حسبي الله ونعم الوكيل عرق زحلاوي

السلام عليكم ورحمة الله وبركاته
كيفكم يا خواتي
قبل كم يوم جالسه اقلب بالمحطات وتوقف عند محطه تيلي لبنانون تعرض قدور طبخ وخبركم حريم وشافو مواعين :angry: واعجبتني القدور اللي تعرضه هذيك المذيعه الماصله :angry2:
وتتكلم باللبناني عن فوائد هالقدور وشكلها ثلاث قدور فوق بعض ويطلع من الي بالاسفل انبوب استغربت وش سنعه قلت يمكن عشان لو الماء كثير على الرز يخر من تحت اتماتيكلي :icon28:
المهم جلست اسمع واطالع هالقديرات الي كلها ملح وتلمع من زينها
ولين الي تعرضهم تبع شركه مثل يومارت وطقتها اللي اذا خلصو عارضين المنتج حطو ارقام تلفوناتهم في كل بلد عشان تطلبينها
واخيتكم اخر حماس ركضه واجيب قلم وورقه ابي اكتب رقمها بالسعوديه
وانا اتابع بحماس شديد واطرت العرق ومير تحوم كبدي قلت وين الكشخه والسنع اللبناني وش جاب طاري العرق هالحين :09:
ويوم انها تكرر هالكلمه وتقول وهلاء بينزل العرق من هون وووووووع واستغرب وش جاب طاري العرق للطبخ والمواعين واقعد اهوجس واثرها:angry2::angry2: واثرها تقصد العرق ماغيره الي يدردبونه ويشربون الشوام واهل لبنان ويسمونه العرق الزحلاوي الله لا يعوق بشر :icon33:
الله يسلط عليها الماصله تعرض قدوووووووووووور لصنع الحمر حسبي الله عليها وعلى المحطه الخايسه لا ويبونا نصنعه في بيووووتنا
هالحين ماخلصنا من سخافاتهم وعريهم واستاراكاديمي يطلعون لنا بكيفية صنع العرق في بيوتنا الله يحمانا يعني وش بيوصلون العالم له
ومتكلفين صانعين هاك القدور الي تجيب العافيه واخرته للخمر الله يكفينا الشر
يعني وبعدين معاهم واخرتها يعني

ملاحظه: من تبي تصنع عرق يا بنات تراااااا ياااااااكثره في الصيف خخخخخخخخخخ امزح :42:
ما اقول الا الله يحمينا ويعصم شبابنا وبناتنا من مثل هالمحطات القذره