حسبي الله ونعم الوكيل على اه / تم الرد +الموضوع قديم

السلام عليكم انا عضوه جديده اول مره اشارك بس متابعه لعالم حواء

موضوعي او مشكلتي مع زوجي واهله يعني مشكلتي مع اهل زوجي
اول بعرفكم عن نفسي انا وحده الحمدالله طيبه وبنت عايله واذا زعلت احد يعذبني ضميري
المهم انا صار لي متزوجه سنه وسبعه شهور توي بدايه حياتي وزوجي اكبر مني ست سنوات ويصير ولد خالتي المهم قبل يوم كنت بنت ماكنت افكر فيه وهو طلع يحبني وانا مدرى وكان يصر على امه تخطبني من سنه وكان يبني وخواته يلمحون لي لين صار نصيب من ملكت كنت مستانسه وعلاقتنا حلوه بس لابد من مشاكل لان طولت ملكتي سنتين ونص بس مابي اطول واشرح لكم ملكتي المهم تزوجت وسافرت دبي وانبسطت الشهور الاولى زواج الحمدالله واهل زوجي اعرفهم يقربون لي وقبل زواج علاقتي معاهم حلوه وكانوا يزرونا بيتنا ويقعدون اسبوع وينامون معانا ونبسط الحمدالله وكنت مطمنه ان اهل زوجي عسل ومامنهم خوف صراحه الا فاجئه انقلبو على بالبدايه امهم تبدا تقارني بدايه بزواجي بسلفتي وانا عروس يعني تقول مثلا حطي لك غدا شوفي الثانيه سلفتي تحط ماتستحى مثلك شي طبيعي بستحي توي عروس. ونغزات

مثلا عندها بنت مملكه وبيزورها خطيبها وكانت تجهز وتحط شموع وحركات جا زوجي يتحرش باخته قالت ام زوجي لي وانا قاعده اتعشى انتى ماتسوين حركات وشموع لزوجك ليه ماتسوين له تضايقت وتوي عروس بعد تقول لي هالكلام. واشياء كثيره لدرجه اذا جيت ازور اهلي اقعد اسبوع لان اهلي بمنطقه اكتشفت تدخل غرفتي وتفتش من وراي وترتب والاخير تروح عند جدتي وتتكلم فيني وتقول فيها وفيها مثلا وسخه ومدرى ايش وانا توي عروس ومع الاشهر وايام كل ماروح اهلي نفس الحركه تدخل وتنشر غسيلي عند جدتي بتقولون كيف دريت جدتي لما تكلم امي تقول لها اللي تسوي ام زوجي وعلى كلامها زي السم وعلى فكره انا كنت قبل انزل يوميا عند اهل زوجي لمده اربع شهور لان زوجي يدوام بالخبر ومايجي الا الربوع وانا اطفش وانا انزل على نياتي وانبسط وتعودو اهل زوجي يشوفني كل يوم اذا انقطعت يوم مانزلت يقولون ليه ماتنزل ومدرى ايش. اكتشفت كثره النزول غلط ماسويت زي. سلفتي ماتنزل
كل يوم وماتعطيهم وجه. تنزل بحدود. اللي راح راح. ويوم دريت ام زوجي تتكلم فيني بديت انقطع بنزولي وماانزل كل يوم تجنبا للمشاكل وصار زوجي كل يوم يقول لي ليه ماتنزلين وليه وليه تعبني وتعب نفسيتي قلت لها عشان اتجنب المشاكل بس. مايفهم لان امه وراه وتقوله ليه. ماتنزل زوجتك قلت لزوجي قول لهم مو شرط تنزل كل يوم او مشغوله يقول مالي دخل تبين قولي لهم او يطنشني ويعيد كل يوم نفس الموال ومرات مايسال الا
اذا امه سالته ليه ماتنزل ،،،ذات مره بنفاس اختي جاو اهل زوجي وجيت معاهم. ويوم راحو زوجي خلاني. قال بجيك بعد كم يوم اكتشفت خلاني تاديب ليه قايله خالتي لامي ولدي يقول فيها وفيها يعني بنتك وسخه وخايسه وماتنظف. واخته الكبيره اخت زوجى بعد قالت ويوم انا سالت امى وش قال زوجي قالت امي ساكت ماتكلم عاجبه كلام امه ،،انقهرت وبكيت قلت لامي ليه ماقلتِ لي كان اواجهم واوريهم شغلهم انقهرت المهم عطتني نصايح قلت مابي اخرب بيتي ورجعت مع زوجي ولاكانه صاير شي عروس. ويحاسبوني. والله اني انظف حتى جاني وسواس من نظافه كل ام زوجي تتكلم فيني كلام زي السم واخت زوجي تتكلم مع امها ،،وزوجي مايطلعني كثير تخيلو ماطلعت الا اربع مرات مطعم. ومجمع تخيلو ومايطلعني بعدها كله لا لا واذ بطلع مع اهله مستشفيات او بيت جدتي مع امه. وكل احن يعنى انق واقول نطلع اخطط معاه مثلا نطلع الخميس يقول بشوف واذ جا الخميس يلا اقول نطلع يقول عندي مباريات او مشغول مع ربعه ونسيت اقول لكم زوجى مايفارق. ربعه 24 ساعه معاهم. ومره حطنى زوجى بيت اهلي قال لي بيسافر وكل مادق على جواله مغلق استغربت وخفت صارله شي مغلق. جواله اسبوع حتى دقيت على. امه. ورقعت قلت ليه مغلق جواله. امه تدرى بس قالت يمكن مشغول. وله. يكلمك. وسبحان الله يوم ثاني كنت بروح الشيخ. والشيخ مو موجود ورجعت الا. دق. وكلمته وقلت ليه مغلق. طلع. عذر. وقلت متى تجي تاخذني قال ما ادرى قلت اذ بتسافر عطني خبر الا ارسل مسج قال. بنفترق. انصعقت وبكيت وكلمته اريد اعرف الاسباب. بالاخيرطلع ماتنظفين. وماتسوين. عدل اسباب تافهه وربي. توي. عروس. 8 شهور من بدايه الزواج. محاسبني مع اني انظف اكتشفت ام زوجي تحشره وتفر راس زوجي

وترجيته وبكيت قال بفكر وبرد لك خبر وقلت لامي السالفه وخذت مني الجوال وانا قلبي محترق ماسويت اي ذنب المهم دعيت ربي وتحسبت. الحمدالله يوم الجمعه قبل المغرب دعيت من قلب ودخلت مسن وشوفت وكلمته وقال بشرط لاتقولين طلعني ولاتعانديني وافقت وجاي يوم ثاني وخذني وامي انقهرت كان بتكبر السالفه ماقالت لابوي. الحمدالله كانت بتشرط شقه بس انا قلت هالمره عديها ماتتكرر ان شاءالله واكتشفت اخته مطلعه كلام. ان زوجي مايطلعني لان عباتي وسخه ويوم امي قالت لزوجي قال ماقلت ولاشي من كلام اكتشفت اخت زوجي تبالغ وتطلع كلام علي هي وامها اللى هى خالتى حسبي الله ونعم الوكيل خربو علاقتى مع زوجي وانا عروس شوهوا صورتى قدام زوجى وكرهوه فينى وحطوا عيوب فينى الله حسيبهم والله العالم والشهاد المطلع على العباد مابي اطول عليكم واكتشفت يوم كنت عندي اهلي خلال 3 اسابيع ام زوجي مادقت وطنشت وكانت ناويه على تطليقي من زوجي. وعصبت وانقهرت وتحسبت يوم رجعت اشوفها منسدحه على كنب وتتالم لان عندها نزيف بالرحم ،،المهم مشكلتي حاليا اكتشفت زوجي شخصيته ضعيفه يسمع كلام امه ومتعلق بامه وكم مره اواجهه امه وتحلف ماقالت الكلام وهي تنكر. كم مره تحلف اخره مشكله بعد ماكملت سنه الحمدالله حملت وحتي بحملي ووحمي. ثقيل. يحاسبوني تقول امزوجي انى ادلع على فكره عندها 2بنات متزوجات وحوامل وقاعدين عند امهم وماقالت تدلعون تراعيهم. وانا اتدلع وما اهتم ببيتى وهو شقه فى الدور الثانى فى بيت اهل زوجى والدرج مشتركه يعنى جناح فيه مطبخ وغرفه نوم وصاله وحمام. وتتكلم فيني المهم شاف زوجي اشويه غبار بالحمام وسواها سالفه. ومدرى ايش. ويقول لامه كل شي عن حياتنا واسرارنا والله انى اقول لاتقول لاتقول لاتخلي حياتنا كتاب مكشوف كل اهل البيت يقرونه ويطنش ويقول كلامي ووداني بيت اهلي. بنهايه شعبان قال مانصلح لبعض اسباب تافهه وانا شاكه ان امه ورى كل شئ و تطلقني من زوجي وانا حامل وداني وعلى فكره هو ميت على الحمل ودرى عن حملي. وانبسط صار لي بيت اهلي شهر وشوي وامي حالفه مارجع الابشقه برا بيتهم وهو لادق ولا سال ولا انا مادقيت ولاسالت. ولاترجيته قلت خلاص. كفايه مذله
اركض وراه. واذل نفسي. يمكن اذ. بعدت يراجع نفسه. ويتغير. يعني خلاصه. انا ودي ارجع. لزوجي بشقه مستقله. لان. فيه بيبي. بالطريق ما اريد يتربي بدون ابوة ولا ابى الطفل يضيع. والحمدالله موكله امورى بالله الواحد الاحد وادعى واستغفر واستخير واللي الله كاتبه بيصير. بس اللي يقهرني ليه اهل زوجي. يخربون حياتي. وحياه. زوجي اللي هو ولدها. ويشتتون. الطفل. حسبي الله ونعم الوكيل. الله يرد كيدهم بنحرهم ويشغلهم بانفسهم يارب. الدنيا دوراه فيه اشياء بس ابي اختصر قالت امي. يمكن مايبونك بس زوجي اصر. ياخذني لانه يحبني. ويموت. فيني. وخالتي الثانيه يوم كلمتها. بالواتس اب قالت. متغير وضعفان يوم شافته. وتقول امه
انه. مشتاق. ويفكر وسرحان.

وش. رايكم بنوعيه. قلت لكم عشان افضفض كل مابي انسى اتذكر وانحرق وقلبي يغلي نار عليهم دمرو حياتي. ان شاء الله ارجع لزوجي بشقه لاني اذ اسكن عندهم بيحرضون زوجي ويرمني. بيت اهلي. من جديد. صعبه ارجعه له. كفايه ام زوجي تكلمت من وراي تبي تطلقني. وقالت وسخه وخايسه وكلام زي. السم. هي. وبنتها. وامي. منقهره. وبالعيد بنزل. المنطقه. اللي فيها. اهل زوجي. لان بنعيد على جدتي والكل بيجتمع. احتمال ماتجي لان بنتها توها والده من كم يوم. قلت انا يمكن خيره. ماشوفها. انا يجيني احساس ان زوجي يحبني بس اه
له صادينه عني وحاطين حاجز. الله قادر على كل شي. ادعو لي يابنات. والله يسهل على حملي ويعني. ويرد كيدهم بنحرهم. يارب العالمين.
ام