حسيت بالاهانه من شى تافهه

أن رسول الله صلى الله عليه و سلم قال : " لا يحل لرجل أن يهجر أخاه فوق ثلاث ليال يلتقيان فيعرض هذا و يعرض هذا و خيرهما الذي يبدأ بالسلام "

كوني أخير منها وابدئي بالسلام..

ويا عزيزتي ما فيها أهانة ولا شي أذا كانت نيتك اتباع السنة و احتساب الأجر بالعكس أنت الربحانة.

من حسن تربيتك وزين اخلاقك مديتي يدك وسلمتي
وما عليك منهم ومن نظراتهم.....كل اناء بما فيه ينضح..

خليك واثقه من نفسك وطنشيهم
وحاولي تتجاهلينهم ينقهرون اكثر
لاتكونين طيبه زياده عن اللزوم

والله يا اختي انا انصحك نصيحة لوجه الله
صحيح ان الانسان ما لا زم يفارق اخوة فوق 3 ايام . .....لكن !
اذا انتي حاولتي انك تصالحين وما في فايدة حتى لو كنت الغلطانه
بعدها
اللي ما يريدني تاج على راسة ما اريدة نعال في رجلي مع احترامي للقراء
لكن هذا المثل انا ماخداه مثل لي
صدقيني نحن في الزمن القوي هو اللي يكسب
فمن لا يحترمني لا احترمة ولا حتى اراه .
وشوفي كيف بيموتون من القهر منك لانك ما سالتي بيهم

هلا ياقلبي
انا صارت لي سالفه نفس سالفتك وحده تكرهني وانا اللي سلمت عليها بس ماعرف عن ردة فعلها اذا هي استانست او لا.. وانا سلمت عليها لان السلام لله اول شي وثاني شي لاني ماحب اكره احد واتم طول الوقت متضايقه فقلت خلني اكون احسن منها واسلم عليها وبعدين صارت هي اللي تسلم علي ومرات انا اسلم عليها ومرات هي (( السلام فقط)) وصدقيني لو هي كارهتك وسلمتي عليها ياانها بتراجع تصرفاتها وبتعرف انها غلطانه لانها كرهتك لانه بتشوف صفاء قلبك او انها بتحتر على برود اعصابك لانك سلمتي عليها . :27: :icon20: . وانا اقول لك عيشي دنيتك وانتي مرتاحه يعني لاتكرهين احد ولاتحطين على قلبك في احد وماشوف انه اللي سويتيه فيه اهانه لك بالعكس وردة فعلها خليها على جنب اهم شي انك اثبتي لها طيبتك وانك ماشايله في قلبك عليها شي وتلاقينها احترت يمكن تقول في قلبها ليش هي محتره وماترقد الليل وشايله في خاطرها وانتي بارده ولاعلى بالك لدرجة انك سلمتي عليها... :27:
ونصيحتي لك: لاتذلين نفسك يعني السلام فقط يعني لاتسولفين معاها دام انها كارهتك ويمكن يطيح الحطب منها بعدين :)