حسبي الله ونعم الوكيل على من ظلمني

السلام عليكم حبيباتي
اه اه اه من الظلم...خواتي الحبيبات...انا حرمه مطلقه من 6 شهور...وتطلقت بدون
اي سبب..بعد زواج دام 11 سنه وانجاب 3 اطفال..زوجي كان دايما قاعد على الجات
ويتعرف على هالبنات..والله يا بنات كان يكلمهم جدامي..وذا نصحته دايما يطردني
من البيت ويقول اذا مو عاجبنج روحي بيت اهلج...ياما شفت عنده ارقام بنات
وفي مره شفت عنده بالسياره العازل اللي يستخدمه الرجل.؟ المهم تحملت وسكت
عشان عيالي..وقلت بصبر واتحمل..والله كان هاملنا أهمال فظيع...ولا كأنه عنده
زوجه وعيال..المهم ريلي تعرف في الجات على وحده متزوجه وعندها عيال..لما
ريلها كشفها انها على علاقه بريلي طلقها..استمرت بعلاقتها مع زوجي..خلال هال3 سنيين
اللي طافت انا بمشاكل مع زوجي بسبب هالبنت اللي ما تخاف ربها...كان دايما يطردني
من البيت ويرمي ملابسي واغراضي برا البيت..ويقول انا ما ابيج وما أحبج...اه اه بس
والله يوم يدخل البيت كأنه مجنون...كرهني انا وعيالي بدون اي سبب..بس عشان يتزوج
هذي الحقيره اللي ما تخاف ربها..وطلقني على حسب رغبتها حسبي الله عليه..وبعدها بأسبوعين من طلاقي
تزوج خرابة لبيوت ...سراقة الرياييل..وانا ام عياله..اللي احترمته..وصنت بيته..وحافظة
على عياله..ابدا ما لي اي احترام...ولا كأنه بينا عشرة..ليش ياناس ياعالم..اللي صاينه بيتها
واللي تصلي وتخاف ربها..ريلها يتخلى عنها بهالسهوله...ليش في بنات ما يخافون ربهم
ويكلمون الريال ويدرون ان عنده زوجه وعيال..لبش يهدمون اسره ويشتتون اطفال مالهم
ذنب...يااارب انصرني علي من ظلمني ودمر حياتي انا وعيالي..اللهم ارني فيهم
عجائب قدرتك..اسمحولي خواتي ما ادري شو كتبت..بس حبيت افضفض.
وحسبنا الله ونعم الوكيل.