تسلمين اختي الله يوفقك بس .. وشو ا لدقوس ؟؟
يعني صلصة ولا شنو ؟

الله يعطيك العافية اختي باين عليها لذيذة وتختلف عن الحشوات التقليدية بس بغيت اسأل عن سمبوسة البطاط بالمعبوج تتفرزن والا حلاتها طازجة ؟ اخاف يخرب المعبوج اذا فرزنته !

حشوة دجاج مجربة :)

نحمر بصل مقطع ناعم +فلفل اخضر + ثوم على النار بشوي زيت ثم نضيف عليه دجاج مسلوق ومنتف ثم ملح و بهارات ( انا استخدم فلفل اسود + كاري+ كمون + بابريكا) ثم نطفي النار ونضيف بقدونس مفروم ..

ونفس الخلطة اللي فوق اسوي منها خلطتين الاولى بس اضيف جزر مبشور وجبن موزاريلا

والثانية اضيف بصل اخضر وموزاريلا وجبن مونتري جاك اذا تعرفونه

هذي ثلاث حشوات في حشوة ;) وكل وحدة لها طعم غير

ويجزاكم الله كل خير
الدقوس يعني صلصة طماطم نطري فيها العيش


ياهو
يعطيج العافيه على طريقتج باين عليها لذيذه

سمبوسة المعبوج ما تخرب مجربتها
وبالعافيه

روعه مااشاء الله ..وتسلم يدج اختي ماكو اسامي ....

واحلى حشوه انا جربتها هي الجبن .....

سمبوسة الجبن
علبة كبيره جبن كرفت مبشوره
كيس جبن مازارولا
نص كوب بصل اخضر مفروم ناعم
تخلط وتحشى