يا رب ان شاء الله تحملين باذن الله والله ان شاء ببرد قلبج فيهم اهم شي انتي مرتاحه مع زوجج ولا تفكرين وايد ترى التفكير يخليج ما تحملين وانا اتمنى انج تحملين هالشهر بحق اسم الله الاعظم

حبيبتي لا يهمك كلامهم.....ولازم تعرفين ليش تأخر حملك ومنو السبب فيه

انتي ولا زوجك ؟!؟!

حاولي تبذلين كل الاسباب وتسوين كل الفحوصات من اشعه وتحاليل وسونار وماعليك الا العااااافيه

الله يسهل امورك ويرزقك الذريه الصالحه يارب

اولا:لاحول ولاقوة الابالله العلي العظيم
ثانيا :ختي العزيزه الزواج قسمه ونصيب ولو كانو هم طبيعين ماكان قالو كيذا عيب والله عيب خاصة اخته من الرضاعه قمه في الوقاحه مايخافون ان الله يعاقبهم ويحرمهم من ذريتهم بعدين لوكان هو يحب زوجك صدق وحريص عليه لهدرجه مايجرح مشاعره بالعكس يتمنى له الخير لكن للأسف هو حاقد وفيه عقدة نقص وغيره لأنك رفضتيه لو كان طبيعي كان قال قسمه ونصيب
ثالثا :حمدي ربك واشكريه ليل ونهار انك ماتزوجتيه ورفضك ليه خيره من الله ولا كان تورطتي مع عقليته التعبانه
رابعا:قولي لزوجك بطريقه حلوه لايكثر الأحتكاك معه وفهميه انه تصرفاته تضايقك يعني يشوفه في جمعتهم العائليه وبعد موب زين يقطع رحمه لأنه مهما كان ولد عمته
خامسا :ليك بالدعاء ثم الدعاء والأستغفار وروحي الطبيب شوفي و ش مشكلتك انتي وزوجك ولاتعتمدين بس على العلاج بالطب ايضا العلاج الروحي بالقرآن فيه الشفاء بأذن الله
واخيرا حاولي ان ك ماتعطين اهميه للكلام يعني خلي اذن من طين واذن من عجين وطنشيهم لأنهم مايستاهلون كل الي الهم الي انتي فيه لا تستسلمين وهذا هو مناهم انهم ينكدون عليك عيشتك لاتخلينهم يوصلون لغرضهم وان شاء الله ياحي ياقيوم الله يرزقك بالذريه الي تسعد قلبك وتقر عينك بها عاجلا غير آجلا آمين يارب

طيب يا اختي ليش ما تاخذين من اثر هالرجال شكل نفسه فيك وحاسد زوجك عليك وتغسلين فيه انتي وزوجك يمكن عين صابتكم منه يمكن مو اكيد بس الواحد لازم يتسبب لنفسه اعزموه وخذوا من اثره والله يرزقكم ويرزق كل محروم ومحرومة انه على كل شيء قدير

اختي انتي كم لك سنه متزوجه وماحملت عشان يسون لك كذا