انا تطلقت قبل فتره والأسباب كثير لاتحصى
المهم بعد ماتطلقت طليقي مو مخليني في حالي بعد طلاقي غيرت رقمي وقدر يحصله وكمان يعطي حبيبته اللي كان لها دور في طلاقي وتراسلني وتعايرني بالطلاق وكلام كثير طبعاً أعطيها بلوك من جميع جهات الاتصال واغير رقمي ويرجع المحقق كونان يحصل رقمي ويعطيها رقمي ونفس السالفه وارجع اغير رقمي ونفس الشئ يحصل رقمي ويعطيها طبعاً يابنات هو يطلب اضافتي في بعض البرامج ويكون النك باسمه يعني اعرفي يافلانه انو انا وحصلت رقمك والله العظيم شئ يقهر ويرفع الضغط حسبي الله ونعم الوكيل فيهم في هذه الأيام المباركه يارب خذ حقي منهم وطبعاً ماابي ارد عليهم وأنزل مستواي لهم فكل شخص تصرفاته تعبر عن أخلاقه وتربيته الله المستعان والله يابنات انها أكبر مني ومنه ولا أقصد هنا الغرور ولكن أملك من الجمال والأناقة والجذابيه أكثر منها ولكن يبدو بأن الرجل له منظور آخر غير الذي نراه وطبعاً أريد أن أخبركم أنها تطلقت وكان طلاقها بعد أسبوع من طلاقي سبحان الله الواحد القهار الذي لايرضى بالظلم طبعاً هي كانت متزوجه ولها أبناء وزوجها تزوج وأخذ أبناءها وهي الآن في بيت أهلها
تكفون آبي مشورتكم ليش يدور وراي عشان رقمي ويعطي حبيبته رقمي خلاص تطلقنا وانتهينا وكلا راح في طريقه وش يبي يطرد وراي حسبي الله ؟؟ وش اسوي معهم الحظر ماينفع معهم لانو باختصار الأرقام كثير ويقدرو يزعجوني بأي رقم !!حسبي الله ونعم الوكيل فيهم لا اله الا انت سبحانك اني كنت من الظالمين

صمت ❤ @smt_95
عضوة جديدة
يلزم عليك تسجيل الدخول أولًا لكتابة تعليق.

صوصو٢٠
•
خلي اهلك يتفاهمون معاه وش يبي منك بعد ما طلقك ؟ لازم يفهم انه قاعد يذل نفسه بملاحقته لك عشان يوقف ياذيك ، الله ينصرك ويكفيك شرهم

ليش اسكت له ... اهدده انك بتخبرين ابوك واهلك بالسالفة
وﻻ هددية تبلغين الهيئه ﻻنه الحين يعتبر غريب عنك ...
وﻻ هددية تبلغين الهيئه ﻻنه الحين يعتبر غريب عنك ...

خلي اهلك يخاصمونه وبعدين حساباتك كيف يقدر يجيبها انتي حطي نك مجهول واالا تعطي احد احساباتك الا اخواتك اذ حابه انا حساباتي التواصل كلها حتى اخواتي مايعرفوها ايش لك بالقرابه وشقاوتهم مايضفونك محبه غير شقاوه وحش فيك خلي حساباتك خاصه فيك محد يعرفها وخذي راحتك تحصلي ناس بنت تحترم وترد باحترام وفعلن ذا الشي عجبهم مو يردوا شقاوه اما رقمك لا تعطيه اهل طليقك ومايقدر يجيبه خليه خاص باهلك وصحباتك واقاربك اللي يعزونك خالاتك وكذا بس مو كل من هب ودب تعطيه رقمك والله ماغير الشقاوه الناس وشحطت توبك وصوره خليك مقتصره على اقاربك ومايقدر يجيبه والله الا اذ له احد بالاتصالات شي ثاني ذيك الساعه خلي واحد من اخوانك يهزئه تهزيئه محترمه

اختي على طول علمي الهيئه
ياكلونه تبن ولاتتماهلين تندمين وتتحسفين
حسبي الله ونعم الوكيل
يوم كنتي حلاله ماكفيتيه والحين مشغلك الله يشغله بنفسه يارب
ياكلونه تبن ولاتتماهلين تندمين وتتحسفين
حسبي الله ونعم الوكيل
يوم كنتي حلاله ماكفيتيه والحين مشغلك الله يشغله بنفسه يارب
الصفحة الأخيرة