السلام عليكم ورحمة الله وبركاتة
يسعد ايامكم بكل خير اخواتي ...
بدا بالموضوع ع طول وربي اني ماحب القيل والقال بس بصراحة ماعاد اتحمل اللي يصير شي لايطاق
زوجة اخوي تنقل كلام كذب وتفتن بيني انا واخواتي واحنا الحمدلله كاشفيناه...
بس احيانا اخواتي يجي بخاطرهم شوي بس لمانتصارح ونعلم بعض بكل شي نعرف انها كذابة وتحب السوالف
وتموت قهر اذا شافتنا مبسوطين ... اعوذ بالله مادري ليه الحسد
المهم اللي قاهرني هالحين ... وحدة من خواتي تعبانة وعندنا هالحين .. والبارح بالليل شافت زوجة اخوي
وقالت لها كلام تفتن بيني وبينها وقالت لها لاتعلمين فلانه >> تقصدني انا
واختي ماتحملت وقالت انت قايلة كذا وقلت لاوالله ماقلت شي وانا صادقة
مادري من وين تجيب هالمخلوقة السوالف وتألف على كيفها ...حسبي الله ونعم الوكيل فيها ...
اذا علي ماهمتني اقدر امشي السالفة زي مامشيت لها اشياء كثييييييييرة
بس شو تبغى باختي المسكينة التعبانة هي يالله نراعي نفسيتها واهي تجي تزود عليها ..
وربي اللي فيني مكفيني ماني ناقصتها تزود همومي بعد... بصراحة انا فكر اروح واقفها عنده حدها وعلمها ان الله حق
وش رايكم انتم ؟؟
تدرون باخر عيد كسرت خاطري باول يوم عيد كنا جالسين وقالت العوانس المفروض يصرف لهم راتب ... عمري 28 سنة بس بالله هذا موضوع ينفتح بالعيد وش الطاري عليها .. سكت وماقلت شي بس ضحكت بخاطري وقلت يجليك يوم ياعديمة الأحساس..ورحت ونمت ولاكملت العيد وانا خاطري مكسور وعديتها.
اخواتي ..
اللي فيني مكفيني عندي هموم لو شالها جبل طاح .. تعبت وين اروح ..؟؟ احس راسي بينفجر من التفكير بتعب اختي وبحالي اللي كبري صار معهم عيال الله يهنيهم .. كل بنات جمعتنا اللي اصغر مني تزوجوا .. اذا علي والله باصبر بس كلام الناس ونظراتهم .. وووالله العظيم ماعاد احس للدنيا طعم زي اول .. الكل تغير حتى بنات اقربنا ماعاد صاروا نفس قبل .. وصديقاتي الكل انشغل بحايته << الله يسعدهم
مليت من الروتين اليومي متخرجة لي خمس سنوات ولاجتني وظيفة .. ضيقة صدر وحبسة في البيت مليت
ووودي اروح عمرة .. وادعي هناك قدام الكعبه وانثر همومي .. وارتاح.. لكن !!
الوقت اشوفه يسرق ايام عمري
واللي تريد النفس يحتاج له وقت
انا نديم الوقت واحترت بامري
اما كسبت الوقت والا توهقــت
ماني ناقصة تجيني هذاي بعد وتزود همومي ...
تكفون ياصحاب العقول الحكيمة قولوا لي وش السواة مع هالأنسانه ؟؟
اخواتي ماكتبت كان فضفضه لاني بصراحة ضاقت فيني الدنيا .. وقلت مالي بعد الله سبحانة الاانتم تشورون علي وتدعون لي بظهر الغيب .. سامحوني ع الأطالة..
ولاتنسوني من داعوتكم الله يخليكم ...
شذى@@ @shth_52
عضوة
يلزم عليك تسجيل الدخول أولًا لكتابة تعليق.
حياتي الشرقيه
•
الله يكفيك شرها
طنشي ياقلبي ماعليك منها وانتي توك مب عانس وراك المشوار طويل....................تهني بحياتك وانبسطي الى مايجي ولدالحلال......اللي يسعدك
اسال الله يرزقك بالزوج الصالح اللي يسعدك ويعوضك وبفرح قلبك ..
حبيبتي هذا اللي ينطبق عليها قول الله سبحانه وتعالى .. :
ولا تطع كل حلاّفٍ مهين ، همازٍ مشاَءٍ بنميم ، مناع للخير
معتدٍ أثيم ، عتلٍ بعد ذلك زنيم ) الايه
انسانه ناقصه ومريضه لاتعيرينها اي اهتمام واعتبريها مو موجوده في حياتكم ياغلاتي .
واخواتك طالما عارفينها وكاشفينها الحمدلله اعطوها ع قد عقلها وسفهوها لعيون اخوك
واذا دقت بالكلام وقالت عوانس ومدري وش لاتبينين لها ان كلامها اثر فيك بالعكس اضحكي
وسولفي عادي عشان تموت قهر اكثر واكثر .
واذا شفتوها زودتها في الفتنه مالها الا علاج واحد واجهوها مع بعض وطيحوا وجهها ووعد مني ماعاد تكررها
وتتوب ع يديكم .
الله يصلحها ويهديها .
وانتي الله يسعدك ويوفقك ويريحك منها ..
حبيبتي هذا اللي ينطبق عليها قول الله سبحانه وتعالى .. :
ولا تطع كل حلاّفٍ مهين ، همازٍ مشاَءٍ بنميم ، مناع للخير
معتدٍ أثيم ، عتلٍ بعد ذلك زنيم ) الايه
انسانه ناقصه ومريضه لاتعيرينها اي اهتمام واعتبريها مو موجوده في حياتكم ياغلاتي .
واخواتك طالما عارفينها وكاشفينها الحمدلله اعطوها ع قد عقلها وسفهوها لعيون اخوك
واذا دقت بالكلام وقالت عوانس ومدري وش لاتبينين لها ان كلامها اثر فيك بالعكس اضحكي
وسولفي عادي عشان تموت قهر اكثر واكثر .
واذا شفتوها زودتها في الفتنه مالها الا علاج واحد واجهوها مع بعض وطيحوا وجهها ووعد مني ماعاد تكررها
وتتوب ع يديكم .
الله يصلحها ويهديها .
وانتي الله يسعدك ويوفقك ويريحك منها ..
واجهوها واكسروا عينها وليش تسمحولها تتكلم فيكم المفروض من يوم تقول اختك تقول عنك كذا قوليلها يعني اذا اختي تقول كذا اجل انتي وش تقولين واجتمعوا عليها وكل وحده تقول اللي عندها
بس اسمحيلي اكيد انها شافت بينكم فجوه والا ماكانت تقدر تدخل بينكم والله يفرج همك ويرزقك الزوج الصالح
بس اسمحيلي اكيد انها شافت بينكم فجوه والا ماكانت تقدر تدخل بينكم والله يفرج همك ويرزقك الزوج الصالح
الصفحة الأخيرة