حسبي الله ... نزفت وتبهذلت وسبب هو ..

السلام عليكم عالم حواء انا جديده في المنتدى وابيكم تعطووني حلول جاده ..

انا متزوجه من 7 سنين وعندي 3 اطفال من زوجي وزوجي اكبر مني ب 12 سنه تقريبا عشت معه ع الحلو والمر بس من اول ليله عرفت انه شكاك ومريض نفسي ... 
زوجي كنت احبه بجنوون واي شي يسوويه اصبر واتحمل واول زواجي عرفت انه يخوني ويكلم بنات بس كنت اعطي طاف ولا همني لاني بعدني عروس وكان يجي البيت الفجر وانا استناه بلبس والكشخه والمكياج والعطورات وطبعا يدخل الغرفه وانا مبتسمه واسولف معه ولا اعاتبه لاني كنت استحي ...
طبعا من كثر ماحبيته وتعذبت فحبه دعيت فكل صلاتي اني اكره وسبحان الله ماطيقه صرت ...
كان يضربني ضرب مبرح لين انززف دم كان يكسر تلفوناتي كان يقطع ملابسي كل ملابسي مقطعه كان يجلدني جلد لين اطيح من طولي كان يرفس فيني برجوله كان يمط شعري ويسحبني من غرفه لغرفه حسبي الله عليه طبعا سبب الضرب اتفه الاشياء يعني عادي لو ضربت ولدي يضربني بقواء شي عنده كنت اصبر واتحمل عشان عيالي ... بس انا عصبيه ومرات اغلط عليه وارفع صوتي لانه يقهرني قهر .. ويعترف انه يحبني بجنووون ومستحيل يطلقني لو شو مايصير اقوله اعتدل وياما حلف بلقران يعتدل ومايضرب بس يرد يضرب ....

كان بخيل يعطيني 200 فشهر وراتبه فوق 20 الالف ... 
لا تقولون لي اطلق لو اطلقت وين اروح ابوي يقول بنخليج خدامه فلبيت وعيالج يشلهم ابوهم واخواني نفس الشي وامي مطلقه من ابوي وعايشه مع عيالها فسعودبه وممنوع اروح عندها ... للاسف عذاب في عذاب 

طبعا زوجي منعني اكمل دراستي وكل شي ممنوع لا صاوالين ولا غيره وكل شي ممنوع ...

طبعا فكرت ودعيت ان الله يوفقني فلمشروع الي بسويه وطبعا سويت مشروع صرت ادخل فشهر اكثر من راتبه والله عووضني واي شي بخاطري اشتريته وبزود بعد.. طبعا شوفو الطمع كيف قالي زوجي عطيني من فلوسج ولا مشروع مافي طبعا زوجي من يوم ماسويت المشروع مايعطيني ولا فلس حتى عيالي انا اشتري ملابسهم طبعا انا وافقت وصرت اعطيه 5000 ومرات 2000 ع حسب طبعا مع الايام الطمع زاد قالي تعطيني النص بنص ولا ماشي مشروع طبعا رفضت بقوه المهم خسرت مشروعي وماخلاني اكمل وضربني ضرب لين انززف دم حسبي الله عليه ...

وطبعا انا عندي فلوس باقي من مشروعي بس لين الحين مايعطيني ولا فلس انا مرات اعطيه يقول ماعنده .... 

لا مشروع كملته ولا دراسه كملتها فلبيت انضرب ويبتليني في شرفي وكل شي يخطر فلبال ...
زوجي مايترك ولا صلاه مصلي ومتعلم ودارس جامعه ... يعني اناني يحب الخير له بس ...

السمووحه طولت عليكم اختتصرت وايد اشياء عسب ماطول عليكم ابي نصايح مفيده ولو انتوو في مكاني شو بتسون ....

انا صغيره وحلوه وماناقصني شي حتى هو يقوول فحياتي ماشفت اجمل منج... انا مافتخر انا اوضح لكم ... ماينقصني شي .. والكامل الله