري ماتبغي اتنازلي وخلاص
ليش هما يعلمو بحالنا ولا يدفعو رواتبنا من جيبهم؟؟
رواتبنا تدفعها الحكومة الله يعزها ويديمها والملك عبدالله ماقصر وامر بتوظيفنا يقوم الربيعة ووزارة الصحة والخدمة المدنية يرمونا بعييد وماعندنا محارم ولا سكن خاص فينا عشان نتنازل ويحطو غيرنا بالواسطة
لا ولما رحنا نقابلو يقول انو رافض يقابل احد
ليش ان شاءالله مين تحسب نفسك
اذا الملك وهوا ملك البلاد ومشغول يقابل الشعب ويشوف مطالبهم تجي انتا وماتوافق
و صحبتي تشتغل في متشفى حكومية من اول كلمت مديرها عشان يشوف وظايف شاغرة قال لا مافي لانو دحين جايبين 3 الاف فلبينية من برة
ويقولو دي الوظايف فصلناها لكم تفصيل مافي وظايف اصلا ايوة صح فصلتوها لنا وللفلبينيات جاهزة باردة مبردة
اصلا ماحيوقفكم عند حدكم الا الملك عبدالله ان شاءالله يقيل وزير الصحة من منصبو

واللي بترد تقول روحي مع ابوكي ولا اخوكي ترى ماعندي احد كلهم الله يرحمهم ووزارة الصحة عارفة دا الشي ومو فارقة معاهم


:mad:
الرجاء من المشرفات عدم حذف الموضوع