حسبي الله ونعم الوكيل على اللي ازعجنا مع هالصبح بالتفحيط على روسنا

الله يعينكم والله اذكر مره فحط واحد جنب بيتنا وكانت قويه جا يوقف قلبي من الفجعه وولدي انفجع من قو الصوت وكان شكله ما يقصد بس طلع عليه واحد

لاحول ولا قوة الا بالله
اي والله انك صادقه
احنا الشارع اللي ورانا على الجامعه والناس شغاله تفحيط لين الفجر احيانا
والله اني مرا قمت الساعه 4 الفجر مفجووووووعه
وقلت حسبي الله عليك حسبي الله عليك
وربي انفجعت فجعه مو طبيعيه وغرفتي اخر البيت والصوت عالي
والمشكله البيوت اللي ورانا فيها ناس مرضى ويتضررون اكثر منا
وزوجي فكر في المطبات
والله يعين

الله يكون في عونكم..ويكفيكم شر التفحيط
ادعي لهم بالهدايه...من الفراغ والبطاله
استغفرالله العلي العظيم واتوب اليه ولاحول ولا قوة الا بالله

لاحول ولاقوة الا بالله..

المطبات افضل حل خل تكسر سياراتهم..

الله يعينكم ويكفيكم شرهم..

وينك عن الي ما يستحون يفحطون قدام الجامع الي حول بيتي والناس تصلي وهالشباب تفحيط

وبرمضان الناس تتهجد وتصلي وذولي تفحيط وازعاج والله انهم اذوا الإمام مسكين والمصلين وخربوا عليهم خشوعهم

واشتكوهم عند الشرطه وصارت الشرطه توقف بالشارع فتره وبعدها ملوا ورجع التفحيط

حسبي الله عليهم من شباب وعلى اهلهم الي معطينهم سيارات يزعجون الناس وهم توهم بزران

والله هالتفحيط صار افة المجتمع مدري وش الحل الحين شغاليين مخالفات وهالتفحيط ماحلوا مشكلته لحد الان مدري وش السبب !!؟؟