حشرة السمك الفضي

مرحباً يا حلوااااااات
صباحكم ( مسائكم ) نور وسرور
مشكلتي الحشرة المذكورة في عنوان الموضوع
اول مرة شفتها كانت داخل كيس فيه هدية مغلفة لولدي من إحدى الصديقات
بعد فترة شفت مثلها داخل تحفة موضوعة فوق التسريحة
وبعد فترة لقيت مثلها على سريري وصرت دوم أشوفها على سريري وتحديدا تحت المخدة
سببت لي رعب وحوسة ونفسيتي صفر وصرت اكره سريري
تخلصت من كل شئ على السرير ورميته المخدات والخداديات والشراشف والبطانية
وجبت كل شئ جديد بعدها خلاص ما عاد شفتها في غرفة النوم
ما تصورو شكثر تعبت نفسيتي بس ابكي من الهم والسبب هاذي الحشرة
المصيبة الآن صرت أشوفها بالمطبخ ومطبخي مفتوح على الصالة
اول مرة لقيتها داخل درج يحوي على الأكياس الخاصة بتغليف الخضار والمواد الغذائية
طبعا رميت كل الأكياس ونظفت الدرج وعقمته وكرهته وما عاد استخدمته ومستحييل ارجع استخدمه هاذي نفسيتي وش أسوي
وثاني مرة لقيتها على الأرض بالمطبخ وآخر مرة لقيتها داخل دولاب الحلويات والشبس والبسكويت بس كأني اتوهم هالمرة من كثر خوفي وقرفي منها والله يا بنات خايفة على مواعيني كرهت هاذي الشقة ودي انقل منها مع العلم أنها جديدة وصار لي سنتين ساكنة فيها
سؤالي لصاحبات المعرفة بهذا النوع من الحشرات
ما هي أسباب انتشارها بالمنزل ؟
ما هي سبل الخلاص منها ؟
الله يخليكم يا بنات لا تجئ واحدة وتوصف لي الحشرة أو تحط صورتها تراني منهارة وأكره أني أشوف صورتها اللي توضح تفاصيلها وأنا اعرف أني ممكن احصل على كل المعلومات اللي أبيها من العم قوقل لكن بصراحة اخاااااف جداً من الحشرات ما أبي أشوف صور أبي نصايحكم الله يجزيكم خير محتاجة وقفتكم معي اللي تخفف عني معاناتي وهلعي
والله يا بنات بسبب هذي الحشرة زاد همي وتعبي وصرت جداً عصبية على أطفالي لدرجة صرت اضربهم لأني فقدت السيطرة على أعصابي
لا تقولو استخدمي مبيد تراني ما أقدر عليه
عطوني حل ينظف بيتي منها
الله يسعدكم في الدنيا والآخرة :heart: