حسبي الله ونعم الوكيل فيه

حسبي الله ونعم الوكيل عليه بس

اكيد الحين نفسكم تعرفو على مين اقول حسبي الله ونعم الوكيل صح هههههههه
بدخل بالموضوع مباشره مابغا اطول عليكم خواتي الغاليات
تدرون قبل العيد ويش يصير من زحمه في السوق وفي المحلات التجاريه والمراكز
المهم رحت مع زوجة اخي للسوق ناخذ ملابس العيد وزوجة اخي سمينه علشان كذا مالقت اي فستان يجي عليها كله الا ضيق يامن الصدر او من البطن المهم بالاخير استقر رئيها على انها تاخذ قماش وتوديه حق الهندي يفصله لها على ذوقها بس يكون مناسب لها
دخلنا محل اقمشه وقابلنا لابائع في المحل طلبنا منه ينزل لنا عدة اقمشه علشان نختار وبالفعل كل قماش اجمل من الثاني وزوجة اخي تتذمر مره هذا غامق ومره هذا فاتح والبائع ينزل كل الي عنده ، مديت ايدي اتلمس الاقمشه واشوف نعومتها على ايدي وكيف جودتها الا واحس بأيد تضغط على ايدي التفت الى زوجة اخي اطالع فيها اشوفها ساكته ماتكلمة تطالع فيني وهي مستقربه ليه اطالع فيها انا توقعت انها تبغا تقول شي بس ماتبغا البائع يسمع اهز براسي اقول لها ويش فيكي تطالعني مثل الهبلاء والمشكله ان الضغط مستمر بايدي وفي الاخير تنبهة انه يد راعي المحل الله لايعطيه عافيه.
طلعت من المحل زعلانه متذمره وزوجة اخي ميته من الضحك على الموقف الي صار لي:42: