حسبي الله ونعم الوكيل في اخت طليقي

حسبي الله في اخت طليقي للحين قاعدة تشوه سمعتي عند الناس
يابنات والله مقهورة ماني مصدقة
رغم انهم خلو ابنهم يطلقني ظلم ويتزوج علي ويتخلى عن ابنه ويرميه
ماكفاهم
قاعدة تقذف بشرفي وعرضي
امس زارتني وحدة تجتمع معاهم تبارك لي ومن سيرة ل سيرة تقولي والله فلانة قعدت تقول عليكي هذا الكلام قدام البنات يوم تجمعنا
اقسم بالله يابنات قاعدة تقولهم اشياء ماصارت عني وكلها تشكيك بشرفي وعرضي وتبرير ل اخوها عشانه طلقني وما اعترف ب ابني
تقولهم ترا فلانة كرهها اخوي عشانها مو سليمة وتقولهم ذيك المرة تفتح الباب للعامل البنغالي وهي لابسة لانجري
اقسم بالله هذا الكلام لي طلع منها والحرمة تحلف لي يمين انها تكلمت كذا
واكثر من مرة يوصلني كلام حتى يشكون ب ابني
شوفو الظلم وعدم الخوف من الله وين وصل
وحتى الحريم هناك صدوها واستحقروها وهي مصرة على كلامها
مدري وش لي بيني وبينها الله لايوفقها والله كافية خيري وشري لهم انا واهلي
رغم انها صارت بالثلاثين ولا احد دق بابها ماتابت ولا احد يبغى نسبهم ماتلتهي بنفسها الله لايسامحها
اختي كانت قاعدة معاي ارتفع الضغط عندها من هالكلام وصارت تبكي
قلبي مولع نار وطول وقتي ابكي من كلامها
حسبي الله ونعم الوكيل فيها
انا خايفة يوصل الكلام لزوجي الجديد ويقعد يشك فيني هو الثاني
لانهم مايخافون الله
الله ياخذ اعمارهم هي وامها واخواتها
اللهم اجعلها تتمنى الموت ولاتجده