حسبي الله ونعم الوكيل على كل رجل يذل زوجته

السلام عليكم ورحمة الله وبركاته
مدري والله من وين ابدا واش اقول لكن انا مالي صديقات افضفض لهم ولاعندي الا خواتي من ابوي وهم الله المستعان كل وحده همها نفسها ..حبيت اكتب موضوعي هنا للفضفضة فقط وقلت يمكن القى دعوة طيبة لعل احداكن ممن يستجاب دعائها
انا ياخواتي قبل فترة تقريبا شهرينصارت مشكلة بيني وبين زوجي تافهه جداا وماتنقال وضربني لدرجة ان خدي صار لونه ازرق من الضرب وسكتت انا وماقلت لاهلي لان ابوي قاسي وويدور علي الزلة وقبل هالمرة كنت متخاصمة انا وزوجي ورحت له وفشلني قدام زوجي يتكلم علي وعلى امي اللي طلقها واهلها ويقول زوجك معه حق وهو اللي قواه واخر شي بدل مايحل الموضوع ويصلح قال اذا بتقعدون تتهاوشون وتزعجوني كل واحد من طريق وريحوني وانا قلت خلاص مالي الا اصبر عشان عيالي بس الحرمة فينا اذا الرجال ماشاف اهلها واقفين معها وشافها مالها عزوة يتمادى وفعلا هذا اللي صار ..يوم شاف ابوي كذا وشافني سكتت على ضربه لي وماعلمت احد قام يزيد نذالته وحركاته ..المهم قلت مابرخص نفسي وطلبته رضاوة فلوس عشان يفكر قبل يمد يده مرة ثانية وجلس يماطل ويقول بعدين وبعدين ويتحجج بالظروف مع انه نزل له وقتها راتب شهر حق المكرمة واطلبته 5 الاف واخرتها خلاني انزلها لالفين بس وقبلت ..وماعطاني
والشهر اللي فات جبت امي عندي عشان الاختبارات عشان تمسك عيالي اذا داومت واجي هلكانه من الدوام وربي يعلم اني اضغط على نفسي مع قلة النوم وتعب المذاكرة واسوي غدا وعشا وقهوة وجيت يوم من الايام هلكانه وتعبانه قاللي بتسوين غدا والا اجيب قلت له جيب قال لا ماراح اجيب قلت ليش تساال اجل قال بس كذا المهم سكتت وسويت وراح جاب امه وولده الكبير جاء من السفر هو عنده 4 عيال من وحده كانت قبلي وطلقها 3 ساكنين معي والكبير يدرس برا المهم والله استقبلتهم احسن استقبال وقهويتهم وجلست معهم قلت في نفسي هم ضيوف بقوم بواجبهم وهو بطنشه ولا كانه موجود وصرت اتجنبه ومااجلس معاه لاني طفشت من حركاته واخر شي جلسو مرة ع الاكل وانا ماجلست معهم وقام يكلم امي وكل اللي في البيت يسمعون يقول بنتك فيها فيها ودراستها اهم مني قالت امي معليش تعرف دراسة وعيال المفروض توقف معها وتساعدها تخيلو وش رد عليها يقول هي اللي مستعجلة وجابت عيال والا انا عادي عندي كان المفروض تستنى شوي عشان اذا مازبط وضعنا كل واحد يروح في حال سبيله بدون عيال...عاد انا حز في نفسي هالكلام وبعدها كلمته لوحدنا وقلت له اذا عندك نقاش مرة ثانيه يخصنا لاتتناقش بالصالة وقدام الكل ياتقول خير ياتسكت قال الا بتكلم ومابتسدين فمي وزعل مني وبعدها راح نادى امي واشتكى مني وانا قلت لامي انه ضربني وماعطاني رضاوة قالت له امي مهو من حقك تمد ايدك عليها اذا غلطت بنتنا بنأدبها وناخذ لك حقك منها قام صرخ على امي قال بضربها وليتني ضربتهاازود من كذا وقال لامي وانتي ماكان يجلدك ابوك..عاد قهرني مرة اسلوبه ورده على امي وقلت له ياتناقش باحترام وتحترم نفسك يااما بقوم انا وامي قال ماقلت شي غلط قلت له لو انا كلمت امك بهالاسلوب بتزعل ومامدانا نكمل النقاش لان ولده الكبير جاء وجلس معنا وسوينا نفسنا عاديين قدامه ومافي شي واليوم الثاني المغرب امي طلعت شوي عند الجيران وانا جلست بالبيت اذاكر وصار نقاش تافه بيني وبينه على البزران قال لا تخليني اضربك لين يجيبون لك الاسعاف قلت له كيفك وقام سب بكلمة قلت له حتى انت نفس الشي والله يابنات رماني على الارض وجلس على ظهري ويشد شعري بيد ويضرب على وجهي بكل قوته ويضرب براسي على البلاط وجلست اصارخ وجو عياله وامه ومازال يضرب فيني واقوله وجهي كله دم حرام عليك قال تستاهلين احسن وامه تبكي قالت له خلاص اتركها وبالقوة تركني طلعت اتصلت على امي ووجهي ينزف دم وعيوني لونها ازرق ووجهي كله مورم قسم بالله ملامحي تغيرت وخفت عيالي ينفجعون من شكلي وجت امي وتكلمت عليه وجلست تبكي من الفجعه وقالت له يوديني المستشفى ورحنا وعطوني ابر ومغذيات وكل ماحد شافني من الدكاترة يقولون بايش انضربتي المهم قالو هذي حالة عنف ولازم نبلغ الشرطة وجاء عندي يقول لي انا وامي وامي بدون فضايح ولاتبلغون ولها االلي تبي وانا كنت ببلغ وبقولهم عنه بس حشمت امي المسكينه وقدرت عيالي وقلت هالمرة سماح ولو انعادت مالي الا الشرطة ورجعنا البيت وداومت عشان الاختبار والله جلست طول الوقت منقبه وقلت للمرشدة اني ابي اختبر لحالي وماقصرو المعلمات وبعد الاختبار جلست معي المرشدة والمديرة وقالو اكشفي وجهك ووريتهم والله قالو مستحيل اللي سوا كذا فيك يكون انسان طبيعي هذا اكيد يشرب او يتعاطىوهذي سالفتي يابنات الحمدلله الحين رجع وجهي احسن من من قبل بس لسى فيه اثار حول عيوني بس مخنوقه وموجوعه بداخلي كلما اتذكر اللي صار انحرق لانه اهانني قدام الكل بالكلام وبالفعل وامي مااحترمها وفيه اشياء كثيرة ماحكيتها عنه بسببه فقدت ثقتي بنفسي فقدت ابتسامتي خايفة والله يجيني اكتئاب بسبببه واللي ربطني فيه عيالي مهددني انه ياخذهم مني اذا تطلقت ولاادري وش اسوي ابي دعواتكم يابنات ان الله يفرج همي وياخذ لي حقي منه وحسبي الله ونعم الوكيل