حسبي الله ونعم الوكيل على اهل زوجي

كتبت لكم حالة زوجي و كيف ان اهل زوجي مو مهتميين بمرضه وحالته الأن اصبحت اليمه جدا
وربي بس يمشي ويفكر ويفكر ويضحك ومستغرق بالتفكير والكتابة 24 ساعه ولما اتكلم معاه يرد علي بكلمه ويسكت , وامس ضاع القلم عليه وسألني عن القلم
قلت له ايش تبغى تكتب قال علاااج قلت علاج ايش قال المعده قلت علاج معدة مييين قال اختي فلانه
وراااح , وربي يابنات حالته تبكي قسم بالله كل ما اشوفه ابكي ياربي من كان يتوقع ان زوجي راح
يصير بذي الحاله !!! بعد ماكان اجتماعي ويحب يطلع ويتمشى ويهتم بنفسه الحيين احسه ضايع حتى
لما اسأله تذكر ايام اول لما تطلع وتخرج وتتمشى مع اصحابك يقعد يطالع فيني مستغرب ويفكر
قلت له تذكر قال ايوا قلت طيب ليش كذا اتغيرت ماصرت تطلع وبس تقعد لحالك قام يطالع فيني
وكأنه يفكر وراح ..المشكلة اللي حارق قلبي وغابني اني امس كلمت ابو زوجي وفهمته ان زوجي مريض نفسي ولازم يتعالج
وقلت في اطباء كويسيين لحالة زوجي قال اكتبي لي اساميهم ومواقعهم وكتبت له واليوم سألته ياعم
متى بتودي فلان للمستشفى قال يافلانه تحسبين فلان فيه مرض نفسي انتي لو تعرفين اللي اعرفه ماقلتي
انه فيه مرض نفسي -مدري وش قصده اللي فهمته ان فيه جني - وامه اذا كلمتها تقول خلاص مو
لازم يتعالج خليه يقعد كذا ولما قلت لها انا بدفع فلوس العلاج قالت كلمي عمك يوديه وانتي ادفعي
المشكلة يابنات انا وحده مو موظفه وفكرت ابيع ذهبي ويادوب تجيب لي 2000 يعني اذا وديته الحين
وعرفت حالته وسويت الفحوصات وشريت الدواء بعدها وش الفايدة اللي راح اكسبها لأني ماقدر ادفع فلوس المراجعات
القادمة وولا الأدوية وابو زوجي حسبي الله ونعم الوكيل فيه تاجر مو قادر يعالج ولده بالله يابنات
قولولي وش بيدي انا لا وظيفه وحالتي صعبه ومحد بيساعدني في علاجه مرات اقول موته ارحم من حالته
هذي ومرات اقول اتطلق واروح واخليه بس قلبي متقطع عليه انا بنت الناس راحمته وحزنانه ع حالته
ودي اساعده بأي طريقة واهله ميتييين وولا عليهم فيه يقولون بالعكس الحين فكنا من شره لأنه ساكت
ومايتكلم مع احد ويوصلهم المكان اللي يبونه وهو ساكت اما قبل كان يعصب ويتكلم ويشتكي لهم ي بنات
ايش اسوي عشان اساعده ؟؟ اخليه كذا واروح ؟ ايش اسوي يابنات ؟؟ احس نفسي ضايعه :")
وهذي روابط مواضيعي السابقه وكاتبه فيها حالة زوجي بالتفصيل

http://forum.hawaaworld.com/showthread.php?t=4194402

http://forum.hawaaworld.com/showthread.php?t=4197718