حشوات السمبوسه....وطريقه اللقيمات

القيمات ماعندي علم بنوووب خخخ


ماعرف لهم 😁

حشوات السمبوسه
1- تبشرين كوسه وجزر وتقطعين بصل صغير وتكشنينه بزيت وتحطين الكوسه والجزر وتحركينهن وتحطين نص حبة ماجي وشوي كاري فلفل

وتحطين عليهن نص كاس ماء ولاحتى ينضج وينشف مررره من الما وتطفين عنه وتضيفين ملعقه كبيره جبن سايل وتحركينهن وبعدين تحشين فيهم السمبوسه


((( الكميه اللي ذكرت لحبة كوسه وحبة جزر كبار ))



2- شوي سمسم وشوي زيتون بدون حب وجبنة كرافت تشيدر مبشوره وشوي شطة سومطرا


3- بيض مسلوق مبشور مع طماطم مقطع قطع صغيره


4- تونه مكشنه بالبصل والبهارات


((( اي شي تحبينه تقدرين تحشين فيه السمبوسه))

السمبوسه
الحشوه الاولى
سمبوسة بطاطس مسلوق تسلقينه لوحده ثم تقشرينه وتهرسينه وتحطين فلفل اسود شوي وملح وشوي بهارات وتكونين مجهزه لحم مفروم بالبصل والبهارات والكزبره والبقدونس والشبت يعني لحم السمبوسه حقتك
تخلطي اللحم مع البطاطس
تتركينه يبرد شوي
ثم تحشينه بالسمبوسه وربي ررررررررررررررررررررررروعه وبتدمنينها
الحشوه الثانيه
سمبوسه بجبن فيتا المراعي بالنعناع
الحشوه الثالثه
سمبوسه بحشوة جبن فيتا مع فلفل بارد مفروم صغير وذره ررررررررررروعه مره
الحشوه الرابعه
جبن الموتزريلا تحطينه في طابي وتقلبينها على النار الين تذوب ثم تضيفين لها فلفل بارد
وتقلبينها ثم تحشينها بالسمبوسه
فيه ناس تضيف لها نقانق وطماط مقطع صغير مره بس انا لا ماحب
والحشوه الخامسه
بطاطس مسلوقه ومهروسه مع جبن سايل وشوي فلفل اسةد وبهار كاري وملح
وتلفينها رول
الحشوه السادسه
جبن شيدر مع فلفل بارد مقطع صغار وبصل اخضر مقطع صغار
الحشوه السابعه
بيض مسلوق مع جبن سايل
الحشوه الثامنه
جبن شيدر مع جزر مبشور
الحشوه التاسعه
خوذي فلفل بارد ملون وافرميه واضيفي له ين علبتجبن فيتا او اي جبن مالح وكيس موتزريلا واحشيهم واستمتعي اضيفي رشة زعتر بري او اورجيانو
الحشوه العاشره
جبن شيدر مع فلفل حار
الحشوه ال11
جبنة مالحه مع زيتون شرايخ وفلفل بارد وذره نفس طعم البيتزا
الحشوه ال 12
جبن فيتا وجبن حلوم ومتزريلا وكرافت مع بيضه وبصل اخضر
تنفع بعد بعجينه المطبق
الحشوه ال 13
بطاطس مسلوق مع جبن فيتا
الحشوه ال 14
بيض مسلوق ومفتت مت جبن شيدر مبشور والجبن اكثر من البيض وشوي مره نعناع
الحشوه ال 15
جبن سايل مع جبن مثلث ونعناع مجفف
وبس اتمنى تعجبكم يارب وكل عام وانتم بخير والله يبلغنا رمضان جميعا
دعواتكم لي الذريه الصالحه عاجلا غير اجل والله يرزقني وشقيقتي التوأم التامين بلا زياده ولا نقصان والملائكه تقول ولك مثل ذالك

اللقيمات
بطريقه ام عزيزان الله يجزاها خير والطعم بين الحموضه بسبب اللبن والحلاوه
2كوب دقيق
2كوب لبن دافي
ملعقة خميره
ملعقه سكر
تخلط المواد الجافه اولا سواء
ونصب عليها اللبن شوي شوي لما تصير عندك عجينه ثقيله ومتجانسه اثقل من خليط الكيكه بشويتين
تتركينها تخمر ساه
وبعدها تقلينها
اللبن لا تصبينه دفعه وحده شوي واخبطي اهم شي في اللقيمات هو انك تدخلين فيها هواء وتخبطين كنك تضربين احد
دعواتكم بالذريه لي ولشقيقتي عاجلا غير اجل قادر ياكريم

انا عندي حشوتين احبهم والكل عندي يحبونها

الاولى

صدور دجاج مفرومه

جزر مبشور

بطاطس مبشور

بقدونس مفروم

الطريقة

تكشنيين البصل وبعدين تحطين الدجاج وتحركين بسرعه

(((ويفضل تكشنيين بقدر عشان تاخين راحتك بالتحريك ))))

حطي الملح والبهارات

وبعدين تحطين البطاطس والجزر وتحركين لين تحسين انه استوى
وقصري النار عشان يستوي من دون يحترق

وبعدين طفي النار وحطي البقدونس


الحشوة الثانية
بصل مفروم
بطاطس مبشور
جزر مبشور
ملفوف مقطع قطع صغيرة
فلفل رومي مقطع قطع صغيرة

تكشنيين بصل

وتحطين الملفوف اول شي لانه يطول شوي على بال مايستوي

وبعدها تحطين الجزر والبطاطس وبعدها الفلفل الرومي

وبعدين نص او مكعب كامل من ماجي حسب كمية الحشوة

وطبعا الملح والبهارات وبعدها البقدونس

ماشاء الله حشوات حلوه