حسبي الله ونعم الوكيل

بنات تذكرون مشكلتي الاخيره مع زوجي
حوالي اسبوعين زعل ونكد وهو ساحب علي
وانا اعتذرت وراضيت وطنشت وكل شي مافاد
وتدرون بعد اني والده لي شهرين
وبرقبتي بنت وولد صغار ومسؤوليه
المهم
زوجي المصون ناقشني وطلع كل اللي بقلبه
وانتهى الموضوع بعد زعل طوييييل
ثاني يوم بالليل رحنا السوق وكان زحمه
عصب علي وقال هالسوق المعفن ولا عمري ادخله
قلت طيب اجل خلني اروح مع السواق
قال لا سواق ولاغيره ولو دخلتيه اعتبري نفسك مطلقه!!


انا هنا كأن احد عطاني كف
قلت انت ماتستحي على وجهك!! تهدد بالطلاق!!
عيب عيب انا ماغلطت وزحمه السوق مو بيدي
مارد علي وانا بكيت
ولمادخلنا البيت قال خلاص اسفين خلاص حقك علي
وانا هبيت عليه زياده
نمنا وصحينا ورجع يراضيني.. لاويقول: بلا نكد!! ههههه
استغفر الله العظيم
قلت له طيب خلاص
وحاولت انسى كل شي مليت من المشاكل
لكن داخلي مكسووووووور
فيني حزن يهد جبال
والله بالعاده العب مع بنتي واتشيك بالبيت واضحك
امس جالسه ببيجامتي طول اليوم ومالي خلق شي
ووجهي شاحب وحاسه بكتمه
حتى صديقاتي يقولون وينك غاطسه لك 3 ايام
لانهم متعودين على هبالي بالواتس وسناب
بس حاسه مالي رغبه باي شي




اللي قاهرني اكثر
من دخلت بهالجو الكئيب تغير زوجي تماما
صار يضحك ويدلع ويتميلح وانا ساااااكته
ولماقلت له عاجبك حالي يعني؟
قال تجننين كذا الانثى هاديه ومكسورة جناح!!


ياربي وش ذا المرض
تحسبونه يمزح.. لا والله انه صادق
حسبي الله ونعم الوكيل
هو يشوف نفسه بقمه الرجوله لما يكسرني


انا تعبت ونفسيتي تعبتني
مالي رغبه بشي
حاجه زي الاكتئاب
لي 3 ايام على هالحال
حتى شعري مالي رغبه امشطه
تخيلتوا؟
خايفه يستمر الوضع.. ابغى اتخلص من اللي انا فيه