السلام عليكم
اه يبنات مقهووووورة دموعي ما نشفت من القهر معقولة فيه ناس كذا ما تخاف من ربي يعني صار الواحد عادي يقطع رزق غيره بدون وجه حق و ينام مرتاح
انا ي بنات حامل في الشهر الخامس و الجنين نازل في الحوض رحت الطواري قبل اسبوعين و دخلوني تنويم ٣ ايام ع المثبتات و طلعوني و كتب لي الدكتور اجازة مرضية من ٢٥ مارس الى ١٧ ابريل و اول ما استلمت الورقة رحت سلمتها في يد السوبر فايزر حقتنا و كتبت افادة بهالشيء
صحيت اليوم الا عندي ايميل من المستشفى مكتوب فيه تم فصل الموظفة فلانة بنت فلان الفلاني لتغيبها عن العمل اكثر من ١٥ يوم متواصلة بدون عذر او سابق انذار و عدم تواصلها مع الرئيس المباشر لها
اه يَ بنات من الصدمة قمت و لبست عبايتي بدون اي مقدمات و طلعت انا وزوجي لهم و قلت لهم اني سلمتها الاجازة وكتبت افادة قبل اطلع اجازة تخيلو بكل برود رد علي تقول ما جاني شيء قلت لها كيف ما جاك شيء انا اعطيتك اياها بيدي سلمتها في يدك محد ثاني اخذها مني قالت لا انا ما اخذت شيء انتي متأكدة انك ما اعطيتيها احد ثاني قلت لها يَ بنت الناس لا تقولين ما اعطيتيني قولي ضيعتها قولي مدري وين حطيتها بس لا تقطعين رزقي عسى ربي يقطع رزقك هنا عصبت وقامت تقول احترمي نفسك و اعرفي حدودك لو اني ضيعتها ب اقول ضيعتها بس انتي ما اعطيتيني شيء هذا كله بوجود المدير الطبي و مدير الموارد البشرية
قال لي المدير الطبي هل عندك نسخة من الاجازة قلت له لا ما عندي بس اقدر اجيب اروح للتقارير الطبية و اخذ نسخة بس اللي مزعلني ليش تجحدني قال لي حصل خير انا راح احل الموضوع انتي بس جيبي لي نسخة و ارجعي كملي اجازتك و نشوفك يوم الاربعاء ب اذن الله
طلعت من المستشفى و انا ادعي عليها الله لا يحللها ولا يبيحها اللهم اريني فيها عجائب قدرتك
وربي ضغطي مرتفع من الصباح و ماسكني صداع فضيع و القولون متهيج ماني قادرة اهدأ 😭😭😭

صغيرتي نور عيني 🌺 @sghyrty_nor_aayny
محررة ذهبية
يلزم عليك تسجيل الدخول أولًا لكتابة تعليق.

رزقك محد يقدر يقطعه لو ربي كاتبه لك وهي لاتتصدعين ولا شي ملفك صار عند حاكم العباد نامي قريره العين

فيه فيه فيه ناس كذا وتلاقينها مقهورة منك لان فيك شي افضل منها هذا واقع غصون للاسف زمانا ذا


ورده كورشيه :
رزقك محد يقدر يقطعه لو ربي كاتبه لك وهي لاتتصدعين ولا شي ملفك صار عند حاكم العباد نامي قريره العينرزقك محد يقدر يقطعه لو ربي كاتبه لك وهي لاتتصدعين ولا شي ملفك صار عند حاكم العباد نامي قريره...
فعلا وربي افضل حاكم ربي غيره محد يقدر يقطع رزق كتبه لك ارتاحي ي قلبي
الصفحة الأخيرة
يا كثر اللي انفصلوا بهالطريقة💔