baby_dior @baby_dior
عضوة جديدة
حسبي الله ونعم الوكيل ساعدوني يا بنات
السلام عليكم ورحمة الله وبركاته
بنات ساعدوني بالنصيحه ماعندي غيركم اشكيله L
سامحوني على اسلوبي فالكتابه ببدأ الموضوععلى طول
بدأت قصتي مع ولد عمتي من يوم كان عمري 17حبينا بعض وكنا نتكلم عالتلفون هو اصغر عني ب 3 سنوات
حبينا بعض واتعلقنا فبعض وايد لين صار عمري24 و هو 21تقدم لي رسمي وخطبني من ابوي وتمت الخطبه بس الوالد شرط عليه لازم يشتغلبالاول . جلس مكتأب لان ماقدر يحصل دوام , ساعدته ويلست ادور معاه لين كلمت حد مناهلي يتوسط له وتوظف بعدها الحمدالله وكنا مبسوطين وفرحانين ان الله يسر امورنا ,المهم بعدها بسنه يوم تثبت فالدوام
قررنا نملك والحمدالله ملكنا وكنا فرحانينومب مصدقين بعد 8 سنين صار اللي نباه , كنا طيب معاي لدرجه ماتتصورونها ودوميهديني حتى قبل الملكه هدايا غاليه وكان حنون ومايحب يجوفني زعلانه او شي
المهم قبل العرس بثلاث شهور اكتشفت فالبلاكبيري عنده بنت وقريت المحادثه وكانت تطلب منه فلوس بالهبل بالالاف
وهو ماكن يرد عليها شكله كان يتسلى معاها,المهم انا بعدها زعلت منه واتصلت فالبنت وهددتها قلت الها لاعاد تتصلين ولا بخبراهلج وياليتني مااتصلت L
ماعاد جفت خير من بعد هالاتصال!! بعدهاباسبوع بديت الاحظ تغير عليه ماعاد يهتم فيني ويوم ازعل يبند عني واول مره ينسىعيد ميلادي من 8 سنين استوى انسان قاسي وجاف ومايهتم لزعلي قلت يمكن عين صابتنا اوشي خبرته يسير لراقي وبالغصب سار وقرى عليه لمدة ربع ساعه وقاله عين ويوم كلمتهقالي ماعرف شو فيني عندي بلغم اسود وحاشه صدااع فظيع واسهال وكان يشتكي من ارتفاع نبضات القلب مع انه سليمودوم يحس بضيق, المهم انا خذت له موعد ثانيي وجلس يتهرب مني ومن الراقي واختربتحياتي معاه كله مشاكل وقالي بأجل العرس انا ماعندي فلوس قلت له اوكي اللي تشوفه بنسويعرس صغير للأهل ومالهداعي شهر العسل عشان اخفف عليك. كان يقولي انا كرهتج فجأةوماحب اكلمج ويوم اجوف رقمك اتي فبالي المشاكل تعبت معاه كثير مايرد علي ولا علىمسجاتي كان يسمعني كلام جارح كثير مثل ابوي ماكان راضي على ملكتنا وامي ماكانتتبغيك وانا اعرف انه يكذب لانه اهله يحبوني وايد بس هو كان ينفرني منه ويريدنياكرهه (بروحه اعترف بعدها بيوم) يقولي انا احاول اخليج تكرهيني وانا عرف انيمابحصل حرمه مثلك بس احنا لازم نطلق خلاص والله يوفقك مع غيري! وكان دوم يسأل اختياطلقها الحين او بعد العرس لانها كانت حلقة وصل بينا يوم مايرد على مكالماتي!,صدمني بجد!!!!! قعدت اصيح واصيح ولايهمه يبند فويهي وقالي بعد اسبوع بسير المحكمهبطلق استوى شخص ثاني جدا" ولاكأنه اللي حبيته وحبني من 8 سنسن والله انا مبمصدقه اللي صار لي وفعلا" بعدها باسبوع طلقني Lحسبي الله ونعم الوكيل
للعلم هو ماعنده خوات ولا اخوان وامه اللي هيعمتي توفت بعد الملكه بشهر الله يرحمها يارب ولا حد من اهلي ساعدني كانوا يقولوالي احسن خل يولي!!!
بنات انا الحين من شهرين مطلقه بس واللهلليوم اصيح ومب قادره استوعب بعد ماتجهزت وبعد ماصبرت كل هذا اطلقني قبل العرس بشهر والله حرام ماقول غير حسبي الله ونعم الوكيل عللي ظلمني والله اني ادعي كل يومواستغفر واقري سورة البقره يوميأ بان الله يشفيه اذا فيه شي بنات ادعولي اللهيخليكم
40
6K
يلزم عليك تسجيل الدخول أولًا لكتابة تعليق.
baby_dior
•
نسيت اقولكم اكتشقت من موقع الانسغرام للصور انه هو بعده على علاقه مع البنت وثالث يوم من طلاقي البنت حاطه صوره لها وله فكوفي شوب :(
الله يجبر خاطرك ويعوضك الي أحسن منه استمري على القرأن لانه علاج نفسي وبه تطيب كل الجروح تذكري رحمة ربك واسعه ولاتقنطي منها متأكده ان ربي راح ينصرك ولو بعد حييييين ..
روابينا
•
انا مع اهلك .....انسيه ...انسان موثقه وغير جاد ....زين من عرفتيه قبل لايصير عندك اولاد وتتورطي بيه وبالاعيبه
الله يصبرك ويعوض عليك ولاتهملين نفسك من اجل انسان باعك ....ترى الكآبه تجيب النحس عليك ...ابتهجي واتفائلي وفكري انك ربحتي ماخسرتي
الله يصبرك ويعوض عليك ولاتهملين نفسك من اجل انسان باعك ....ترى الكآبه تجيب النحس عليك ...ابتهجي واتفائلي وفكري انك ربحتي ماخسرتي
S.2008
•
المعصيه لها شؤم على الانسان وهو كان يخونك عشان كذا مااتوفقتو مع بعض الله يوفقك مع اللي يستاهلك ويقدرك
الصفحة الأخيرة