السلام عليكم
جد بنات مقهوره ومصيحه وحالتي حاله والمشكله في اخت زوجي جد حسبي الله عليها !!!
عجزت فيها انسانه ملها وصف من انانيتها وكرها للخير وكرها للسعاده لدى الاخرين حرمه كبيره وتحاسبنا على كل حاجه وفي نفس الوقت هي وبناتها عاملين السبعه وذمتها والله قهر ما اتخانق انا وزوجي الا هي السبب جد بتدمر حياتي وحياة كل اللي حولها حسبي الله عليها بس
انا الحين حامل بالشهر الرابع والمواقف كثيره معلش اتحملوني بتكلم كثير بس بحطكم في الصوره اول
من اول ما اتزوجت وهي اساسا ما تبغاني تبغى تاخذ واحده من بنات اخو زوجها لاخوها علشان ترضي زوجها مع ان اهلها يكرهو اهل زوجها وفي بينهم خناقات وزوجها كريه واناني ولسانو طويل وحقير وفيه كل الصفات الشينه وراعي شرب برا البلد لا وكمان ما يترك واحده من تعليقو الوصخ ما يخلي الا ويعلق وبناتو مو لابسين الحجاب وضيق وهم في الجامعات وقلة ادب لبس والله استحي البسو قدام ابوي يلبسوه قدام الكل والكتف العاري وامهم تعلق على لبسي عبايتها ضيقه لبسها مو ساتر خلفيتها مفسره مع ان والله كل لبسي واسع وطويل بس هي انسانه غيوره فعلا وياما صارت مشاكل مع زوجي وفي الاخر عند اهل زوجي صرت البس عبايه علشان تنطم علقت برضو ليش مو انيقه مفشلتنا مع اني احلى واانق منها وهي بعمر امي تقريبا بس مو بس انا كل الناس حتى خواتها تعلق عليهم والمشكله انها لها كلمه عند ابوها وامها ولما زوجي قلها خلاص قالت مو انا زوجي علق عبايتها ضيقه !! من زين ام عبايتك انتي وبناتك اللي ما يلبسو طرحه اساسا !! سكتت وعديتها وكثير مواقف وكل يومين مشكله بسبتها موصله كلام لامها او ابوها وهاتك يا مشاكل وانا طيبه وساكته ومتحمله اهم شي زوجي
اختو الثانيه جت من السفر ولي يومين حامل وتعبانه وطالعه عيني وفيني نزيف ومن الصبح رايحه لهم واشيل واحط واسوي كيك واطعمي واغسل مواعين وهي وبناتها ملكات ما يتحركون حتى رجلي تورمت وانتفخت مره واليوم برضو من الصبح رايحه لهم بس جبت صحون بلاستك ما اقدر عيله كبيره بناتهم ثلاث وزواجهم وكل واحده ست عيال والاولاد ولي سلفه واحده جالسه بابنها وما تقوم لا ولابسه الضيق والبلوزه وانا يتعلق علي بعد سكت وبلعتها وطول اليوم بالعبايه وفطست حر وانا حامل وساكته وجلست اسولف معاهم عادي ورحت شريت هديه لاختو قبل ما تسافر وحماتي مبسوطه فيني وانا اقول حرمه كبيره وانا اتحمل لان هم ما يستحون يروحون ويتكرون كل شي على الام المهم بعد ما رجعت زوجي هاوشني لان اختو المصون قالت اني صدعت راسهم بكثر كلامي !!!! انصدمت وهي معلقه قبل شهرين اني رحت عندها ساكته قالت لزوجي اني مجبره على الروحه مع اني كان بادي معاي النزيف وخايفه وساكته من خوفي وهي علقت كثير اشياء طبعا انقهر وصحت وما سكت اتصلت باختهم الصغيره اللي من سني واللي هي مجننتها وتعليقات برضو عليها وعلى زوجها وقلتلها خلاص ما بتكلم دامي صدعتكم طبعا هي اتهاوشت مع زوجي ليش يوصل الكلام وزوجي زعل مني في الاخر !!
بنات ايش اسوي مع هالاشكال والله جننتني حتى زواج اختي ما رحمتني علقت على لبسي ما ترحم وكل يومين هي وبناتها معلقين مره امي عندي هي واهلها وامي قالت مزحه طلعت اجيب العصير لقيت البنات موصلينها لزوجي باسلوب اهانه ان امي تستهزأ فيهم محرفين الموقف هذا وهم لسا ما طلعو من بيتي واتهاوشت انا وزجي وغير انها لما جم يطلبوني قالت كلام ما ينقال عيب يعني الغرفه بخمس الاف واواني المطبخ ما ادري ايش امي ما ردت قالت زي ما تتفق بنتي مع زوجها انا ما دخلني لان الولد كان يبغاني بس هي من حقارتها حتى سلفتي تعلق عليها بس ذيك زوجها مو مثلي
تصوري منعني البس كعب من ورا تعلقياتها حتى اهلي لو عرفت اني رحت تعلق معتبره زوجة الاخ خدامه عند اهلها !! شغلي علقت اكلي علقت لبسي علقت ما خلت فيني شي الا وعلقت وهذا غير الكلام اللي مايوصل حسبي الله ونعم الوكيل فيها والله ما اسامحها على الغيبه اللي اغتابتني فيها ليوم الدين مقهوره منها حتى عفشي علقت عليه بيتي تبغاني انقل لانو في الدور الثالث وانتي مالك انا اللي طالعه نازله ولا انتي بس لانو كبير وحلو وسعرو حلو ما تركت شي امي علقت على لبسها حتى اختي علقت عليها انها مو محجبه طيب وبناتك يا فاهمه في الدين انتي !!
جد نفسي اهزأها بس كيف نفسي اوصلها ان كل كلامها عندي قهرتني وانا اول حملي وتعبانه وخايفه يصير فيني شي والله كل ما تذكرت اصيح
بنات ايش اسوي معاها اسكت ولا اخفف روحاتي لهم واخلي زوجي يروح لوحدو ومع العلم زوجي يكره يروح لوحدو لانو تملي راسه كلام وتنتقد كل شي ويتخانق هو وابوه حسبي الله عليها لا حتى شيبة ابوها مو مراعيتها مشغلتو شغال وخادم عندها ودني سوق الخضار جبلي كذا تعال في واحد بيجي ينظف الحديقه اليوم وانا لو ام زوجي شربتني كاسة مويه تتصل على زوجي وتهزيء مرتك ما قامت وامي تخدمها وامي تسويلها والله كنت مرميه في السرير ممنوع اتحرك وامي تيجي تخدم كل يوم وتطبخ وهي وبناتها حسبي الله عليهم جولي مرتين ما تحركو اكلو وشربو وتضايفو ووسخو وطلعو وامي جت نظفت من وراهم بس ثاني مره بنتها الكبيره غسلت الكاسات والصحون وطلعت بس لان الكبيره شوي محترمه عنهم بس هي انانيه مع انها مره غنيه بس لو شافت عندك شي غالي تنجن وتنغاظ وتجلس تحمي ابو زوجي وتحرش فيه وكل مشاكلنا بسببها وكل مشاكل العيله بسببها والمشكله تقولك انا طيبه !!!
هذي وش السواه معها ؟؟؟
بنات ردو علي لاني بنفجر واسفه طولت عليكم
دودو الاموره @dodo_alamorh
محررة ذهبية
يلزم عليك تسجيل الدخول أولًا لكتابة تعليق.
الصفحة الأخيرة
الله يصبرك