حسيت أني بلا كرامة

السلام عليكم
كيف حالكم بنات
زيارة من أمي بعد انقطاع شهور
أمي عصبية جدا الله يهديها ولسانها الله المستعان

صرت أراعيها جدا بعد وفاة اخوي الكبير

اخوي الكبير رغم انها عصبية عليه ومنكدة كانت إلا انه شايلها فوق راسه ومتحملها عكس الجميع
وفاته كانت صدمةعظيمة عليها عيونها لحد الحين متورمة من كثر مابكت عليه

بدخول زوجي للبيت
وشايل طفلي عمره سنتين
انا كنت مأمنة عليه لأنه جالس مع اخوه الكبير برا لكن أخوه غفل عنه والولد يمشي تسلل عند الباب وقابل ابوه
الأهمال مني أنا واعترف

وكان زوجي يعاتب انه هذا طفل صغير ماعنده أدراك
تدخلت امي بصوت عالي
زوجي ضد عقله الصوت العالي رد عليها بصوت أعلى بدون شعور منه

وأذا امي تنفجر فيه وتصرخ عليه الاصوات وبادلها نفس الصراخ
حس للوهلة انه اخطأ بحقها اعتذر ولم نفسه وطلع
وصارت تدعي

ايه رايح تنام بعد مالوعت كبدنا ياجعلك تنام ماتصحى ثاني وتدعي عليه
لما هديتها صارت تصرخ علي وراحت كملت جلستها بمدة عشر دقائق كان طالع مرة ثانية وكان يتكلم مع ابني انه ليه تركت اخوك
كلامه كان عتاب الأب الحنون حق أبنه

وقامت مرة ثانية
اكسر يدك لو تمدها عليه والله اجيب الحكومة للبيت
بلاغ حق الحكومة
لاحول ولا قوة إلا بالله

انا بين جهتين جهة أمي ولا جهة زوجي لي ساكت ومتحمل السب والدعاء عليه ماخلت حرف إلا وطلعته وبعدين مشت
حسيت نفسي نايمة العصر وقاعدة أحلم
ليه صار كذا طيب

حسيتها أهانة لي وأهانة حق زوجي
يشهدالله اني أشفقت عليه لما كان يناظر وهي تدعي عليه بدون سبب كانت غضبانة وأنفجرت فيه وأحرجته قدامي وقدام الكل

حتى لما رجع مارضى يتكلم حاولت أراضيه بكافة الطرق لكن زعلان ومعاه الحق
حسيت انه كرامتي نقصت مثله للحين ماقدرت أنسى طريقتها وعصبيتها عليه وحسيت أنه يمكن يكرهني معها او ياخذ موقف مني
وكيف صار وتطور الأمر كذا بسببي