ما راح أقول انسيه لأني مريت بهذه التجربة

لكن أقولك من قلبي .... ابعدي عنه .. اقطعي صلتك به تماااااما

وادعي واستغفري طوال يومك وليلك

وإذا كان فيه نصيب ، وربنا أراد أكيد راح يجي لغاية بيتك

وثقي والله لو إنه في آآآخر الدنيا وبينه وبينك عقباااات وحواجز

وأراد الرحمن أن ييسره لك ويعيده سيعيده برحمته ...

تأكدي يا غالية .. وهذا ما بدأت أقنع به نفسي

أن ربي ما حيتركني إلا رااااضية لأنه الأعلم بحالي وحزني وهمي وضعف قلبي

يا يعيده إلي .. أو يصرف قلبي عنه وكرمني بمن أحبه وأتزوجه

الله معاكِ يا قلبي

هلا اختي

اختي انا ما قصدت بهدم البيوت الطلاق بالتحديد
مب شرط الطلاق ممكن علاقتج فيه تكون سبب في تعاسة حياة زوجيه احتمال تكون ناجحه
تتوقعين الحرمه تنسى بسهوله خيانة زوجها لو كشفته في يوم او انها ما تتألم
ما حسبتي حساب انها هي تطلب الطلاق لانها ما تستحمل .. يعني مش لازم انتي تطلبين انه يطلقها ..
حطي نفسج بالموقف وشوفي ردة فعلج
لو تزوجتي هالانسان في يوم فعلا ويت وحده وسوت سواتج وتزوجها كيف بتكون النتيجه ؟!!!!!

والاخت اللي قالت لي ان انها ما تهدم بيته
ليش اختي .. هل يجوز انها تكلم رجل اجنبي عنها ولو كان على اساس الزواج او لانها انجرفت ورا العاطفه ؟
طيب حتى لو هو اللي كان المبادر .. ليش هي تعطيه المجال ..
يعني ما تشوفين انها صارت طرف معاه في الهدم .. والا بنتم نقول البنات على عواطفهم والشباب على مزاجهم .. مهما كان الكل فيه عقل والمفروض دين والتزام..
يروح لغيرها مشكلته على راحته لكن هي تجاريه وتاخذ وتعطي معاه .. معناها انها هي مو غيرها صارت طرف في الهدم
يالغاليه .. الواحد عليه انه يطلع نفسه من الموضوع وما يكون ولو مجرد سبب في دمار اسره
يعني تخيلي لو هي ما طلبت يطلقها لكن زوجته طلبت الطلاق لانها ما تستحمل .. هل هالشي ما يعتبر هدم ؟؟

الله يوفقج الجميع للي يحبه امين

حبيت اشكر خواتي لاجديد .. وروز .. وعنودان.. وفري بينك.. وروميا .. واقولهم مشكوريين وايد على شعوركم الطيب ويارب يحفظكم ويبعد عنكم عيال الحرام

شوفي اختي النار ما تحرق الا رجل واطيها وكلنا ما نحس بالي في قلبك بس اول شي ابتعدي عنه خليه لبيته و زوجته وحياته وهو لو يحبك كان زوجك ولا تركك تعيشين حياتك بس هو مخليك حبيبه والله من قلبي اقولك اشتري كرامتك وشرفك لا تروح سمعتك بكره تدري زوجته وتجي لين بيتك وتفظحك انتبهي والحرام ما يدوم والله ما يدوم الا الحلال والزواج يجي ويجيب الحب معه صدقيني بتلقين واحد تزوجينه وتحبينه والله يوفقك

اختي لونا .. واختي على خطى المصطفى .. حبيت اشكركم على مروركم واقولكم مشكورين وايد كلكم ذوق... بس حبيت اقول حق لونا ترى انا ماخذيته من زوجته ولا انا طقيت بابه وركضت وراه اهلي واهله جيران اكثر من ثلاثين سنه والله مافكرت فيه ولاكنت اعرفه اهو اللي ركض وراي وتم يلاحقني لدرجة انه كان يجي لدوامي يشوفني ولما اكون بسيارتي يمشي وراي كان يبكي تعرفين شنو يبكي ويكون بعلمج تم ثلاث شهور يلاحقني وماكنت اعطيه وجه قلتله روح لزوجتك وعيالك انا مانفعك قالي اخذتي قلبي وعقلي شلون اروح لها ابيج انتي واحنا البنات تتحكم فينا مشاعرنا والرسول يقول رفقن بالقوارير لاتحكمين على تجربه ماعشتيها ولاحسيتي بصاحبتها انا ماخذيته من زوجته وحياته اهو اللي خذاني من حياتي وراحت بالي خلاني احبه واتعلق فيه وبعت الدنيا عشانه وبالاخير تركني خلينا نكون واقعيين فيه بنت وللامانه ترفض عيال شيوخ من دول الخليج عشان شخص عادي انا سويت هالشي عشانه وبالاخير تركني كنت اترجاه واقوله اذا ماتبيني خلني اشوف حياتي ماكان يرد علي لما زوجته واخته شهروا فيني تم ساكت وقالي كذب ماتكلموا انا سألتهم وقالوا ماتكلمنا تعبت نفسيتي كنت ماانام الا على حبوب مهدئه وتقولين خربت بيته من فينا خرب بيت الثاني من فينا خسر اكثر من فينا الناس تكلمت فيه اهو مرتاح معاها وانا اسهر الليل ابكي افكر فيه عطاني ظهره ماخاف من ربنا ماقال حرام بنت مالها ذنب اناجيتها ودخلت حياتها وخليتها تتعلق فيني لاخاف ربنا ولاقدر حبي وتضحيتي ولاحط احترام حق جيره انتي قلتي شي واحد صح كما تدين تدان اهو مافكر بهالشي انشالله ربنا بيعاقبه ومثل مالعب بمشاعري بيجي يوم ويلعب واحد *** مثله بمشاعر وحده من بناته وان شاء الله مثل مابيكيت وانقهرت اهو يبكي وينقهر ومثل مابكت امي واهي على سجادتها و تدعي ربنا انه يساعدني ويفك ضيقتي اهو يبكي بدل الدموع دم .. اما بالنسبه لج يااخت على خطى المصطفى اي خطى اللي تحكين عنها المصطفى قال احكموا على الناس قبل لاتسمعونهم والمصطفى نفسه قال لاارى للمتحابين الا النكاح يعني ماحرم الحب وانا ماسويت شي غلط انا حبيت وكنت ابيه بالحلال والمصطفى تزوج اكثر من امرأه يعني الزواج مش حرام ولو انه فيه خراب بيوت ربنا ماشرعه وانا سألت شيوخ دين وكلهم قالوا لاحرام ولاعيب وانا ماخربت بيته اهو لو كان مرتاح مع زوجته ماجاني يدور علي وانا مش مغفله انا كنت صادقه معاه وتعاملت معاه بحسن نيه ولا الصدق بنظرج غباء واخته بره الموضوع كله مالها علاقه ولا حبن بزوجته تكلمت بس كانت خايفه ان زوجها يتزوج عليها اذا اهو تزوجني وربج بالمرصاد بعد ماتكلمت عني طاح ولدها من الدور الثالث وكان بين الحياة والموت لو ماربنا لطف فيه النا اول ايام العيد تضحك واهي بالمستشفي تصيح انا ماظلمتهم اهما ظلموني حسبي الله عليهم وايه تحلمت بالرسول وانتي ليش متضايقه الحلم من ربنا حلمت اني متزوجه الرسول وبعد رفيجتي حلمت ان الرسول يدعي لي بالحلم نصيحه لاتظلمين احد ولاتتسرعين بحكمج على احد ترى كل شي دين ومشكورين على مروركم