حسبي الله ونعم الوكيل

زوجي مو مقصر معاي ابدا وكريم واغلب طلباتي مجابه ويسفرني باستمرار بس عنده صفه دمرت حياتي معاه وكرهنا بعض ،،
يبيني اخدم امه واخواته ولا اعارض مر علينا مشاكل كثييير تعبت تعبت منه وخاصه رمضان يجي ويروح وحنا بنكاده ومشاكل يضغط علي كل سنه اسوي فطور لاهله وانا اسوي اول يوم وبعدها ارفض اسوي شي
وانزل من فطورنا يوميا صحنين ثلاث من الاصناف اللي اسويها ومو عاجبه ومتذمر على طول ،،
ان سمعت كلامه تمادى وطلب زياده وان رفضت قوم الدنيا وهدد وتوعد وطردني من البيت لامره ولامرتين ولاثلاث يقول اسمعي الكلام ونفذي بالغصب ،،
اخواته كبار وامه قايمه ببيتها وعندها خدامه ،،
امس سويت فطور لهم وكلمت اخوات زوجي واتفقنا عالاصناف واليوم جاء سوى لي سالفه يقول اخواتي مالك شغل فيهم اتفقي انتي وسلفاتك وسوو الفطور واخواتي مايمسكون شي ،،رفضت وقلت كل وحده تقوم ببيتها وماني مسؤوله عن احد وعصب علي شوي ويمد يده وقالي بكره تروحين بيت اهلك لاعاد اشوفك فالبيت 💔
انا احب بناتي بجنون وهو يدري لاني كذا مره قلت بروح لاهلي واتراجع اذا شفت دموع بناتي واللحين صار يضربهم قدامي لو رفضتطلباته او ينزلهم بيت اهله ويمنعني اشوفهم الا وقت النوم ،،
لاتقولون روحي لاهلك او دخليهم بالموضوع سبق وسويتها وكبر الموضوع غصب انحلت ،،
ولاتقولون اسمعي كلامه سبق وسمعت وتمادى جدا هو وامه وخلوني خدامه رسمي ،،
تعبت تعبت وربي ادعو لي 😭😭