حسيت بالمووووت

بناات حسيت بالموت ايه وربي حسيت فيه .. قضيت ليلتي عادي مثل باقي الايام .. تعشينا ونومت عيالي .. ورحت جلست مع زوجي شوي وسولفنا خفيف وتركته ع جواله .. رحت سويت لي حليب زنجبيل .. وقعدت اتقهوى لحالي واطقطق بجوالي .. وكنت داخله عالم حواء اتصفح .. نزلت شوي الجوال .. ورحت لزوجي بالغرفه جلست اسولف معه قبل لاينام لان عنده دوام وينام بدري .. المهم وانا جالسه فجأه جتني ضيقه كتمت صدري .. نفسي ضاق وقام يسرع وجهي تغير .. يالله اذكر هاللحضه هذي .. ضيقه ماقد مرت علي مو ضيقه وبس جاني خوف قلبي يدق بسررعه .. وربي اللي خلقني اني حسيت اني بمووت ..حسيت فيه وزوجي يسالني شفيك .. قلت بطني يعورني .. قعد يكمل سالفته وانا افكر اقوله اني بموت ولا لا اوودعه ولا لا .. ياربي وش جاني شسوي .. شلون اعلمه .. ماقدرت ااتحمل قمت بسرعه من عنده قال شفيك قلت بطني بطني يعورني يلا نام .. تصبح ع خير .. طفيت اللمبه رحت اركض لصاله وادور رايحه جايه للحين يدق قلبي ورجولي تنفضض قمت ابكي .. خلاص احس بس دقايق وبمووت .. صرت زي المجنونه امشي بالصاله وادور ابيه يروح اللي فيني ... ياربي ياربي رحمتك وبس ادور ابي انسي نفسي قلت يمكن وسواس او شي بس ماراح احس بالموت قرب ودقات قلبي من قو صوتها احس بتفجر اذاني ..رحت اركض للحمام زي المجنوونه وانزل ملابسي وانا امشي رايحه للحمام قطيت كل ملابسي فتحت الدش وصبيت الماء ع راسي .. لاني للاسف ماكنت طاهره خفت اموت وانا ماعلي طهاره واتروش وانا ابكي ومن الضيقه مااقدر اوقف رجولي تنفض .. وقلبي وبطني يوجعني وجع مو طبيعي .. وانا تحت الماء .. قعدت افكر شلون اقابلك ياربي ماني مستعده .. ياربي ماابي اموت الحين ياربي مافي شي يخليني اموت وانا مرتاحه .. ماعندي شي اقدمه ياربي ارحمني .. صلاتي ااخرها ومااني منتظمه عليها .. لااذكار .. لا تسبيح واستغفار قليييل مره .. مااذكر اخر مره تصدقت فيها ياربي شسوي .. شلون اموت وانا ماقدمت شي لهاليووم .. القران ماادري متى اخر مره فتحته .. والصيام .. اه ياربي حتى قضاي ماصمته فكرت لو اموت ماقلت لاحد من بيقضي عني صومي من اعلم ... قمت ابكي .. ياربي كل شي كنت مسويه جدول له جدول تنظيف البيت جدول طبخ وجوالي مليان طبخات وبس افكر وش اطبخ ومن بعزم وش بااثث بيتي فيه .. ابي السوق .. وابي وابي .. طيب وعلاقتي مع ربي مافي شي .. لا جدول قران ولا اذكار ولا صيام نافله ولا صدقه ولا شي من هذا كله .. يارب والله ماني مستعده .. توضيت طلعت من الحمام .. لبست رحت لعيالي وهم نايمين صغار واحد 4 سنين وواحد2 ياربي شلون اخليهم احبببهم امووت فيهم من بيروشهم من بيلبسهم من بياكلهم ... ابي ارجع العب معهم ندمت على كل دقيقه كنت بعيده عنهم .. مااعطيتهم حقهم .. احيانا اهاوشهم او اتجاهلهم لاطلبوني العب معهم للنو ماني رايقه ياربي ابي هاللحظه ترجع ابي اخمهم اضمهم اسمع ضحكتهم .. ابي اونسهم واعطيهم طفولتهم .. قمت ابوسهم واشمهم وهم نايمين قعدت اودعهم وانا جسمي ينفض من الضيقه وقلبي دقاته سريعه وكل ماتزود دقيقه احس الموت جاني .. ابي عيالي ماابي اروح واخليهم .. بنفس الليله قبل لاينامون جاني ولدي ابو 4 سنين ويخمني والعب معه .. قالي ماراح تموتين صح ماما.. وانا ابوسه تذكرت كلامه ودمووعي على خددي .. ربي رحمتك طلبتك لاتحرمني منهم ولاتحرمهم مني لاتاخذني والله ماني مستعده .. شلون ماراح اشوفهم بكرا .. ووشلون اقابلك يارب وانا ما سويت شي لاخرتي .. قمت رحت فرشت مصلاي وصليت .. وجسمي للحين يرجف واحساس الموت فيني عجزت اقرا صوتي متقطع .. ونفسي ضايق .. صليت ركعتين ورفعت يديني وبكيت بكيت من كل قلبي ربي ماابي الا رضاك مابي،شي من الدنيا غير رضاك لاتاخذني الا وانت راضي عني ياربي رحمتك .. .. واخذت قراني قعد اقرا وقرا وانا ارجف من الخوف .. كملت اقرا قراني .. وفجأه سبحان الله فكت الضيقه عني راح الخوف والرجفه اللي بجسمي وصارت اخف .. وكملت اقرا .. وسكرت مصحفي واستغفرت ربي .. ورحت عند عيالي وضميتهم .. ونمت وانا ماحسيت بنفسي من كثر ماتعبت وبكيت .. وصحيت الحمد لله اليوم الثاني .. وانا بين عيالي ربي لك الحمد والشكر ربي معطيني نعمم كثيره زوج طيب وحنون .. اطفال زي الورد ماشاء الله .. صحه وعافيه امن وامان ليش كنت اعكر حياتي واضيق خلقي ع اشياء تافهه ابي أعيش حياتي بكل لحظه فيها ماراح اخلي شي يخرب علي متعتي بحياتي واطفالي .. بقدم رضا ربي وطاعته على كل شي وبفكر بعيلتي الصغيره ومااخلي شي يشغلني عنها . ابي اضحك معهم والعب معهم وأعيش حياتي برضى ربي .. يارب اهدني واصلح حالي يارب ولاتاخذني الا وانت راضي عني يارب ... وهالشي اللي جاني للحين ماني لاقيه تفسير له شي اول مره يمر بحياتي .. وربي هالشعور كانو بموت صحيح ماكنت ابتخيل اني راح اصحي بكرا .. خوف واحساس مررعب . يارب رحمتتك .. ارحمنا .. واخيرا هذي فضفضه اعتذر اني طولت عليكم لكن مااقدرت ابوح هالشي لاحد من عندي .. الله يسعدكم ..