حسبي الله ونعم الوكيل على زوجي

السلام عليكم ورحمة الله وبركاته
اكتب لكم موضوعي هذا بس لاني متضايقة وابي افضفض يمكن ارتاح وابي منكم الدعاء والا الشكوى لله والناس مابيدهم نفع ولاضر لبعض
خواتي قبل فترة كتبت لكم موضوع عن ضرب زوجي وظلمه لي وهذا رابط الموضوع
http://forum.hawaaworld.com/showthread.php?t=44229...
وكثير بنات تفاعلوا ودعوا لي الله يعطيهم العافيه وقلت لكم ان ابوي كان يوقف معاه لكن سبحان الله الله حط حيلهم بينهم وصارت بينهم مشكلة وابوي قرر ينتقم من زوجي عن طريقي مسكني عنده انا وعيالي حول 5 شهور وصار يتصل عليه زوجي يقول ابي زوجتي وعيالي وابويه مرمطه بالطلبات وطلبه رضاوة مبلغ كبير طبعا ابوي ماسوا كذا عشاني لا ابدا بالعكس سواه بس عشان ينتقم من زوجي ويخسره فلوس عشان المشكلة اللي بينهم والله يابنات سبحان الله نفس اسلوب زوجي الاستفزازي اللي كان يعاملني فيه ربي سلط عليه ابوي يعامله بنفس الاسلوب مع العلم اني ماقلت لابوي على بعض تصرفاته ..والله يابنات كان يقهرني وادعي عليه من كثر مااحس بالظلم ويقول مابيستجاب دعائك ويوم مسكنا ابويه عنده كان يبي يجي يشوف عياله قاله ابوي ماعندي عيال لك قام يدعي على ابوي من عجزه لانه مو قادر يسوي له شي قلت له شفت كيف ربي سلط عليك اللي يسوي فيك نفس اللي كنت تسويه فيني وصرت ماتملك الا انك تدعي عليه من عجزك قال سامحيني وانا ظلمتك ومن هالكلام المهم الحين رجعت له قبل شهرين وتعدل وضعه بعد ماشاف الوجه الثاني لابوي وصارت علاقتهم ببعض جدا سيئه
طبعا من ضمن طلبات ابوي كان بيت مستقل لي لحالي لان عند زوجي بنت قليلة ادب مدلعه ووحيدة ابوها وكانت بعد سبب في اغلب مشاكلنا المهم جاب لي زوجي بيت وهو بنفسه يقول ارتحت وماعاد عندنا مشاكل بعد مانقلنا
امس جاني يقول زادت المصاريف علي ولازم نشوف حل لين اخلص بناء بيتنا ولك شقة ولعيالي شقه بس الحين ابي نرجع عند بيت عيالي قلت له انا نفسيا ماعاد اقدر ارجع هناك نفسيتي بتتعب من اول وجديد وبترجع المشاكل وبترجع تمد يدك علي زي قبل قال الوضع مؤقت لين نبني بيتنا ونفتك من الايجار يقول يبي لنا سنه بس اصبري وتحملي عيالي قلت له ماعاد اقدر من بعد ضربك واهاناتك لي قدامهم على اتفه شي مااقدر ارجع اخاف نرجع في مشاكل قلت عندي حل وديني بيت ابوي لين تخلص البيت وتعال خذنا قال لا والله ماادخل عيالي بيت ابوك قلت هذا جدهم ..قال مانسيت اللي سواه فيني وحرمني من شوفتهم وانتم عنده قلت خلاص وديني عند امي وامي في الجنوب قال لا امك بعيده مابقعد رايح جاي مسافر عندك هناك في الجنوب قلتله اجل مافي حل الا توديني عند ابوي قال بوديك عند ابوك اجلسي معلقه عنده وانا باخذ عيالي وبعد سنه يرجعك ابوك او خليك عنده والله مرة حرق قلبي بهالكلام قلت له ماعندي مشكله لو العيال كبار كنت خليتهم معك بس يابنات اعمارهم 4 سنوات الولد وعنده سمات توحد الله يشفيه والبنت عمرها 3 سنوات واعرف زوجي ساهي ولاهي لو تركتهم له مابينتبه لهم والله مرة في السوق قلت له امسك الولد وانا بتسوق رن جواله ورد وجلس يسولف وسهي عن الولد اقسم بالله ضاع وبغى يروح خط السيارات لو مو وحده حرمه كانت واقفه وشافته لحاله ومسكته ولقيناه معها ...المهم جلس يهددني يقول خلاص ياترجعين معي لبيت عيالي والا نروح المحكمة واعطيك 25 الف وتنازلي عن العيال وانتي روحي لابوك وانا مقهورة وقلبي يوجعني عيالي صغار واعرفه مو قد الثقة اخاف يفرق بيني وبينهم والله اني اكتب ودموعي على خدي وضايقة فيني الدنيا ..حسبي الله ونعم الوكيل ..حسبي الله ونعم الوكيل ..حسبي الله ونعم الوكيل عليه قد ماظلمني وذلني وقهرني
كلامي ملخبط بس من قهري وحرقة قلبي اللي تقرا موضوعي تدعي لي ان الله يفرج همي