السلام عليكم ورحمة الله وبركاته
ان شاءالله حشارك بتجربتي مع حسن الخلق مع الناس
قال الله تعالي (( لو كنت فظاً غليط القلب لنفضو من حولك )) الحمدلله ربي فهمني هاي الايه وصرت احاول اعمل فيها مع الناس ، طبيعتي بحب النصح للغير وبحب الناس تنصحني فاكتشفت انو مش كل مره بكون النصح بشكل مباشر لازم يستخدم الواحد طرق للنصيحه وحدي من هاي الطرق
كنت برحله مع بنت خالتي رحنا على البتراء واجت بالرحله صاحبت بنت خالتي واختها ، ما كانت الاخت محجبه وطبعن لبسها بنطلون وبلوزه بنت خالتي حكت لصاحبتها خلص اختك ازا مشيت مع بنت خالتي قصدها علي حتتجب من كتر ما حتحكيلها عن لحجاب ، وطبعن كان الوضع عكس كلام بنت خالتي ، مشيت مع البنت وما جبت سيرة لحجاب صرنا نحكي عن الحياة ودراستها وانا شفت بالبنت الطيبه والاخلاق صرت احكيلها بشكل غير مباشر عن الحجاب حكيتلها الشباب بشوفو البنت كانها نازله من السما بصيرو يفصلو كل اشي فيها وطبعن كبرت راسها على حالها حكيتلها ما شاءالله عنك عقلك كبير وتفكيرك كبير عشان تاخد ثقه بنفسها وكنا منسجمين جدا بالحديث وخليتها تشوف اخلاق البنت المحجبه كيف بتكون انا طبعن مختمره الحمدلله صارو البنات يضحكو على شكلنا كيف ماشين مع بعض وحدي مختمره والتانيه اصلن ما هي محجبه حكينا بمواضيع كتيره وكانت فترة المشي 3 ساعات انبسطنا كتير فيهم لمى رجعنا حكيتلها يلى نصلي وصلينا الحمدلله
بنت خالتي بتحكيلها اكيد جننتك بالحكي عن لحجاب حكتلها البنت بالعكس ما جابت ابدا سيرة لحجاب ورجعنا من الرحله كانت تحكي لاختها انها انبسطت كتير بالرحله
وبالذات انها مشيت معي
والمهم بالسيره الطويله هاي انها البنت بعد اسبوع بفضل ربنا اتحجبت :27: حكت لاختها من حسن اخلاق البنت قصدها عني اتشجعت اتحجب هاد بفضل ربنا طبعا:39:
المهم تجربتي التانيه مع بنت خالي اتربيت مع بنات خالي انا اكبر منهم وبحبهم كتير وطبعا بحبوني همي كمان وبسمعو كلامي بس مره كانت تتوضا ونايمه على حالها حكيتلها وضوئك مش مزبوط ناقص كتير عصبت وحكتلي انا مع ربي سكتت وقتها وما حكيت معها طول الوقت الا الحكي اللازم حكتلي ليش زعلتي مني حكيتلها انا لمى حكيتلك عن وضوءك لاني بحبك وبحب يكون وضوءك كامل عشان حتقابلي رب العالمين بهاد الوضوء وقتها خجلت من حالها
وحكتلي خلص وعد تاني مره ان شاءالله
ما اعيدها وخلص الموضوع
وطبعن التجارب كتيره مع حسن الخلق الشيء المهم انو الواحد يعرف يستخدم هاد الخلق وما نزعل عشان
انفسنا لانا اكيد حنلاقي مشاكل كتيره بس الصبر واجب وحلو يكون النا بصمه بحياة الناس طبعن
للاجر مش للرياء الله يبعدنا عنو
والانسان بهاي الحياة بكون معلم ومتعلم باسلوب راقي ديني معقول ومش جبر لانو اي شيء بيجي بالالزام بكون مكروه:mad: حتى لو كان صح ، الرسول عليه الصلاة والسلام
كان يتعامل مع الناس وينصحهم حسب طيبعتهم
يارب تكون مشاركتي مفيده للجميع
ربي لا تذرني فردا وانت خير الوارثين
يتصف به المسلم وبه تدخلين القلوب وتكسيبين الود
جزاك الله خيرا وجعلك مباركة إينما كنت ونفع بما كتبتي