حسبي الله ونعم الوكيل وكفى

السلام عليكم ..
ربي يتم علينا الشهر ويبلغنا ليله القدر بأحسن حال يارب..
مشكلتي ممكن تكون شوي طويله ومعقده بس راح ادعي لكل من يعطيني حل وتساعدني فيها
أولا بدايه من المشكله من سنه بالضبط ..
توفى جدي الله يرحمه .. ومن بعدها بدأت المشاكل
جدتي مريضه كبيره بالسن وعندها بالبيت خدامتين !
بعد وفاه جدي صارت تجلس عندها بنت عمي بحكم انها عاطله ولا هي متزوجه
وهي وأمها الي ابدو الاستعداد التام تماما انها تجلس
حتى امها كانت تقول انا ابي بنتي تجلس اضمن لي عشان اذا داومت ماتكون بالبيت لحالها
مرت هالسنه والبنت عندها بس مو بشكل يومي
يعني احيانا تجي عمتي تقعد اسبوع او اثنين
والجمعه والسبت الزامي انا واختي نجلس عند جدتي
احيانا يحصل لنا ظروف او مواعيد ومع كذا ندبر انفسنا او امي تجلس المهم اننا مانخلي البنت تجي..

لحد هنا الوضع ماشي بدون اي اتفاقيات يعني الجمعه هي تلبس عبايتها وتمشي
ماتقول بروح او ماراح اجي انام او او .. احيانا تجي واحيانا تسحب احنا نجلس ننتظر لين نشوف وش وضعها
واحيانا نرسل لها بالواتس اب وتدخل وتقرا وماترد ..
مجرد اننا نسالها يافلانه بتجين تنامين ولا لا .. عشان نرتب وضعنا ونجيب لنا لبس !!

لحد هنا واحنا ممشين الموضوع بهدوء ونجلس واحنا شايلين جدتي ع روسنا مع ان المكان مافيه خصوصيه ابد !!!

المشكله بدت من رمضان جتنا زوجه عمي (ام البنت الي تجلس عند جدتي)
وقالت لنا انه خلاص من اليوم الموضوع بالدور
كل يوم احد يجلس عندها بالبيت .. احنا وعماتك ( عماتي كثار وعماني اكثر)بس كلهم شايلين يدهم من الموضوع
قلنا خلاص احسن واحسن بالعكس كذا يصير احسن ..
مشى اول يوم ثاني يوم الدور يمشي علينا وعلى البنت ذي بس
يعني ماتفقت مع عماتي ع شي والمشكله انها تهاوشنا وتهزئنا
واحيانا تسحب يومين ورا بعض واجلس انا وانا ساكته ..
وراضيه ومتحسبه الاجر عند الله ..وخصوصا انه شهر فضيل
مابي تضيع لي اجري

هاليومين اضطريت اسافر لمده يومين واختي الي جلست بس ماكانت تقدر تنام عند جدتي
لان ابوي لحاله بالبيت لازم احد عنده
جتها زوجه عمي وهزئت فيها وانكم ماتبرون بجدتكم وقاطعين فيها وانتو تشوفون بنتي بنص عين ومن هالكلام

يعني تجي ايام وانام يومين ورا بعض وعادي ماقول شي
ليه ماخلت بنتها تنام وخلصنا !!!! بدون هالكلام

ثانيا لو تبي تهاوش تهاوش باقي اعمامي وعماتي الي شايلين يديهم من كل شي يخص جدتي
يجون ع الفطور يفطرون ويقومون لبيوتهم والله محد يدخل فيهم بيده شي كله ع راس امي هي الي تسويه
يجون زوجاتهم يوم ورا يوم او خميس وجمعه يساعدون احيانا بالفطور ويتعشون ويطلعون
بس والله امي هاده حيلها ليل نهار عشانهم ومع كذا ماتشتكي
ومحتسبه الاجر واشوفها تتشكى من رجولها ومن كل شي
لدرجه والله العظيم مالاقي وقت امسك المصحف اقرا
كل يوم حوالي عشرين شخص يجون يفطرون ومانقول شي
وزوجه عمي هذي من تجي اخر العصر تدخل وتنقد كل شي
ليه حاطين كذا ليه مسوين كذا الرجال مايحبون هالتمر

يعني المفروض خلاص تشوفنا نتعب ومانقول شي ياتروح تكلم زوجات عماني الثانيين ياتتركنا بحالنا
والله العظيم احيانا ماقدر امسك نفسي اجلس اتحسب عليها وانا ماودي بهالشهر
يعني فوق اني مالاقي وقت اقعد اقرا واختم واقرا بسرعه عشان الحق ع الشغل او ع جدتي والفطور والسحور مع امي
مابي يضيع اجري عليها والتفكير فيها وفي كلامها

انا قلت لامي لو ماكلمتيها والله لاوصلها لصراخ واوقفها عند حدها مو معقوله حركاتها ذي

قامت امي كلمت ابوي قال انا حاس انها بتفرق بيني وبين اخوي
وان اخوي جاي يقول لي ليه بناتك مايجون عند امي ع طول ان بنتي تعبت
وصاير ينافخ علي بس ساكت له لين نهايه الشهر بعدها بجمع اخواني يقسمون الأمر بينهم!!!!
بس انتو تحملوها هالشهر بس

الي راح تعطيني حل تحط ببالها ان جدتي رافضه رفض تاااااااااااااااام انها تطلع من بيتها
او ان عائله كامله تجي تسكن عندها
لان ابوي قال لها باخذ الدور الي فوق لي ولعيالي وباستاجره منك ورفضت رفض قاطع