السلام عليكم ورحمة الله وبركاته
أتوقع أن الموضوع باين من عنوانه والله أن حال المنتدى صار كل شوي ينزل تحت...تحت...تحت..
ليش فيكم بنات وأمهات وحريم فاتحين بيوت والله ان اقرى بعض الردود واقول هذا كلام وحدة عاقلة تلاقين اللي كاتبة الموضوع منزلة مشكلتها من الهم أللي فيها وانتم ببردودكم تزيدونها هم على همها انسوا سالفة رواية امراة أخرى ردود بعض البنات في المنتدى وخاصه في المشاكل الأجتماعية تخلي الوحدة فينا تكره تدخل المنتدى انا من متابعين المنتدى من زمان وكان مرة عاجبني وسجلت فية وبديت اشارك وحسيت أني لقيت لي أخوات في الله مافية مثلهم بس اللحين اذا دخلت المنتدى احس أني غريبة عنه مو هذا المنتدى اللي عجبني وشدني له في البداية يعني بدل مانحاول نرتقي به نقوم ننزل من قيمته يعني تخيلوا زروار في المنتدى وش يقولون عنكم هذي ردود حريم كبار عندهم عيال لا والله اني أقرا بعض الردود واقول هذي بنت صغيرة دخلت توسع صدرها واتفاجأ انها حرمة كبيرة عندها عيال طولها..
انا بس ابي أعرف المشرفات وينهم لازم يدخلون ويحلون هذي المشكلة صرنا كل مادخلنا موضوع نلقى عضوتين يتكلموا على بعضهم فية وشف عاد الكلام اللي يطلع منهم كلام والله مانسمعه من عيال صغار انا أبي أطلب من المشرفات أنهم يحطون عقوبة على اي وحدة تكتب رد فية كلام جارح انهم يقوفونها اسبوع وان رجعت لمثل هالكلام يقوفونها عن المنتدى كله ماراح تضر هالعضوة اذا راحت عن المنتدى بالعكس راح تكون سبب في رقي المنتدى اذا تخلصنا من ردودها السيئة..
أنا أتذكر المعلمة في المدرسة كانت تقول لنا ان الطالبة اللي طاولتها ودفنرها مرتبين ونظيفين هذا يدل على أنها في البيت كذا مرتبة ونظيفة واللي عكس كذا يدل على انها في البيت كذا كمان كنا نحاول أننا نبين لها اننا مرتبين ونظيفين هذا وانا كنت في الابتدائي يعني صغيرة المقصود من القصة أن ردودكم في المنتدى تعكس لنا شخصيتكم وكيف حياتكم مع انه رد بسيط جدا" بس يبين لنا اشياء كثير عنكم..
أنا ماكتبت الموضوع أني أهاجم فية عضوة معينة لا الخطاب جماعي لكل العضوات وانا أولهم ياليت تحسنون ردودكم
وأطلب من المشرفات فرض العقوبة على العضوات اللي يردون بردود تجرح مشاعر أللي كاتبة الموضوع
قال تعالى(ومايلفظ من قول إلا لدية رقيب عتيد)..
عذبة الاوصاف @aathb_alaosaf
كبيرة محررات
هذا الموضوع مغلق.
@ام فهد@
•
جزاك الله كل خير
جزاكِ الله كل خير .. والله يعطيكِ ألف عافية ..
وهذا والله إللي جالسين نقوله من زمااان ..
بس لا حياة لمن تنادي ..
وكتبت هذا الكلام في موضوع (ياناس افهموني)
للأخت : الهنوف الرويلي ..
وإن شاء الله خير .. يجيب الله مطر .. :angry2:
الصفحة الأخيرة