حسودات سوشل ميديا

انا نعم اصدق
لان الحسد مثل طاقه او ذبذبات سلبيه شريره مؤذيه اتجاه شخص او شيء
وهذي النوايا السلبيه توصل ما تحتاج مقابله وجه لوجه
مثل اللي يصورون اطفالهم يرقصون او يلعبون او فيهم فصاحه ماشاء الله وبعد فتره نسمع انه صار لهم شي او مرضو وقيسي عليها اشياء كثير سواء هدايا او اظهار نعمه معينه
في نفوس مريضه ما تتحمل تشوف الخير ولا تذكر الله ونواياها ومشاعرها السلبيه اقوى منها
خاصة اذا تصادف مع شخص مهمل التحصين والاذكار ويتعمد يستعرض
واكيد مو كل شي حسد لكن بالنسبه لي نعم فيه حسد بالسوشال ميديا

أنا أؤمن بوجود الحسد حتى من ورا الشاشات عشان كذا أنا ضد تصوير النعم من أكل وأطفال وغيرها وعرضها في وسائل التواصل الاجتماعي بدون سبب أو لهدف الاستعراض
لكن علينا حنا كمسلمات نحصن أنفسنا واولادنا وكل شي نحبه ونخاف عليه بالأذكار وربي هو اللي مقدر الأقدار ومسبب الأسباب عليه توكلنا هو نعم المولى ونعم الوكيل

أكييد نؤمن بالحسد
الحسد تمني زوال ما في يد الغير
إياكم والحسد
فإنه يأكل الحسنات كما
تأكل النار الحطب
نسأل الله العافيه
وكما ذكر الله في كتابة الكريم:
{ وَمِن شَرِّ حَاسِدٍ إِذَا حَسَدَ} فالمؤمن يسأل ربه العافية من الحاسدين
يسأل ربه العافية
من شر الناس
ويعمل على تحصين نفسة💚🤍

هلا هلا هلا بالكويـن هلا والله وغلا 💜💜💜

ايه نعم انا مؤمنة بالله ثم ان الحسد يوصل لك من خلال صورة او مقطع نزلتيه
لأن ماهو كل النساء سعيدات بحياتها
السوشيل ميديا تجمع لك المطلقات
والأرامل
والمعنفات من ازواجهم
والمحرومات
واللي ماتزوجو

علشان كذا تلاقين ان سبحان الله النفس لها فزّة

فلمن تشوفك مثلا منزلة هدية لزوجك تجي نفسها فيك او بالموقف وتقعد تتحسر وتاكل بنفسها تتمنى انها تكون مكانك

انا اعرف وحدة معرفه شخصية
بنسبة ١٠٠٪؜
كانت تصور كل شي حفلة زواجها
وميلاد عيالها
وسفرياتها
وماشاء الله تبارك الله تحب الطلعات مع زوجها وهو بعد بالذات راعي تماشي وسفريات

وقت الامطار والشتاء
فجأة الحرمة تغيرت انقلبت فوق تحت
ماعاد تفتح سنابات ماعاد ترسل
بلكت كل اللي كانوا عندها
وبس تبكي تبكي لمن سالناها بحكم علاقتنا القوية فيها

قالت لمن اطلع تجيني ضيقه ضيقه قويه ماعاد طايقه بيتها ولازوجها ولاعيالها
واخواتها هاوشوها قالوا ماهو كل شي تصورينه وش استفدتِ غير انك فتحتِ عيون خلق الله عليك وعلى حياتك

لدرجة كانت تنزلها حتى حالات بالواتساب واهل زوجها من قهرهم انقلبوا عليها حياتها انعفست

لين حذفت السناب بكبره وتأدبت والحمدلله بعد معاناة وقراية رجعت حياتها ورجعت هي لطبيعتها صح فيه بوادر باقيه من اللي حصل لها بس الأن افضل الحمدلله

طبعًا بتجيك معتوهه تقولك ماشفنا المشهورات انحسدوا الا المشهورات محسودات وبإعترافهم

لكن مايحبون يظهر الجانب هذا فيهم لانه باب رزق لهم

جعل الله يعمي عين كل انسانه حسوده غيوره قلبها مثل كبد البعير تتمنى القهر والحرّة لغيرها المكيودة

ويصيبها بنفسها بشي يشغلها عن مراقبة خلق الله

اعوذ بالله من ابليس

أكيد أؤمن أستغفر الله اللي ينكر الحسد والعين ناقص إيمان، ومهما تطورت الدنيا الحقائق الدينية باقية إلى قيام الساعة .. والحسد حتى على وظائف، دراسة، وبيت وطعام وراحة بال ياعمي حتى على التديّن 😄، وصراحة فيه ناس تحتاج تفرق بين العين والحسد، فكل محسود معيون وليس كل معيون محسود ، العين تجي من محب وكاره، أما الحسد مايجي إلا من كاره.