حسمت موضوع الزوجة الثانية مع زوجي

السلام عليكم
زوجي مثل مايعرف البعض ب اكثر من مرة لمح لزواج ثاني وكل فترة يتخبط فيها
واخر مرة وصلها لي انه ب وده يتزوج بس ماقادر اولا عشاني وعشان العشرة لي بيني وبينه وعشان العيال
وثانيا انه مو كفو يعدل بين حرمتين ومايبغى يظلم احد
ومزحة عمته قبل كم يوم رفعت ضغطي وكانت بتسببلي مشاكل من كثر التفكير
بعد التفكير رسلت رسالة ل زوجي شرحت له الموضوع كامل واني ماعاد اتحمل اي كلمة منه عن موضوع الزوجة الثانية واذا بتتزوج الله يسهلك ويبارك لك ولها ويسعدكم بس انا طلقني ولي الله انا وعيالي لانك بتكون مثل غيرك اخذتني من بيت اهلي وردة ومصيت شبابي وصحتي بالخلفة والعيال وبالاخر رح تسحب علي وتروح معاها وتتركني وقف انا وعيالي ومثل ماعيشتني ب اوامر صارمة ونظام على كيفك انت وعشت عمري مطيعة واجبرتني امشي فيها وماكنت تاخذ لي رأي رح تكون لين معاها وسهل وتحطها فوق راسك وتسويلها لي تبغى وانت تضحك حتى لو قالت لك ارمي نفسك تروح
واعترف اني تسرعت بالكلام هذا بس حبيت اطلع لي بقلبي كله
وقرأ الرسالة ورد برسالة صوتية معصب
يقولي كلمتين حطيهم بعقلك انا اذا بتزوج ثانية اتزوجها غصب عنك وعن الكل واسوي عرسي واجيبها للبيت معاكي ولا انتي ولا اكبر شنب يقدر يكلمني وانتي مجنونة تبغى تتطلقي بعد ١٦ سنة زواج عشان شي حتى لو حصل هذا حق من حقوقي ولاتعلميني الدين لاني اعرفه واعرف العدل والظلم وبطلي دراما كويتية فوق راسي واعرفي انك تكلمين زوجك مو واحد من الشارع وشوفي اذا رح تتمين تقرقري فوق راسي على هذا الموضوع تراني ما احب الطلاق ولا احب اسمع فيه بس والله لا يكون لي معاكي تصرف ثاني
انا رديت وقلتله قلتلك لي بقلبي وانت الله يسهلك بس قبل ماتخطب ورقة طلاقي تجيبها لي واحمل عيالي وامشي فيهم واخليك تستانس مع عروستك طول العمر