بعض الناس اسلوبهم ينم عن قلة خبرة ويحبوا يستفيدوا من غيرهم في كل شيء حتى لو بالتقليد خليها تستفيد منك وذكريها بذكر الله

انزين حبيبتي هيه معاج فالمكتب ولا مكتب ثاني؟ لو فالمكتب حاولي تتحاشينها قد ماتقدرين ولو مب وياج البسيييهاااا سويلها اكبر طاف >> مدري احسج اماراتيه وفاهمه على رمستي خخخ

انا ياما صارتلي هالمواقف والمشكله مع بنات كبااار يعني المفروض احترمهم شوي بس والله مايستاهلون كانت كل ما تشوفني تقولي هااا سندريلا وين سايره توه الناس ليش من الحين طالعه وهيه لامديرتي ولا لها علاقة فيني وكان باين انها تتطنز وكل يوم يصيرلي موقف معاها بس انا ماسمحتلها تتعدى حدودها ولابسمحلها فالبداية كنت اقول هذي جذيه طبعها يمكن وماتقصد بس يوم مصخت السالفه ماقدرت استحملها وقمت اعطيها قنابل فويها كل ماتقول شي ارد واعطيها وانا اظحك وهي تموت قهر خاصه كل ماتقولي تعالي نتريق وي بعض اقول مشغوله او ادور اي عذر تافه واسير مع البنات اللي ارتاحلهم وهيه تفهمها

ومره كنت امشي بسرعه عشان شغله اخلصها يتني وحده مدري من وين طلعت خخخ تمسكني تبغي تعدل لي مشيتي تخيلي انتي الموقف!!! زين ماتصفقت والله


صدقيني حبيبتي ترى هالشي بيقلل من قيمتج خليج قوية وخلي الويه الثاني يطلع ولاتقولين حرام نبغي تكون علاقتنا حلوه هالاشكال مايستاهلون تكونين علاقات حلوه معاهم انا ماقول تعاركي وياهم لا بس عامليهم كزميلات عمل وخلاااص وانصحج كل ماتقولج شي لاااا تسكتييين لان مبين انها تماادت وغيرانه منج اذا قالت لج شي قوليلها ليش غيرانه وانتي تظحكين او قولي اي وبعدين وبعدين ردي بأي رد يسكتها بس المهم لاتسكتين عنها.. واذا سألتج عن شي خاص فيج وماتحبين تحرجينها قوليلها مدري واذا غلطت عليج واحرجتج جدام الكل قوليلها شوتقصدين وترى لين الحين في احترام بيني وبينج وانا يافلانه مارضى لأي احد يدوسلي على طرف فلو تبيني احترمج احترمي نفسج

ولو مسؤولكم زين ومتفاهم حاولي تكلمينه ويكون الموضوع بينج وبينه عشان النقل حتى لو مكتب ثاني المهم بعيد عنهم.. تصدقين انا اهون عندي اني اشتغل عند ألف رجال ولا عند بنت استغفر الله يعني لاانا باخذ وظيفتج ولا انتي غيره وحقد وحسد على اي شي وهم اللي عندهم اكثر من اللي عندنا بس شوتقولين

خليهم اخر هموومج دامج متحصنه بالادعية والقران
سمحيلي حبيبتي طولت عليج بس لاني حاسه فيج ومجربه هالنوعية وكيفية التعامل معاهم
الله يحفظج من العين والحسد ويخليلج زوجك وعيالج:26:

لاتشيلين همهم ....كلا تعاملي معاه حسب طبعه وردي عليهم ردود تخرسهم ولا تثيرهم .
عندي وعندك خير ...عندي بالعمل زميلتي نفس اللي عندك بس اني عارفه ان قلبها طيب ولسانها طويل ...وميته على الفلوس والزواج
تخيلي انه اليوم تسألني بعد كم يوم من زواجك جلستي في حظن زوجك ؟او شالك ؟؟؟:angry2:
لو كنتي مكاني ايش بتردين ؟؟؟؟
قلت لهاsory سؤالك مره اخجلني مااقدر افيدك بنفي او تاكيد ...لانه ماراح يفيدك وهذا حاجه خاصه ...كلامي كان وانا ابتسم وابين لها انها اخجلتني ..عشان احرجها
ومره ثانيه تسالني غيابك اللي في الشهر الماضي اخصموه من راتبك قلت لها ايه ...قالت كم ...رديت عليها (0000) قالت اجل مانزل من راتبك الا (000) تخيلوا اللي نزل بالضبط يعني كانت عارفه مقدار راتبي بالضبط مع انها مالها علاقه بالرواتب ولا قد ذكرت لها مقدار راتبي ؟؟؟؟!!!!
لما اجي الصبح متحممه اول ماتشوفني تقول (صباحيه مباركه ياعروسه ) صرت لازم اسشور شعري ماعاد اسوي رغوه او بيرم ...اخاف منها
لما يرن تلفوني مااكلم عندها اطلع برى المكتب ...ولما ارجع تسألني مين ؟؟؟
ارد عليها ماتعرفينها ؟
لما اكل كاكاو ..هي ماتاكله عشان مايزيد وزنها ...تقول ...تاكلين مايبين عليك ..الله يخلف علي لو اشمه بكره يزيد وزني(صرت اعطيها جزء منه واقول لها كلي معاي عشان مااكله كله واسمن ...وتاكل معاي )
عادي ترفع راسه وتسالني (ايش تعشيتي امس؟؟)
وين رحتي في اجازه الاسبوع ...معقوله ماسافرتي مع زوجك ؟؟؟شكله مايحب يوديك مكان ؟؟؟؟
وانا ماابرد قلبها ...ساعات اقول ماتعشيت واحيانا زبادي ...واحيانا اقول لها مرق من باقي الغداء
يعني البنت تبي تستفزني ...اقولها السفر مايحب زوجي يسافر وانا مقدره هذا الشي متى ماطلب نروح نروح انا مااطلب منه ...يعني احسسها انها تسال عن اشياء تافهه ماتهمني ..مع اني اتعشى واطبخ بالبيت واروح مطاعم واسافر مع زوجي زكل شي ..بس مايهمني انه تعرف
وارجع واقول لك الاذكار والمعوذات لاتهملينها

خوذي غسالها للضرورة يعني جهزي الدواء قبل الفلعه


نفس معاناتي من وحده لو كل الناس وصلو المريخ ماتشوف الا انا تموتني قهر

والمشكلة ان عيونها نااااااااار حاااااااااااااااره

تخيلو مره كان معي هديه وقلت بل حسره علي ماتجيني هدايا الا الهديه طاحت وتفتت تفتت بنفس اللحضة

انا فتحت فمي مصدووووووووومه واطالع فيها

انتبيهي اكره هالنوعييييييييييييييييييييه

ماأظن يا اخوات ما تتكلمن عنه حسد وانما تطفل ممقوت
والاخت بندورة زميلتك يا اختي هذه احذري اشد الحذر منها ولا تسمحي لها تجيب سيرة زوجك اما اذا جابت سيرته قولي لها الله يعوضك خير او الله يزوجك اذا ما تزوجت ودائما ذكريها بذكر الله واذا سالت اسالة وما ودك تكذبي قولي لها الله اعلم
استغفر الله هذه اسالة ولا وقاحة