R A N E E M @r_a_n_e_e_m
عضوة جديدة
حسبي الله ونعم الوكيل /خطيبي السابق .. معدل
بسم الله الرحمن الرحيم
بصرآحة ماني عارفة كيف ابدأ واحكي لكم حكايتي
بعد مآ انتهيت من الجآمعة تقدم لخطبتي أحد اقاربنا ولأنه من اقاربنا للأسف ماسأل الوالد عنه
وقتها كنت ارسم الأحلام الوردية .. كيف ببدأ حياتي وكيف بكلمة وكيف وكيف ...
شاءت الاقدآر وتملكت ...
بدأت اتواصل معه بالجوال
تعامله معي كان حلو اول اسبوع بعدها بدأت تظهر صفاته الحقيقية !
يعصب على اتفه الاسباب يسسب ويشتم عادي ويبكيني وبعدها بكل برود يتأسف !!
كنت استغرب من تصرفاته ينآآم يومين ويسسهر كثييير
مدخن بشراهه واحيانا يعصب علي انتي ماتهتمي فيني واذا كلمته قال لاتشغليني وتدقي
وانا بصراحة ماكنت ادق عليه كثير وكنت استغرب ابي اعرف بسس شكل الاهتمام اللي يبيه !!
كنت انا اللي اداريه مابيه يزعل مسيكينه احسسب هذا طبعة
احيانا يدق مرووق ويسولف واحيانا يدق معصب ويفش عصبيته فيني
قلت يابنت استحملي هذا نصيبك عاد ..
لين جات ليلة ارسسلي رسايل ورا بعض سب وكلام كثثثير يشتمني فيه
انا مأستوعبت قفلت جوالي وجلست ابكي ابي اعرف وش سويت له عشان يجيني كل هالسب !
اليوم الثاني ارسل يعتذر ويسب نفسة ويدعي ويقول يوم شفت رسايلي لك انهرت ابكي
مو مصدق كل هذا يطلع مني !! ( انا قلت بسس الرجال عنده انفصام شخصية )
لانه قبل كان يرسل رسايل ويقول كلام لما اناقشة فيه مرا ثانية يقول انا قلت كذا متى !!
ارجعي ارسلي الرسايل وارد ارسلها وينكر !!
كل اللي براسي للحين انه مريض نفسيا
صرت خايفة منه !! ولارديت عليه وكرررهته وبسس ابكي !
ولاعلمت اهلي عن اسلوبه معي .. لاحظوا اهلي نفسيتي كيف متغيره
ويوم يسألوني اصرفهم انه بسبب ضغوط العمل
اليوم اللي عقبه ارسل انا بعلمك سبب رسايلي لك هذاك اليوم
والزوجة الاصيلة توقف مع زوجها وماتفشي سره
ارسل وهنا كانت الطامة
(ارسل رسالة يقول انا مدمن ولي سنوات بطلت واللحين رجعتله بسبب اهمالك لي
ولو بعدتي عني اكثر ماضمن لك وش بيصير فيني )
انا هنا انهبلت !!!! اذكر كنت واقفة لما ارسل الرسالة وقسسم بالله طحت من طولي
وابكي بدون صوت بس دموعي تصصصب
استغربت من جرأته واعترافة ولا يبرر لنفسة ويحلفني بأغلا ماعندي مأعلم احد !!
ارسسل وارسل وانا مأرد
وقتها كنت افكر ( وش اسوي ؟ كيف اقول لأهلي عن اعترافة ؟
صلة القرابة اللي بيننا كيف بتصير اخوي اللي متزوج اخته كيف بتصير علاقته معها !!
كل هالتساؤلات براسي !!
قلت لأختي جلست تبكي معي وشارت علي استخير من اول وجديد
والجأ لله بالدعاء ان كان هذا نصيبي الله يهدية ويرجعه لطريق الصواب
وان كان شر يصرفة عني
ارسل وارسل وانا مافي امل ارد عليه
ارسل اكيد مصدومة اوعدك اتغير وخلينا نوقف مكالمات لين الزواج
وماعاد ارسل عقبها
لاتسألوني كيف مرت علي ذيك الايام كنت اسمع عن الادمان بالمسلسلات
ماتوقعت اشوفة حقيقة !!
عقبها بأسبوع طلع رقم جديد ودق علي منه شكيت انه هو
طبعا انا فيني طبع مأرد على اي رقم مأعرفة
دق ودق مآفي امل ارسلي هذا رقمي الجديد خزنية عندك
انا مجرد مآكان جوالي يدق او تجي نغمة رسايل يجيني برودة بجسمي واصير انفض
من الخوف =(
الطامة باليوم الثاني ارسلي يقذفني ويسبني واني متعرفة على شخص واحبه
وانه لما دق علي رقم غريب (يقصد نفسه لما دق ) ارسلته لهالشخص اللي احبه
اقول ترا هذا مزعجني وقام يسسب ويتوعد والله لأسويلك والله لأنتقم منك العمر كله
ولأعيشك عيشة نكد وهم
خلآلآلآلآلآلآص انا انهررت وكلمت اهلي عن الموضوع الا شرفي
حكيتهم عن اعترافه لي وعن قذفة واسلوبة التبن وكل شي
اهلي هزأوني كيف اسككت عنه طول هالفترة وانا والله من قوة الصدمة احس اني للحين بحلم
وان هالسوالف كذب ( الحمدلله على كل حال )
لما كلمه ابوي بكل قوة عين يقول
هي متعرفة على هالشخص وهي اصلا لها علاقات وخرابيط وانا تكرهني ماتبيني
والمشكلة يرسل ردي علي والله لأستر عليك كأ السالفة صدق ( في ظلم اكثر من كذا )
حسبي الله ونعم الوكيل !!
الحمدلله خلعني ابوي منه وانا تو متملكة من 6 اشهر
كان زواجي بيكون بالعيد
اخذت لقب مطلقة قبل لأتزوج ومن مين من اقرب الناس لي ( اللهم لا إعتراض )
اللحين كيف بقابل اهله بالمناسبات بعد السمعه اللي طلعها عني !
مابي اروح مكان القاهم فيه =/
نفسيتي مراا سيئة من هالحادثة الحمدلله متصبره واحاول اعزي نفسي
بسس للحين وبعد كل اللي سواه فيني احن له =|( وافكر بمين بيرتبط !!
واذا ذكرته وحنيت له تسوء نفسيتي وابككي
لاتشرهون علي بس هذا طبع البنات عاطفيات والشيطان اعوذ بالله منه
هذي قصتي حبيت افضفض فيها هنا مدري مكانها صح او لا
كل اللي ابيه منكم تدعونلي ربي يعوضني خييير عن الايآم اللي راحت
ويصبرني ويبعد عني وساوس الشيطان
ويعوضني برجال خير منه مع اني بدأت اكرره كل الرجال
احس ان لهم طبع واحد كللهم وحنا المسيكينات اللي نستحملهم
الحمدلله على كل حال (..)
30
4K
يلزم عليك تسجيل الدخول أولًا لكتابة تعليق.
R A N E E M
•
up
العوض من الله ,,, ولا يعلم الانسان اين الخيره له
الله يعوضك بخير ياقلبي ويرزززقك ربي الزوج الصالح المخموم القلب الطيب الذكرررر ~
وانصحك الزززمي الاستغفااااار والتقرب الى الله واجعلي لك ورد يومي من القرآن ....
((اللهم اجعل القرآن ربيع قلوبنا ونور صدورنا وجلاء همومنا وذهاب احزااننا ))
الله يعوضك بخير ياقلبي ويرزززقك ربي الزوج الصالح المخموم القلب الطيب الذكرررر ~
وانصحك الزززمي الاستغفااااار والتقرب الى الله واجعلي لك ورد يومي من القرآن ....
((اللهم اجعل القرآن ربيع قلوبنا ونور صدورنا وجلاء همومنا وذهاب احزااننا ))
العوض من الله ,,, ولا يعلم الانسان اين الخيره له الله يعوضك بخير ياقلبي ويرزززقك ربي الزوج الصالح المخموم القلب الطيب الذكرررر ~ وانصحك الزززمي الاستغفااااار والتقرب الى الله واجعلي لك ورد يومي من القرآن .... ((اللهم اجعل القرآن ربيع قلوبنا ونور صدورنا وجلاء همومنا وذهاب احزااننا ))العوض من الله ,,, ولا يعلم الانسان اين الخيره له الله يعوضك بخير ياقلبي ويرزززقك ربي الزوج...
الحمدلله على كل
اللهم آميين يسمع منك يا قلبي
يسسعدك ربي على كلآمك وردك الجمييل
اللهم آميين يسمع منك يا قلبي
يسسعدك ربي على كلآمك وردك الجمييل
من اول الاسطر حسيت انه به شئ وجاءعلى بالي يمكن مدمن
قولي الحمد لله ان الله خلصك منه
ولا تخافين من لحظات لقائك بقرايبك
لانك لو ما هالشئ كان عانيتي طول عمرك بارتباطك بمثل هذا الانسان
الله يهديه ويشافيه
قولي الحمد لله ان الله خلصك منه
ولا تخافين من لحظات لقائك بقرايبك
لانك لو ما هالشئ كان عانيتي طول عمرك بارتباطك بمثل هذا الانسان
الله يهديه ويشافيه
الله يعوضك باحسن منه عاحلا غير آجل
والله يرزق جميع بنات المسلمين ازواج صالحين وويفقهم .. آآمين
والله يرزق جميع بنات المسلمين ازواج صالحين وويفقهم .. آآمين
الصفحة الأخيرة