حسبي الله ونعم الوكيل فيك ي أبوي

السلام عليكم ورحمة الله وبركاته
جيت هنا بفضفض واقول همي اللي م قلته لأحد
انا بنت خريجة جامعية م توظفت م حصلت وظيفه
بخش بالموضوع على طول.. انا اعاني منذ الصغر انا واخوتي وامي من مشاكل بسبب الاب
بسبب تسلطه وسلوكياته القذره والضرب والشتم اللعن وخياناته لأمي والقائمه تطول ..
يحب يجلسنا بالصاله ويهد على مسامعنا الكلام الجارح واللعن وكلام يدمر النفسيه
السبب ؟ مافي سبب هو شخصيته كذا قذره
الان المشاكل اخر السنين زادت بشكل ملحوظ
صار يطرد امي بالشارع كذا مره تتكرر
يهدد امي بالطلاق ، يذلنا على كسوة العيد ، م يعطي مصروف نهااائي وعنده خير
م نعرف تماشي م نعرف زيارات من الناس وان حصلت قليله ويسوي شي ينكد علينا لعانه فقط.
مثلا مره زارونا الجارات يهنونا بزواج اخوي ومعهم هدايا وبخيرهم جاء هو وطردهم كذا عباطه هذا بيتي ، يبي يقطعنا من الناس
اشرح عشان تفهمون المعاناة وشخصيته النرجسية المعقده
خان أمي مع جاره لنا بالحي! وبنفس الوقت تصير زوجة صديقه المتوفي، لو فيه خير على الاقل تزوجها وما سوى هالقذاره.. شي يوجع القلب
وغيرها وغيرها الكثير من الاشياء اللي تفشل يسويها

طبعاً شكاك درجة أولى ومحد ممكن يصدقنا اننا نعاني منه لانه نرجسي ومخادع قدام الناس يمدحونه ويثنون عليه نوعيته خبيثه
دايم ندعي عليه بالموت والمرض ولحد يقول لا تدعون ( النار م تحرق الا كاويها)
لاننا جالسين نكبر ب أسى وحزن بدون وجهه حق وبدون ذنب ارتكبناه مين يعوض هذا العمر؟
بسبب شخص مريض نفسي يبي يمارس مرضه علينا .
دايم نتحاشى اذاه ونجلس لحالنا ومع ذلك م نسلم..
ايش نسوي؟ والى متى؟
اتمنى اتوظف عشان اعز نفسي انا وامي واخواتي بدون مذلته. لان هو الان الطرف الاقوى بسبب الفلوس والبيت وتسلطه وحنا م عندنا بيت يأوينا غيره ، حتى امي لو تطلق م عندها أحد
ادعولي تكفون لعل احد منكم اقرب الى الله
ان ربي يفرج همي ويكفينا من ظلمه وشره
حسبي الله ونعم الوكيل فيك ي ابوي