حسبي الله ونعم الوكيل

يابنات بقولكم مشكلتي مع انها معقده وصعب احد يفهمها بس بحاول اوصلها لكم يمكن الاقي حل اول شي يابنات انا الله بلاني بانسان مايصلي ومايخاف الله يعني اذا زعل ممكن يتهمك باي شي عادي عنده يعني مايخاف الله في شي وبخيل بشكل مااحد يتصوره مع ان راتبه فوق العشرين الف البيت ماأثثه اطفاله مايصرف عليهم يعني كل شي علا راسي تجنبته وقلت اعيش لعيالي بس وهو بكيفه يروح يجي يسافر ماافكر فيه كل همي عيالي مرت سنين وانا عايشه كذا الحين يابنات هو صار يقعد في البيت وينكد علي بكل شي لاطلعه ولا مصروف للبيت ويبغاني في الفراش ويبغا يذلني باي شكل وانا والله ماعاد اطيقه طلبت الطلاق قال اطلقك بس عيالي يكونون عندي وهاذي نقطه ضعفي هالعيال توهم صغار اكبرهم بسادس الحين انا يتيمه ماعندي احد يوقف معي وابغا افتك منه قلت تزوج وخلني انا اربي عيالي قال ماني متزوج ماعندي قدره ماليه وهو وربي والكل عارف ان عنده ملايين بس مايبغا يصرف ريال والله يابنات اني ماشفت مثل تنكيده حسبي الله عليه والله اني كل وقت اتحسب عليه مايصير له شي يابنات كرهني حياتي ودي اموت ولا يلمسني وش الحل يابنات وهل لو تطلقت وماتزوجت يخلون عيالي معي وهم بنات مافيه الا ولد يعني كيف اتخلص منه وبنفس الوقت يكونون عيالي معي