حسن المنطق سعاده==الجزء الثاني من قصص الطيبين

السلام عليكم ورحمة الله وبركاته

راء ملك من الملوك رؤئاء ان اسنانه تتساقط استدعى مفسرين

الرؤا قال له المفسر ان اقريباؤك يموتون قبلك فامر بحبس المفسر ومعاقبته واستدعى مفسر اخر

فقال له مثل ماقال الاول ولم يكن حظه افضل من الاول سجن وعوقب

واستدعي المفسر الثالث وحكى عليه الرؤياء فقال له

انك ستكون اطول عمر من اقربائك

استانس هالملك الطاغيه وامر باكرامه واعطي العطايا الجزيله

ياهو هالملك غبي ولا التفسير واحد --صبه واحقنه --سيم سيم
لكن هي المسأله ترجع لحسن الكلام وهو المنطق
منطق المفسرين الاولين ودتهم لسجن والمعاقبه بالجلد
ومنطق المفسر الثالث كانت سبب بشكر الملك ومجازاته والاحسان اليه

=========================================
من منكن كان حسن المنطق عندها سبب بخروجها من مأزق

او كان سؤء منطقها سبب بوقوعها بمأزق

عني انا ياكثر ماتعرض لمثل الاثنين

مره كانت ام زوجي الله يرحمها بالمستشفى اثر تعرضها لجلطه
وكانت تعبانه وعصبيه وكانت تبي الحمام اعزكم الله ولاتبي احد يشوفها وهي تمشي
لان مشيتها تاثرت بفعل الجلطه وكانت تهاوش وتعصب على اي احد يبي يمسك
ايدها واول ماقامت اختل توازنها وجت بطيح قمت انا بسرعه امسكها
وكنت حامل بالثامن قالت لي بعصبيه ليه تمسكيني وانتي حامل زين الي ماطاح الي ببطنك
قلت لها والله يخاله اذا الله مقدر له يطيح هذا قدر الله له
وبعدين ياخاله فدوه لك اهم شي انتي لايجيك شي مايبي من يزيدك
وانتي توك طالعه من المستشفي
فرحانين بسلامتك
قامت ياقلبي واستانست ودعت لي لاين قالت بس
ودعت للي ببطني وربي رزقني ببنوته على كم ولد والحمدلله ربي اصلحها
وجعلها رضية مرضيه الله يبارك لها ويبارك عليها
يمكني لو مارديت عليها ذاك المرد يمكنها عصبت وهاوشت مثلي مثل غيري
دايم افكر بهالسالفه الله يرحمها ويجعل قبرها روضة من رياض الجنه
ووالديني والمسلمين اجمعين

وانا الحمد والشكر افكر قبل تطلع الكلمه من فمي الكل يعرف

ان الكلمه مثل الرصاصه اذاانطلقت لايمكن احد ان يردها

اللهم اجعلنا من القادرين على انفسنا

عاد موب تقرون وتطلعون يالللا ياحلوات كل وحده ترد وتعقب على الموضوع

اخبركن كريمات وانا استاهل ان شالله