السلام عليكم
شفت كثير متزوجات تاخرو بالحمل طبعا الوحده لما يمر على زواجها سنه الناس تتكلم
ولما يمر سنتين الناس تتحرى لما يمر 3 او 4 سنوات واكثر الناس ماترحمهم ليش وش السبب يوه تاخرتي طيب هذي قدره ربي وش تبغونها تسوي ياليتهم يخففون عنهم الا بعضهم يزيدون عليهم الهم تلقينها توها لها سنه متزوجه وتجيك وحده حملت على طول وتقول غريبه ليه ماحملتي طيب هذا مو بطاء توها سنه عادي
ليته بس على كذا الا يخافون على عيالهم منهم الوحده لو يكح ولدها تخاف او اذا حملت ماتعلم الا اذا وصلت اخر شهورها طبعا تعلم الناس كلهم الا اللي ماجاها عيال تخاف من العين ليه ياختي ليه الخوف ليه اذ تعب ولدك قلتي عين اذا طاح واذا مارضع قلتي عين اكيد فلانه لان هي مايجيها عيال ولاتجلسين معها ولا شي الله المستعان
وبعضهم الله يهديهم تتفاخر بعيالها وكانها تقهر اللي ماجاهم عيال
لدرجه ان وحده تقول لقريبتها انا حامل ماقدر اشتغل مقدر الحمل ماجربتي لو تجربين تحسين يعني قومي انتي اشتغلي
وتسولف بامور الحمل والولاده وتقول ايه ماجربتي ياناااس حسوا فيهم ترى اي شي تسوونه حتى لو ماتقصدون يتعبون وطول اليل تفكير وخوف وقلق وتعب نفسي وتبدا تنعزل عن الناس بسببكم لان تعرفون الرجال كلما تاخرت زوجته يبي اطفال حتى امه وخواته يبغون يشوفون عيال ولدهم وتبدا زوجه ولده بالخوف والقلق انه يتزوج عليها يعني شايله هم الحمل وهم زوجها انه يتزوج عليها الله يرزق كل محرومه يارب
انا مااعمم لا فيه والله حريم الله يهديهم تفكيرهم مدري كيف يجرحو بدون مايحسون
راعوا خواتكم المتاخرت بالحمل ووقفوا معهم ترى كل وحده متاخره اذا رجعت من اجتماع لبيتها تبكي وتفكر تتمنى ذريه زيها زي غيرها تتمنى تلعب اطفالها وتفرح فيهم
ادعوا لهم تكفون
اليوم تكلمت مع وحده متاخره قطعت قلبي تقول اذا ماحد تكلم فيني ولا حس يضيق صدري واذا دعولي برضو تخنقني العبره من غير اللي حولي يخافون احسدهم تكره المجتمعات اللي فيها النوعيه هذي وحتى تقول اذا شفت وحده تلعب اطفالها احس بضيق ويقهروني اذا قالوا ليش ماحملتي وش يبغوني اسوي يحسسوني اني ناقصه وعاجزه يارب ترزقها وتفرح قلبها يارب وكل عقيم
يلزم عليك تسجيل الدخول أولًا لكتابة تعليق.
والله انا دايما ادعيلهم وحاسه فيهم
فعلا الناس ماعندهم رحمه اذا الوحده ربي اعطاها كل النعم تغتر وعلى بالها هيا رهيبه وحظها حلو واللي محرومه اقل منها
يابنات لاتغتروا بالنعم ممكن في لحظه ربي يبدل الاحوال ويشيل كل شي منك
فعلا الناس ماعندهم رحمه اذا الوحده ربي اعطاها كل النعم تغتر وعلى بالها هيا رهيبه وحظها حلو واللي محرومه اقل منها
يابنات لاتغتروا بالنعم ممكن في لحظه ربي يبدل الاحوال ويشيل كل شي منك
ربي يعطيهم ويعطي قريباتي اللهم امييييييييين
وربي يرزقني بالذرية الصالحة وبالزوج الصالح
وربي يرزقني بالذرية الصالحة وبالزوج الصالح
الصفحة الأخيرة
ادعووووووووولهم بسجودكم يابنات تكفون الحمد لله ماخلي هالدعوه بسجودي .. تذكروو ولكم بالمثل ..
يالله يارب تفرح كل متأخره ومحرومه ياحي ياقيوووم
كل الود