حسبي الله ونعم الوكيل

بحاول اختصر لكم الموضوع
لأنو حاسه في كلام كثير ودي أقوله
أنا مره طلعت بدون م عطيت زوجي خبر رحت مع اختي السوق وعرف زوجي
قعدت تراضيته يمكن أسبوع واسوي الي يبيه
م خلا كلمه م قالها فيني
قال بيت اهلك م تروحين سنتين تبين تشوفين أمك تجي عندك البيت خواتي انسيهم
المهم ي بنات عدت السالفه لها شهر
مره كنا قاعدين في الصاله قمت أنا أخذت جوالي من الشاحن في الغرفه الثانيه وقعدت فيها قعدت يمكن ثواني ناديني وين رحتي قلت كنت جالسه في الغرفه بدت يحقق ليش م تقعدين في الصاله أكيد عندك بلا أنا قلت ي ولد الناس اخدت الجوال وقعدت هنا وين المشكله
بدأ الكلام من هنا وهنا
قال أنتي اغلب أوقاتك قاعده في غرفه الحريم وغرفه العيال وأنا والله وادعي ع نفسي بمرض انه كذاب م اقعد إلا بالصاله في الجلسه
قلت لا تفتري علي
قال جيبي المصحف احلف انك عندك بلا في الجوال
أنتي مو كويسه
أنتي مو نقيه
انتي وسخه
أنا مره اتعب من ذا الكلام لأني والله بنت صالحه واخاف الله مره مره عصبت من هنا كلمه ومن هنا كلمه قال والله أوديك بيت اهلك يلا قلت اوكي بعدين قال بس العيال م تأخذينهم أنا طنشته وقعدت ورحت الغرفه
بنات هو مريض وربي مريض شك مو طبيعي
يعني حتى في بيتي م يخليني اتهنى
أنا أخاف من فكره الطلاق مره مدري ليش
مو ع أولادي لا إرادي بيعيشون احلا عيشه اخاف من نظره الناس نظره خواتي أنا كيف بعيش
طيب وش الحل
لا تقولون تكفون خليه يثق فيك طيب أنا اغل أوقاتي في البيت م عندي صحبات حتى اهلي وخواتي مو نفس المنطقه الي ساكنه فيها يعني طلعاتي معه سوا مطعم ولا كافيه